Anveshana 2020 Scene 16

చుట్టూ అడవి కొండలు మధ్యలో చిన్న గూడెం. ఆ గూడెంలో  జరుగుతోంది గూడెం పండుగ.  ఒక విలేజ్ ఫెయిర్ కి వెళితే ఎలా ఉంటుందో అలాగే ఉంది. రెండు వైపులా  వరసగా చుట్టూ గుడిసెలు .  గుడిసెలమధ్య ఎడం బాగా ఉంది. మధ్యలో చాలా చోట్ల ఖాళీ జాగా ఉంది.  అక్కడక్కడా పెంకుటిళ్లు ఆ మధ్యలోంచి వెళితే  కొంత దూరం తర్వాతా   కర్ర సాములు చేస్తూ ఉన్న యువకులు కనిపించారు. ఇంకొంచెం ముందుకి వెళితే ఒక గుడి ఉంది. అక్కడ ఎవరో వంటికి మట్టి రాసుకున్న యుక్త  వయసులో ఉన్న  ఆడ మెగా ఉన్నారు. రెజినా అడిగింది " ఇది ఏంటి ? ఏంచేస్తున్నారు వీళ్ళఅంతా ? " " కొంచెం ముందుకి వెళితే అర్ధం అవుతుంది " కొంచెం ముందుకి వెళ్ళేరు. ఒక చోట డప్పులు కొడుతూ చుట్టూ మగవారు నిలబడితే , మధ్యలో యువతీ యువకులు డాన్స్ చేస్తున్నారు.  చిన్న చిన్న టెంట్లు , స్టాల్ల్స్  ఒక పాతిక దాకా ఉండచ్చు , వారు బట్టలు తిను బండారాలు అమ్ముతున్నారు.  ఎక్కువ మంది తాటి చాపలమీద  చిన్న చిన్న సామ్యాలు పెట్టి అమ్ముతున్నారు.  గాజులు , సబ్బులు , అద్దాలు, దువ్వెనలు,  ప్లాస్టిక్ బొమ్మలు  తాళం కప్పలు ఎక్కువగా కనిపిస్తున్నాయి అన్నే నకిలీ వస్తువులే.  కొంతమంది అడవిలో దొరికే వస్తువులు, తేనె, విత్తనాలు, కల్లు,  విప్పసారా , అమ్ముతున్నారు. ఇంకొంచెం ముందుకి వెళ్ళేరు 

గుడిసెల వరస అయిపొయింది చాలా పెద్ద ఓపెన్  స్పేస్  వచ్చేసింది. అందులో  హైవె కి ఇరువైపులా చెట్లు ఉన్నట్టు , ఇటు అటు తాటిచెట్లు ఉన్నాయి.  రోడ్డుకి ఒక వైపు ఒక వరసలో  సుమారు 40 అడుగుల  పొడవైన  తాటి చెట్లు ఒక ఇరవై దాకా ఉన్నాయి . ఆ చెట్ల వరసకి ఎదురుగా నిలుచునట్లు మరో వరసలో చెట్లు ఉన్నాయి.   అది ఎలా ఉందంటే రోడ్డుకి ఇరువైపులా పొడవైన మనుషులు ఎదురు ఎదురు గా నించున్నట్లుంది. దూరంలో మళ్ళీ గుడిసెలు కనిపిస్తున్నాయి. 

https://www.youtube.com/watch?v=0qClO7uO_zI  (click the link to see the aerial girl)

కుడిచేతి వైపు ఉన్న ఒక వరుస  తాటి చెట్ల మధ్య ,  6 అడుగుల  దూరం లో ఉన్న రెండు  తాటి చెట్ల మద్య  ఉయ్యాలలా ఒక చీర కట్టి ఉంది. ఆ చీర మీద  ఒక అమ్మాయి కేవలం పాదాలు మెలిపెట్టి వెళ్ళాడుతున్నది. మెల్లగా చీర ఊగుతున్నది . చీర ఊపు పెరగగానే పాదాలు రెండు వదిలేసి చేత్తో చీర పట్టుకుంది . ఈ సారి ఊయల బాగా ఊపందుకునే ,  తాటి చెట్టు ఎత్తుని దాటి పైకి పోయింది.   ఎవరీ అమ్మాయి ? అంది రెజీనా.  ఈమెను సింహం గుండె  అంటారు. ఈమె పేరు చంద్రి ఊయల వైపు చూసేసరికి చంద్రి చందమామ మీద ఉన్నట్టు కనిపించింది. ఆ వేగం చూస్తే రేజీనాకి వొళ్ళు తిరుగుతున్నది. కాస్త ఊయల  వేగం తగ్గించి చేతులు వదిలి మోకాళ్ళ మడత తో చీరని పట్టుకుంది.  జనం ఒక ముప్పయి మంది దాకా  పోగయ్యారు.  ఊయల వేగం బాగా పెంచి రెండో  వైపు ఉన్న తాటిచెట్ల వరస  వైపు పిల్ల తన శరీరాన్ని విసిరేసింది.  రేజీనా కళ్ళు తిరిగి పడిపోయింది.  ప్రేక్షకులు ఒక వైపు చాట్ల వరుస  నుంచి మరో వైపుకు చెట్ల వరుస కి  తిరిగారు . అక్కడ ఈ చీర కట్టిన రెండు తాటి చెట్ల కి సమాంతరంగా ఉన్న  రెండు తాటి చెట్ల మధ్య ఒక  మోకు  తాడు కట్టబడి ఉంది.  రెజీనా కళ్ళు తెరిచి చూసే టప్పటికి  చంద్రి  ఆ తాటిని పట్టుకుని వేలాడుతోంది.  చంద్రి ఆ మోకు తాటిమీద నడవడం నుంచి ఊగడం దాకా , వేళ్ళాడడం , గాలిలోకి శరీరాన్ని విసిరీసే , ఒక ట్విస్ట్ చేసి  ఊగుతున్న తాటిని అందుకోడం లాటివి ఎన్నో చేసింది.  రెజీనా చాలా సార్లు కళ్ళు మూసుకుంది.

