నిలువెత్తు సాహితీ మూర్తి నాంచారయ్య గారు.

అక్టోబర్ 17, 2023. శుక్రవారం సాయంకాలం 6.00 గంటలకు  విజయవాడ ఠాగూర్ గ్రంధాలయంలో ఎక్స్ రే సాహిత్య అకాడమీ వారు "నా విజయంలో నా భాగస్వామి పాత్ర"  అనే కార్యక్రమానికి కవి, పండితులు, సమాజ సేవకులను జంటలుగా పిలిచి సన్మానించారు.  

కృష్ణాజిల్లా గ్రంధాలయ సంస్థ చైర్పర్సన్ పూర్ణమ్మ గారు గౌరవ అతిథి గా పౌరగ్రంథాలయ సంస్థ చైర్మన్ ప్రసన్నకుమార్ గారు ముఖ్య అతిథిగా పాల్గొన్న ఈ కార్యక్రమంలో ఎక్సరే సాహిత్య సాంస్కృతిక సేవా సంస్థ ప్రధాన కార్య దర్శి ఆంజనేయ రాజుగారు సభాధ్యక్షత వహించారు.  

ఎంతో ఆహ్లాదంగా సాగిన ఈ సమావేశకార్యక్రమంలో నేను నా అర్థాంగి  వరలక్ష్మి తో పాల్గొన్నాను. ఎక్సరే సాహిత్య అకాడమీ వారు  సన్మానితులను " నా విజయంలో నా భాగస్వామి పాత్ర"  అనే విషయం పై మాట్లాడవలసిందిగా కోరి అవకాశం ఇచ్చారు.   రంగ వైభోగంగా కన్నులపండుగగా జరిగిన  ఈ సన్మాన కార్యక్రమం నాకే  కాక పాల్గొన్న లబ్ధ ప్రతిస్థులందరికీ గగనతలంలో వెన్నెల విహారాన్ని తలపించింది, మాజీవితాలని మేమే చూసుకొనే అవకాశం కలిపించి మా మనసులను కరిగించింది. కరిగి పోయిన కాలంలో యవ్వనం ఎలా కారిపోయిందో తలుచుకుంటుందే మనసులను ఆర్ద్రమైపోయాయి.  

                   సాయంత్ర సమయం సాహితీమూరుల సమక్షంలో  గడపడం ఒక అదృష్టం.

                     

 ఈ సన్మానానికి కారణమైన ఉయ్యూరు కి చెందిన  నాంచారయ్య గారు.   సాహితి అకాడెమీలో నా సభ్యత్వం కోసం ఆయన తన సొంత పనికోసం అన్నట్టుగా వేలరూపాయలు ఖర్చు చేశారు.  సాహిత్య అభిమానం  అంటే ఇది కదా!  నిస్వార్థ జనిత  తేజస్సుతో,  వెలుగుతున్నదివ్వె, నిలువెత్తు సాహితీ మూర్తి నాంచారయ్య గారు. వారికి  కృతజ్ఞతలు చెబితే సరిపోదు. ఏదో ఒక సమాజ సేవ చేయడం ద్వారా వారి ఋణం తీర్చుకుంటాను. 

వంద భాషల వర్ణ మాల - 2023 దీపావళి అంతః కాంతులు

2023 దీపావళి చాలా ప్రత్యేకం. ఈ ఏడాది బాహ్యకాంతుల కంటే అంతః కాంతి రెట్టింపయ్యింది. బాహ్యంలో నూనె దీపాలు కాంతులు, అంతరంగంలో కొత్తగా నేర్చుకున్న భాషల కాంతులు.  రష్యన్ లిపి నేర్చుకుని, వర్ణ మాల రాసి  వీడియో పోస్ట్ చేసాను. వారం క్రితమే చైనీస్, జపనీస్. గ్రీక్ వర్ణ మాలలు నేర్చుకున్నాను.   

