Eazy Foreign Languages

This blog is about German and French Language in Vijayawada. Articles, poems, songs and experiences of poolabala

Sunday, October 27, 2019

ఏవండేవండన్నారంటే దొరగారో - జానపద గీతం - పూలబాల


ఏవండే వండన్నారంటే  దొరగారో 
మిమ్మెన్నడైన మరువమండో  దొరగారో
మంచిగంధం సెట్టు లాంటి దొరగారో
మా మనసులోని మడిసివయ్యా దొరగారో

ఏవండే వండన్నారంటే  దొరగారో 
మిమ్మెన్నడైన మరువమండో  దొరగారో

నువ్వు పొగడసేట్టు నీడలోన దొరగారో
పంచి గట్టి నవ్వుతుంటే దొరగారో
పొగడపూల వర్షమొచ్చి  దొరగారో
నా వొళ్ళు ఘల్లు మన్నాదయ్యో  దొరగారో  

ఏవండే వండన్నారంటే  దొరగారో 
మిమ్మెన్నడైన మరువమండో  దొరగారో

నీ  మోటార్ సైకిల్ సప్పుడైతే దొరగారో
 నా గుండె సప్పుడాగుతాది దొరగారో
నువ్వు నాకే సూసి నవ్వితే దొరగారో
నే టుంకిరి బింకిరి అయిపోతాను  దొరగారో

ఊసులాడ వత్తు పోయే దొరగారో
మా మంచి సెడ్డ సూసుకుంటా దొరగారో
మా సామాసగాడివైతివి దొరగారో

మంచిగంధం సెట్టు లాంటి దొరగారో
మా మనసులోని మడిసివయ్యా దొరగారో

పనిలోకొచ్చిన పడుచులంతా దొరగారో 
నీ  ఉంగరాల జుత్తు సూసి దొరగారో
గింగిరాలు తిరుగుతారు దొరగారో 

మంచిగంధం సెట్టు లాంటి దొరగారో
మా మనసులోని మడిసివయ్యా దొరగారో

కాలిబాట నడుసుకుంటా నే సారవకోట
పోతావుంటే  పగటాటకి నే పోతావుంటే
నువ్వు బండి మీద దింపుతావు దొరగారో.

నేను పచ్చాసీర కట్టుకొని దొరగారో
పచ్చనిసెల్లో పనిసేస్తుంటే దొరగారో
నా పంట పండి పాము వచ్చిదొరగారో
నన్ను కాటువేసి పోనాదయ్యో  దొరగారో
                                                             
మడిగట్ల ఎమ్మట  నడుసుకుంటా దొరగారో
నన్నాసుపత్రికి మోసుకెళ్లితె  దొరగారో
మాయమ్మ నాకు గుర్తుకొచ్చే దొరగారో.

నాకు విసమెక్కిందని విలవిలా లాడితే
ఆ పాము మీద కచ్చి పుట్టే దొరగారో
నువ్వు కంటిశుక్క రాలిత్తే  దొరగారో
నేపామును కరిసి సత్తానయ్యా  దొరగారో.

ఇదినా ఆకరిపాట కావాలయ్యా దొరగారో
నామనసులోమాట సెప్పలయ్యో దొరగారో  
నీ సేతిమీద సావలయ్య దొరగారో.

1 comment:

  1. I have enjoyed a lot while singing this song. It's really touched my heart

    ReplyDelete