చివరిగా తాటి మీద నడుస్తూ , వేళ్ళాడుతూ కిందనుంచి విసురుతున్న నాణేలని పట్టుకుంటోంది. ఇంకా రెజీనా వల్ల కాలేదు. ఏడ్చేసింది , ఆ పిల్ల కి ఎంత డబ్బు కావాలన్న నేను ఇస్తాను అని,  వద్దు దిగిపో మనండి అని ఏడుస్తోంది. ఆట ఆగిపోయింది. ఆ గూడెంవాళ్ళు రెజీనాని విడ్డురంగా చూసారు. నోట్లు  గుప్పెడు నిండా  తీసుకుని చంద్రి చేతులో  పెట్టి,  వద్దు ఇలాటివి చేయవద్దు అమ్మా,  అంది.  చంద్రి రెజీనా కళ్ళు తుడిచింది.  ఆ నీళ్లు తొలగిన  కళ్ల తో చంద్రికని స్పష్టంగా చూసిన తరువాత అవాక్కయ్యిది.  ఈమెనే పట్టాభి .. 

చంద్రిక డబ్బు తీసుకోలేదు . నెమలి రెజీనాని ఓదార్చి తీసుకెళుతూ " ఈ అమ్మాయి  సర్కస్ లో ఏరియల్ గర్ల్ గా చేసింది,  ట్రెపీజ్ విన్యాసాలు చేసేది. కోటిమందిలో ఒక్కరికి  అంత గట్స్ ఉంటాయి. ఎందుకంటే సర్కస్ లో రీటేక్ ఉండదు, డూప్ ఉండదు, కిందపడితే ప్రాణం ఉండదు. " రెజీనా మ్రాన్పడి పోయి బొమ్మలాగ మెకానికల్గా నెమలి వెంట నడుస్తున్నది. " రింగ్ మిస్ట్రెస్ దాకా వెళ్లిన ఆమె ఉజ్జోగం కోల్పోయింది.  రింగ్ మాస్టర్ అనే పేరు విన్నాను , రింగమిస్ట్రెస్ అనే పేరు మొదటిసారి వింటున్నాను చూస్తున్నాను. రింగ్ మిస్ట్రెస్ అంటే చాలా ముఖ్యమైన జాబ్. ఆ సర్కస్ కంపెనీ వాళ్లకు బుద్ధి లేదు ఎందుకు తీసేసారు? ఆ సర్కస్ కంపెనీ మూత పడింది. అయినా ఈ అమ్మాయి ప్రతిరోజు ఉదయాన్నే 5 గంటలకి ప్రాక్టీస్ మొదలుపెడుతుంది.

ఈ అమ్మాయి ఏంచేస్తుంటుంది ? అంది రెజీనా . చంద్రిక వింటనర్ ( vintner) అంటే వైన్ మేకర్. చాలా రకాల వైన్స్ , ద్రాక్ష , మహువా , చెర్రీస్ ఇంకా చాలా. ఎవరికీ కావలిసినా ఇంటికి తెచ్చి ఇస్తుంది. " జేమ్స్ కి  కూడానా ? " అంది.  వెంటనే నవ్వేసి  సత్య , గిరి ఏరి అంది . నెమలి నవ్వింది. " అయ్యో చూడలేదా   వాళ్ళిక్కడికి వచ్చిన పనిమీద ఉన్నారు. అని కొంచెం  దూరంలో  ఉన్న ఒక అంగడి చూబించింది. అక్కడ వీళ్ళిద్దరూ ఏంచేస్తున్నారు? అంది రెజీనా . దగ్గరికి వెళ్లి చూస్తే ఇద్దరూ ఇప్పసారా తాగుతూ కనిపించారు.  "డైజేషన్ కి చాలా మంచిది " అన్నాడు గిరి , అంటే నాకు డైజేషన్ పాడయ్యింది కదా అందుకని అని సత్య చెప్పబోయాడు. " ముసుగులు అనవసరం , ఇష్టం అందుకే   తాగుతున్నాము అని చెప్పండి " అంది నెమలి.