                       

12th Nov 2023 Diwali - the light of the house with lamps

విజయవాడ  పట్నం  నుంచి పల్లెకు మకాం మార్చి ఆరేళ్ళయింది.  స్వగృహప్రవేశమ తరువాత జరుపుకున్నమొదటి పండుగ దీపావళి. కొత్త ఇంటినిండా దీపాల కాంతులు. మనసులో నిండిపోయాయి.  ప్రతిసంవత్సరం పండుగ అంటే సంఘ సేవ చేయడం,  దీపావళికి ఎదో కొనడం పరిపాటి గా సాగింది. ఈ సంవత్సరం ఫోమ్ బెడ్ కొనుక్కుని పాత బెడ్, సోఫా మిత్రులకి బహుమతిగా ఇచ్చి ఆనందం పొందాను.   ఇంట్లో దీపాలంకరణ  మామూలే. 

నేను నా ఆనందంకోసం,  కాలం సద్వినియోగం చేసుకోడం కోసం 100 భాషల వర్ణమాలలు  రాయడం లక్ష్యంగా పెట్టుకున్నాను. హిందీ , తెలుగు , తమిళ్, మలయాళం , కన్నడం, బెంగాలీ,  గుజరాతీ , అస్సామీ,  మరాఠీ , పంజాబీ - 10 దేశీ భాషలతో పాటు  

మరో 10 విదేశీ భాషలు    ఫ్రెంచ్, జర్మన్, స్పానిష్,  ఇటాలియన్,  ఇంగ్లీష్, జపనీస్, చైనీస్ ,  అరబిక్,  ఉర్దూ  -  ఇరవై భాషల వర్ణ మాల నేర్చుకోవాలని సంకల్పించాను. డిసెంబర్ అంతానికి 20 వర్ణ మాలలు రాస్తాను. అరబిక్,  ఉర్దూ ఇంకా నేర్చుకుంటున్నాను.  రష్యన్ , గ్రీక్ , లాటిన్  వర్ణమాల ఇప్పటికే  నేర్చుకున్నాను. నేను 100 వర్ణ మాలలు రాసిన తరువాత పొందే ఆనందం మాటల్లో చెప్పలేను.  దీనికి అకుంఠిత దీక్ష కావాలి.  

నా చదువు ఎవరికైనా ఉపయోగపడుతుందని, చరిత్రలో నాకు ఒక స్థానాన్ని ఇస్తుందని కనీసం కొంతమంది కైనా   స్ఫూర్తినిస్తుంది ఆశిస్తూ   దీపావళి శుభాకాంక్షలతో  -  Венкат прасад 

గొప్ప మిత్రునికి - గజమాల

 విశ్వమంగళ  గీతాల రచనతో ప్రపంచ శాంతి కై  పరితపించి వినుతికెక్కిన

విశ్వ విఖ్యాత  వంగీపుర  శ్రీనాథ చార్యులకు పూలబాల కవితాంజలి

నీ సాటె  వ్వరు  నాథ,   గౌరు గంభీర సాహిత్య   తేజ 

దోష రాహిత్య నిత్య సాహిత్య భోజ   విశ్వకవిరాజ విరాట్ తేజ  

నీ యాంగ్ల  కవన  దౌరు, ప్రభవిల్లు  సాహిత్య సౌరు

ఘోషించు నీ   నీలంపు  తలంపుల విశ్వశాంతి గోరు

నీభావగీతాల నాసాదించు దాతృత్వ భావముల్

అతులిత పద బంధ ముల్  అంద  చందముల్  

చైతన్య బీజముల్,  శాంతివారముల్    

అకుంఠిత దీక్షోద్బవ అఘోర శాంతిమార్గముల్

ఆత్రేయు  తేజంబు లొప్పు అసమాన ఆచార్య  

జితకాశి,  వారణాసి జాత విశ్వవిఖ్యాత స్పూర్తి ప్రదాత

భూమండలోత్తుంగ భూరి కవినాథ , వంగీపురనాథ శ్రీనాథ 

దశ సర్గ  విశ్వమంగళ  కామ్య  కవన నాథ, శ్రీనాథ  

జయ జయ పురంజయ హర హర నాథ హరి నాథ జగన్నాథ 

 కరుణతో కావవయ్య శ్రీనాధా చార్యున్   నాథ పశుపతి నాథ 

 బ్రోవవయ్య  నీల రామానుజా సుతున్ నాథ ప్రమథ నాథ    

భవదీయ భజనీయ కమనీయ రమణీయ మంత్ర మహిమ

 సంభావించి సవిత్తున్   ఐక్య రాజ్యముల మరంబగుగాక