ఇద్దరూ కొంచెం ముందుకి నడిచారు  అక్కడ ఒకడు విలువిద్య ప్రదర్శిస్తున్నాడు. చేతులమీద నిలబడి కాలితో బాణం ఎక్కుపెట్టి  వరుసగా  వేలాడదీసిన రక రకాల  పళ్ళని గురిచూసి కొడుతున్నాడు. చూడడానికి వచ్చినవాళ్లలో ఒకడు వాటర్ మెలోన్ చూపాడు ,బాణం దానిలోంచి దూసుకుపోయింది. మరొకడు పపాయ చూపాడు  బాణం దానిలోంచి దూసుకుపోయింది. మరొకడు నారింజ చూపాడు బాణం దానిలోంచి దూసుకుపోయింది, మరొకడు నారింజ , మరొకడు నిమ్మ చూపాడు , చివరగా ద్రాక్ష పండు ఉంది. అది కొట్ట మంటే , ఒక నిమిషం ఆగాడు కాళ్లతో బాణం కిందపెట్టి  లేచి నిలుచున్నాడు, " ఎవరైనా తలమీద పెట్టుకుంటే కొడతాను   గురి తప్పితే  నా తల తీసుకోండి"  అన్నాడు   ఎవరొస్తారు . ఎవ్వరూ  రాలేదు. వీడిని అసిరిగాడు అంటారు  అంది నెమలి. అయితే అంత  బుద్ధి తక్కువగా ఎవరు తలమీద పెట్టుకోగలరు.   అంది రెజీనా చంద్రిక రావడం ద్రాక్షపండు నెత్తిమీద పెట్టుకోడవం  అసిరిగాడు దాని గురి చూసి కొట్టడం అన్నే ఒక్క క్షణంలో జరిగిపోయాయి .

మేడం మీరు తప్పక చూడవలసింది ఒకటుంది , అందులో వైలెన్స్ ఏమీ ఉండదు . పెళ్లి చూడడమే అన్నాడు గిరి . సింపుల్ గా  పెళ్లి అంతే అన్నాడు సత్య కొంచెం నిషా స్వరంతో. కొంచం ముందుకి పోగానే అక్కడ ఒక గుంపు ఉంది. నెమలి అంది  ఇది ఫినాలీ,  లాస్ట్ ఐటెం ఆఫ్ ది కార్నివాల్ .  గుంపుని తోసుకుని లోపలికి వెళ్ళగానే మొట్టమొదట కనిపించిన వ్యక్తి పట్టాభి. ఇంకో నలుగురు గూడెం పెద్దలు , కొంత మంది స్త్రీలు ఉన్నారు.

రెజీనా పక్కనే ఉన్న ఒక గూడెం  స్త్రీని అడిగింది ఎం జరుగుతోందని. ఆడపిల్లలని అబ్బాయిలు  లేవదీసుకు పోతారు. అయ్యో  వాళ్ళ తల్లి తండ్రులు ... అంది రెజీనా. అదిగో అక్కడ కనిపిస్తున్నారు వాళ్ళే పిల్ల తల్లి తండ్రులు. అంటే తల్లి తండ్రులు చూస్తుండగానే లేవదీసుకుపోతాడా ? అంది రెజినా . "అబ్బా ! గూడెం అంతా చూస్తుండగా కూడా పబ్లిక్గా లేవదీసుకుపోతుంటే." అంది నెమలి .  మట్టి రాసుకున్న పిల్ల పిల్లాడు వచ్చారు. పిల్ల చెయ్యి పిల్లాడు పట్టుకుని  అందరి ముందు లేవదీసుకు పోయాడు.  జీప్ అడవి మార్గం పట్టింది. నిజంగా ఇలాంటి ఆచారాలు ఇండియా లో ఉన్నాయా ? ఇంకా ఇలాటి ఆచారాలు చాలా ఉన్నాయి . అంది నెమలి.  జీప్ బంగాళా చేరింది. కార్తీక్ రాలేదు , రెజీనా రూంకి వెళ్లి ఆలోచనల్లోకి జారుకుంది.

Anveshana 2020 Scene 15

షూ . . షూ షూ షూ  అని షార్ప్ ట్రిల్ల్స్  వినిపించడం తో కళ్లుతెరిచి చూసింది  రెజీనా. బాగా మత్తుగా పడుకున్నావనుకుంటాను , మత్తుగా అనే పదాన్ని వత్తి పలికింది. అనసూయ.  అవును రాత్రి రూమ్ లోకి వెళ్ళగానే  మంచం మీద పడిపోయింది. అలా నిద్రలోకి నిద్రలోకి జారుకుంది.  నవ్వి అవును అంది . వెంటనే మాటమార్చి నిన్నరాత్రి వాన పడలేదు కదా అంది కాఫి కప్పు తీసుకుంటూ. ఇద్దరూ కిటికీ దగ్గరికి వెళ్లి నించున్నారు. పడుతుంది అనుకున్నాము , కానీ పడలేదు అంది అనసూయ.  వాన పడకపోతేనే అందరు హాయిగా పడుకుంటారు. ఎక్కడ రాత్రంతా సత్య పడుకోలేదు , స్టమక్ అప్సెట్ అంటూ. అంది అనసూయ కాఫీ కప్ తీసుకుంటూ. సరే నేను తయారయ్యి వస్తాను బాత్రూం లోకి దూరింది రెజీనా. అనసూయ కాఫీకప్ తీసుకుని మేడ దిగివెళ్ళిపోయింది.

  రెజీనా మేడ దిగి కిందకి వచ్చేసరికి అప్పుడే తెల్లవారుతోంద. హాల్లో గిరి ఒక్కడే ఉన్నాడు కబోర్డ్ లు తుడుస్తూ. రెజీనాని చూసి ఇది సత్తిగాడి పని కానీ నేను చేస్తున్నాను. అయ్యో , ఎంత పని అయిపొయింది అన్నట్టు మొహం పెట్టి , ఇంతకీ  సత్య ఏడి  ? అంది వాంతులు అవుతున్నాయి. రాత్రి ఏం తిన్నాడో చెప్పడు , మీరు వచ్చిన తరువాత వచ్చాడు బంగళాకి. చూడండి ఇప్పుడు కూరలు తేడం  నుంచి  నుంచి , మొక్కలకి నీళ్లు పెట్టడం , సోఫాలు తుడవడం  దాకా అన్నీ నేనే చెయ్యాలి.అన్నాడు గిరి. ఇక్కడ డాక్టర్ ఎవరూ లేరా ?  విలేజ్ లో ఉన్నారండి. మంచి డాక్టరే , కాకపోతే ముసలాయన. మంచి డాక్టరే  అంటే ? అంది రెజీనా. అంటే ఆర్ ఎం పీ కాదు అని అర్ధం.

నువ్వు సత్యని జాగ్రత్తగా చూసుకో నేను ఎర్లీ మార్నింగ్ బర్డ్స్ ని రికార్డ్ చెయ్యాలి.  అంటుండగానే సత్య వచ్చాడు " ఏంటి మేడమ్ , చెంచులగూడెం దగ్గరకా ? గిరి నువ్వెళ్లు. నాపని నేను చేసుకుంటాను అన్నాడు. అన్నట్టు అనూ .. అనూ  మేడమ్ వెళుతున్నారు, బ్రేక్ఫాస్ట్ రెడీచేయ్యవా ? అని అరిచాడు.  మేడం రెండు నిమిషాలు బ్రేక్ఫాస్ట్ రెడీ  అంది.  ఏం  అక్కరలేదు , నేను ఒక్కత్తినే వెళ్ళగలను. గిరి సత్యాని  డాక్టర్ కి ....  ఓకే  అంటూ  జీప్ ఎక్కేసింది . నాకు  అజీర్తికి ఆ మందు పనిచేయదు , దీనికి వేరే మందు ఉంది  అది గూడెంలో దొరుకుతుంది. మీరు త్వరగా వస్తే అక్కడ ... జీపు కదిలిపోతోంది .. పండగ ఉంది , అంటే లోకల్ కార్నివాల్. కార్నివాల్ అనేమాటని జీప్ దగ్గరగా వెళ్లి వినపడేలా సత్య అరుస్తుండగా "ఒకే" అంది రెజినా.  జీప్ వేగం పుంజుకుంది.  జీప్ అడవిలోంచి దూసుకుపోతోంది. కొంచెం అడవి పరిచయం అయ్యింది. మనస్సు తేలికగా ఉంది. జీప్ చీతా వాటర్ స్పాట్ దాటింది   డయాగ్నల్ గా కనిపిస్తున్న బాటలో  జేమ్స్ క్యాంపు హౌస్ , జీప్ ముందుకి వెళ్ళిపోయింది. నెమలిని చూసి ఈర్ష్య కలిగింది. జంకు గొంకు లేకుండా లైఫ్ ఎంజాయ్ చేస్తోంది. తప్పు అనిపించినా  చాలా రొమాంటిక్ అని కూడా అనిపించింది. కార్తిక్ కూడా చాలా  రొమాంటిక్ , కానీ తానే గిరిగీసుకుని కూర్చుని జీవితాన్ని కెరియర్ బాటలోకి నెట్టింది.  కార్తీక్ తో కార్లో తిరిగిన రోజులు గుర్తువచ్చాయి.  అవి చాలా జాలీ డేస్ .

 అవి కార్తిక్ మద్రాస్ యూనివర్సిటీ లో క్రిమినాలజీ  చదువుతున్న     రోజులలో పరిచయం అయ్యాడు.  కార్తీక్ ని మొదటిసారి లైబ్రెరీలో చూసినప్పుడే , ఈ అబ్బాయి కావాలి అనుకుంది. తనది  అన్ బీటబుల్ ఫిజికల్ చార్మ్.  తాను తీసుకెళ్లిన పుస్తకాలే ఆమె కూడా చదువుతూ చాలా సులభంగా పరిచయం చేసుకుంది.  వాటి గురించే ఇద్దరూ చర్చించేవారు. క్రిమినాలజీ తో పాటుగా హారర్ ఫిలిమ్స్ చూడడం డిటెక్టీవ్ బుక్స్ చదవడం ఇద్దరికీ కామన్ హాబీస్. ఒకరోజు మెరీనా బీచ్ లో కార్తీక్ అడిగాడు " నేనంటే క్రిమినాలజీ స్టూడెంట్ని నాకు ఈ హాబీస్ సూట్ అవుతాయి మీరు సోషల్ వర్క్ స్టూడెంట్ కదా మీకు ఇలాంటి హాబీస్ ఏంటి ? హాబీస్ కూడా కెరీర్ కి సంమంధించినవే ఉండాలా , ఇదేం లాజిక్కు ? అని తిరిగి అడిగింది. అదే కదా లాజిక్కు అన్నాడు. "లైఫ్ లో లాజిక్ లేనివి చాలా ఉంటాయి.  నిజం చెప్పాలంటే  నాకు చదువు కూడా హాబీ లాంటిదే. సరదాకి చదువుకుంటున్నాను." అంది.  "తర్వాత ఎం చదువుతావు ? జాబ్ ఏంచేయాలి అనుకుంటున్నావు? ఏం ఉద్యోగం చేయక్కరలేదా? అన్నాడు.  "నేను ఆర్నిథాలజీ చదువుదామనుకుంటున్నాను."అంది. " ఏంటి పక్షులగురించి చదువుతావా?   నేను చదివే చదువుకి మంచి అవకాశాలు ఉన్నా  నన్ను ఈ కోర్స్ తీసుకున్నందుకు  మా ఇంట్లో వాళ్ళు వాయించేస్తున్నారు . ఈ చదువుకి ఎం ఉజ్జోగాలు వస్తాయి అని . మీ ఇంట్లోవాళ్ళు నీకు ఇంత స్వేచ్ఛ ఇచ్చి చదువుకోమన్నారంటే  వాళ్ళు చాలా గ్రేట్ , ఒక్క సారి మీ ఇంటికి తీసికెళితే వాళ్లకి రెండు చేతులు ఎత్తి  నమస్కరించాలి ఉంది. అన్నాడు . మరుసటి ఆదివారం మా ఇంటికి తీసికెళ్ళాను. మా నాన్న గారికి కార్తిక్ గురించి చెప్పెను.  మా ఇంట్లో అడుగు పెట్టాక మాది బాగా సంపన్న కుటుంబం అని అర్ధం అయ్యింది.  ఆ తర్వాత కార్తీక్ నాతో మాట్లాడడం తగ్గించేసేడు , కనపడడం కూడా అరుదే. కార్తీక్ కి లాంగ్వేజెస్  అన్నా , రీడింగ్ అన్నాపిచ్చి . రేజీనాకి కార్తీక్ అంటే పిచ్చి.  చదువు కుంటున్నంతసేపు కార్తీక్కి ఎప్పుడూ కెరీర్ మీద ధ్యాస ఉండేది. పైగా రెజీనా పట్ల గౌరవంతో మర్యాదగా నడుచుకునేవాడు. కార్తీక్ బాహ్య సౌదర్యంతో అంతః సౌదర్యం పోటీ  పడుతుంటుంది.

కోర్సు పూర్తయిపోయే సమయానికి , కార్తీక్ కార్ల మీద చాలా ఆసక్తి కలిగింది. ఎప్పుడూ పుస్తకాలు , పుస్తకాలు,  పుస్తకాలు అనేవాడు కార్లమీద మోజు పెంచుకున్నాడు. మద్రాస్ వదిలి వెళ్లిపోయేలోపు మెరీనా బీచ్ కి కార్లో రావాలని కోరిక. నాదగ్గ ఉన్నవి కార్తీక్ దగ్గర లేనివి కార్లే. ఒక రోజు  యూనివర్సిటీ కి కారు తీసుకెళ్ళేను. మెరీనా బీచ్ కి వెళ్ళేం , కోరిక తీరిపోయింది కదా అంది రెజీనా. నవ్వి ఊరుకున్నాడు.  కొన్ని  సార్లు కార్లో తిరిగారు, ఎప్పుడు కారుతీసినా వర్షం గ్యారంటీ "  అందుకే ఎప్పుడు  వర్షం చూసినా మనసు పూవై పులకరిస్తుంది.  వచ్చేసింది చెంచుగూడెం బర్డ్స్ స్పాట్ . గిరి సత్య పాతిన బోర్డు కనిపిస్తోది. హడావుడిగా జీప్ దిగి  డయూర్నల్ బర్డ్స్ - వేకువ జాము పక్షులను రికార్డ్ చేయడానికి పేరాబోలిక్   మైక్రోఫోన్ సిద్ధం చేసి , హెడ్ ఫోన్స్ లో వింటూ ముందుకు సాగుతున్నది . పక్షులు రోడ్డు దగ్గరలో ఉన్న  చెట్లమీద లేవు.  చెట్లవంక చూస్తూ అడవిలోపలకి ప్రవేశించింది. ఒక అరగంట నడిచిన తరువాత హెడ్ఫోన్ కి మొదటి సిగ్నల్ అందింది. తర్వాత కొత్త బర్డ్ కాల్స్ వినిపిస్తున్నాయి. రికార్డింగ్ ముగించి చూస్తే అన్ని దిక్కులు  ఒకే మాదిరిగా ఉన్నాయి. నాలుగు దిక్కులు పరిగెడుతోంది, రోడ్డు కావాలి తనకి . జీప్ కనిపించాలి అప్పటికిగానే తన మనసు కుదుటపడదు . ఇక్కడ ఒక్క చెంచు లేడే. ఎవరైనా ఉన్నారేమో అని చుట్టూ చూస్తోంది. సడన్గా  ఒక జత నల్ల బూట్లు ఒక పొదలచాటుకి పరిగెట్టేయి. బో గన్ లో ఏరో  ఫిక్స్ చేసి తలఎత్తి  పొదవైపు చూసింది. ఎవ్వరూ లేరు. గట్టిగా అరిచింది " హెల్ప్ " దూరంగా పెద్ద చెట్లమాటున ఎవరో కదులుతున్నట్టుంది .

జీప్ ఆపినవైపు సౌత్ , దిగి తాను నడిచిన ది  తూర్పువైపు , మల్లె తూర్పుకు తిరిగింది . తనవెనక భాగం పడమ. కుడిచేతివైపు దక్షిణం , ఎడమచేతి వైపు ఉత్తరం. మెల్లగా నడిచింది పావుగంట తర్వాత జీప్ కనిపించింది.  ఆశ్చర్య బర్డ్ స్పాట్ బోర్డు ఎవరో పీకేశారు. ఇందాక వచ్చే తప్ప్పుడు కనిపించింది ఇప్పుడు లేదు.  ఇంకా నయం జీప్ ఉంది. పరిగెత్తుకుంటూ జీప్ ఎక్కి స్టార్ట్ చేసింది. ఈ ఆగంతకుడి సంగతి తేల్చాలి. అని గట్టిగా నిశ్చయించుకుంది. ఈరోజు కార్తీక్ వస్తాడు కానీ ఉదయమే వస్తాడా? సాయంత్రం వస్తాడా తెలియదు. జీప్ జేమ్స్ క్యాంపుహౌస్  వైపు పోనిచ్చింది. కొంచెం దూరంలో జీప్ ఆపి దగ్గరికి వెళ్ళాక ఏవో మాటలు వినిపిస్తున్నాయి. తన దగ్గరున్న ఏరోతో  కన్ను చూడడానికి వీలయ్యే చిన్న కన్నం చేసింది.  అక్కడ చూసిన దృశ్యం చూసి షాక్ తగిలింది.  ఒక పొడవాటి నల్లని అమ్మాయి జేమ్స్ కౌగిలిలో ఉంది . ఆ అమ్మాయి దాదాపు 6 అడుగులు ఉండొచ్చు. బలిష్టంగా సాము గరిడీలు చేసేవారికుండే శరీరం ఉంది. ఆ అమ్మాయి మొఖం రెజీనాకేసి తిరిగి ఉంది. జేమ్స్ బేక్ వ్యూ కనిపిస్తున్నది. ఇద్దరికీ ఒంటిమీద బట్టలు లేవు.   ఆ అమ్మాయిని  రెండు  చేతులతో ఎత్తుకుని మంచం మీద పడేసాడు. ఇంక బాగుండదని కన్నం దగ్గరనుండి మొహం తీసేయబోతుంటే , ఆ మగ వ్యక్తి మొఖం కనిపించి రెండవ షాక్ తగిలింది.  అతడు జేమ్స్ కాదు , పట్టాభి. అంటే జేమ్స్ ఎక్కడుండచ్చు ?  బుర్ర లో మిక్సీ తిరుగుతున్న అనుభూతి , జీప్ దగ్గరకి వెళ్లే వరకు ఉండుండి  మిక్సీ స్పీడ్ పెరిగిపోతోంది.  జీప్ బంగాళా చేరింది.  జీప్ నిలిపి లోపాలకి అడుగు పెట్టగానే మరో షాక్.    గిరి , సత్య,  అనసూయ లతో నెమలి కూడా కనిపించింది.

మొత్తం ఎన్ని స్పాట్స్  మేడమ్ ?  అన్నాడు గిరి. అనసూయకి మొత్తం ఎన్ని షాక్స్  మేడమ్ ? అన్నట్టు వినిపించింది. మెల్లగా వేళ్ళు తీసి మనసులో అనుకుంటూ లెక్కపెట్టింది  1. తోవ మర్చిపోడం 2. నల్ల బూట్లు వేసుకున్న ఆగంతకుడు 3. బోర్డు పీకేయడం 4. జేమ్స్ అనుకుని ఒక షాక్ తినడం , 5 పట్టాభి అని చూసి మరో షాక్ తినడం 6. నెమలి గురించి ఎదో ఊహించుకుని  ఇక్కడ ఉండడంవల్ల షాక్ తినడం.  మొత్తం ఆరు షాక్స్. అంది.

 సరిగ్గా లంచ్ టైం కి వచ్చేసావు కాబట్టి బాధలేదు , ఏమైనా తిని వెళ్ళు రెజీనా. అంది అనసూయ. బైటికెళ్లే మనిషికి ఏం పెట్టకుండా పంపించడం నాతరం కాదు అంది అనసూయ మొహం మాడ్చుకుని. అలాగే తప్పకుండా నువ్వు మొహం గంటుపెట్టుకోకు తల్లీ అని ఓదార్చింది రెజీనా.    మేడమ్,  మీజాబ్ లో ఉన్న ఫ్రీడమ్ ని వాడుకోండి మేడమ్, ఎప్పడెళితే ఏముంది మేడం , పక్షులు ఏమైనా అడుగుతాయా ? అన్నాడు సత్య .   సత్యా! ఇది జాబ్ కాదు రీసెర్చ్. పక్షులు మనని ఏమీ  అడగవు , కానీ లేటయితే పక్షులు ఉండవు. అంది రెజీనా చిరు కోపం నటిస్తూ.  అందరు నవ్వుకున్నారు.  అందుకే వీడు చాలా అవసరం అని జగపతి గారు అంటుంటారు. అన్నాడు గిరి.   " మీ అందరికీ అడవి పులుసు తీసుకొచ్చాను. ఒక్కసారి తిన్నారంటే మళ్ళీ మళ్ళీ కావాలంటారు." అంది  నెమలి. మాతోపాటు నువ్వు తినాలి అంది రెజీనా. అందరు కలిసి భోజనం చేశారు. సత్య  నేను భోజనం చేయనని తెగేసి చెప్పేడు.  భోజనాలు అయ్యిన తర్వాత  అడవి పులుసు చాలా బాగుంది , ఈరోజు ఏంటి స్పెషల్ అంది రెజీనా.  అసలు ఈరోజు ప్రోగ్రాం ఏంటో తెలుసా , అందరం గూడెం పండగ కి వెళుతున్నాము. అన్నాడు గిరి. అవును నేను చెప్పెను కదా అన్నాడు సత్య . అసలు వీడు భోజనం మానేసినది అందుకే అన్నాడు గిరి. అర్ధం కాలేదు అంది రెజీనా.  అక్కడికి వెళితే అన్నీ అవే అర్ధం అవుతాయి అంది నెమలి . కాసేపు విశ్రాంతి తీసుకున్నతర్వాత అందరూ బయలుదేరారు.

కార్తీక్ వస్తే ఎలాగ అనుకుంది? అయినా ఎక్కడికి వస్తాడు ఎలావస్తాడు?  బంగళాకి వస్తాడా ?  బంగళాకి వస్తే  అనసూయ ఉంది  కదా అనుకుంది. సర్లే తన సంగతి తాను చూసుకుంటాడు. " మనం ఎంత సేపట్లో వస్తాం " అంది నెమలితో. జేమ్స్ లేదా అని అడుగుదామనుకుంది. నీకెలా తెలుసు అని అడిగితే ఎం సమాధానం చెప్పాలి ? అనుకుని ఊరుకున్నంత ఉత్తమం లేదు అని ఊరుకుంది.   ఇప్పుడు 3 గంటలు అయ్యింది కదా 5 గంటలకి వచ్చేసి ఉంటాము. అంది నెమలి. అందరూ జీప్ ఎక్కారు. జీప్ చీతా స్పాట్ దాటి పావుగంట తర్వాతా జేమ్స్ జీప్ ఎదురయ్యింది, గిరి జీప్ స్లో చేసాడు.  ఇల్లీగల్ పోచర్స్ ని  అరెస్ట్ చేసి  పోలీస్ స్టేషన్ కి అప్పజెప్పి వస్తున్నాను అని చెప్పేడు.  రెండు జీపులు కదిలి పోయాయి. ఓహో అంటే గురుడు పొద్దున్ననుంచి అడవిలోనీ, గ్రామంలోని లేదన్నమాట.  అనవసరంగా నెమలిని అనుమానించాను. నెమలి మంచిదే అయ్యుండచ్చుగా అనుకుంటుండగానే  జీప్ ఒక గూడెం చేరింది.

                                                         End of Scene 15

Anveshana 2020 -Scene 14

జేమ్స్ కి రెడ్ జీప్ ఆఫర్ చేసింది రెజీనా. వద్దని డిపార్ట్మెంట్ జీపులో పోదాం అన్నాడు.  జేమ్స్ డ్రైవ్ చేస్తుంటే పక్కనే కూర్చుంది రెజీనా, అసలు వెనకాల కూర్చుందామనుకుంది కానీ బాగోదు కదా. జేమ్స్ గురించి పూర్తిగా మంచి అభిప్రాయం లేదు. కానీ చెప్పుడు మాటలు విని ఒక నిర్ణయానికి రాకూడదు కదా అనుకుంది. జీప్ అడవిలోకి దూసుకు పోతోంది. రెజీనా కార్తీక్  గురించి ఆలోచిస్తున్నాది.  "రెండురోజుల్లో నిన్ను కలుస్తాడు" అన్నాడు జగపతి. అవేమాటలు చెవుల్లో మరల మరల మారుమోగుతున్నాయి.  కార్తీక్  ప్రేమ చలికాలం సూర్యుడులాగా వెచ్చగా ఉంటుంది. వేసవికాలం వెన్నెలలా చల్లగా ఉంటుంది. బాటసారికి చెట్టు నీడలా హాయిగా ఉంటుంది.కార్తీక్ ని చివరిసారి కలిసింది అడవిలోనే. మళ్ళీ  అడవిలోనే కలుస్తున్నాను.  అసలు కార్తీక్ని ప్రేమించి, ప్రేమించిన వ్యక్తి మాట నమ్మలేక  వదులుకున్నానేమో. ఈసారి కలిసినప్పుడు ఎలా ఉంటాడో ? రెజీనా  ఆలోచనలలో ములిగి పోయిన సంగతి కనిపెట్టిన జేమ్స్ " ఓ మేడమ్ ఎక్కడికెళ్ళిపోయారు?"  అన్నాడు చిటికేస్తూ. రెజీనా నవ్వింది. జేమ్స్ కూడా నవ్వాడు. 

 అడవికి  ఎవరో వస్తున్నారు అన్నాడు జగపతి ఎవరు అది ? అన్నాడు జేమ్స్. ఎవరో ఆర్నిథాలజిస్ట్ అట. " ఓహో ఇక  మీద అడవిలో ఇద్దరు అమ్మాయిలు తిరుగుతారన్నమాట "  అమ్మాయి కాదండి అబ్బాయి"అంది రెజీనా. అబ్బాయా ? "దెబ్బయిపోయాడు  జేమ్స్ మొఖం మాడిపోయింది. తనతో పనిచేయబోయేది అబ్బాయి అని తెలిసి.తనలో అనుకుంది రెజీనా .  జేమ్స్ రోడ్  చూస్తూ నడుపుతున్నాడు. రెజీనా జేమ్స్ మొఖంలోకి చూసింది ,  జేమ్స్ అందగాడు, హుందాగా గాడు. హి ఐస్ అ జెంటిల్మన్ విత్ ఆ వీక్నెస్అ నిపించింది. అది అవునా కాదా అనేది     తెలుసుకోడానికే  ఈరోజు అడవికి బయలుదేరింది.

జేమ్స్ , మేము కొన్ని  స్పాట్స్ చూసాము, అవిమీకు తెలుసా అంటూ ఎదో చెప్పబోయింది రెజీనా. " చూడండి    నేను అంత కన్నా మంచి స్పాట్స్ చూబించగలను అన్నాడు జేమ్స్. "నేను అదే అంటున్నాను , వేరే ఎక్కడికైనా ,  కానీ  చెరువు వాటర్ ఫాల్ మాత్రం చూద్దాం" అంది రెజీనా. "చెరువు ఓకే , కానీ వాటర్ఫాల్స్ వైపు వంటరిగా రావద్దు."అన్నాడు జేమ్స్.  "కానీ ఇప్పుడు మీరున్నారు కదా ? " అంది రెజీనా. "నేనుంటే పర్వాలేదు  ఈ ఫారెస్ట్ లో నాకు తెలియకుండా చీమ చిటుక్కు మనదు."  అన్నాడు.

జీప్ ఆపండి ఆపండి అంది రెజీనా. అక్కడ చుట్టూ కొండలు వాటి మధ్య లోతైన ప్రదేశం , కొండలని తాకుతున్నట్టు మేఘాలు. సమ్మోహనంగా ఉంది సీనరీ. జేమ్స్ జీప్ ఆపాడు. రెజీనా చిన్నపిల్లాడు తిరునాళ్ల కెళ్ళినట్టు వింతలన్నీ ఆస్వాదిస్తూ ఫోటో లు తీసుకుంటున్నది. కానీ జేమ్స్ మాత్రం ఆమె అందాలని ఆస్వాదిస్తున్నాడు.

ఈ కొండ వెనక ఏముందో తెలుసా అని అడిగాడు జేమ్స్ ఫోటోలు తీసుకుంటున్న రెజీనా దగ్గరకొచ్చి.  తెలీదు అంది. వాటర్ఫాల్స్  మీరు నిన్న  చూసిన వాటర్ఫాల్స్ ఈ కొండల వెనక ఉన్నాయి. వ్వావ్ , రియల్లీ ! మనం ఇంకోతోవలోంచి వచ్చాము , అంటే వెనక నుంచి వచ్చాము. అలా వాటర్ఫాల్స్ , చెరువు రెండు చూసారు  ఆమె రికార్డింగ్ పూర్తి చేసుకుంది. ఆమె రికార్డింగ్ చేస్తున్నంతసేపు జేమ్స్ ఆమెనే చూస్తున్నాడు. రెజీనా కూడా గమనించింది.  అలా కొన్ని ప్లేసెస్ తిరిగారు , ఒక చోట రాలిన  ఆకుల  గలగలలు , మరొక చోట సెలయేటి గలగలలు, కొన్నిచోట్ల ఫారెస్ట్ గెస్ట్ హౌసులు కూడా ఉన్నాయి. ఇక్కడికి పక్షులు వస్తాయా అంది రెజీనా? వస్తాయి కానీ వేరే రకమైన పక్షులు అన్నాడు జేమ్స్.  అంటే అంది రెజినా అర్ధం కానట్టు మొఖం పెట్టి. " అదేనండీ ప్రేమ పక్షులు " అంటూ సిగరెట్ వెలిగించి, జీప్ వైపు నడిచాడు. ఇద్దరు జీప్ ఎక్కారు. జీప్ బయలు దేరింది  " ఈ రోజు రికార్డింగ్ బాగా అయ్యింది. ఈరోజు చాలా నడిచాం కూడా  షిన్రిన్  యోకు  అంటే  ఫారెస్ట్ బాత్." అంది.  షిన్రిన్  యోకు మంచి కాన్సెప్ట్ అన్నాడు.  జీప్  బయలు దేరింది ఎలిఫెంట్ సఫారీ లోంచి  వెళ్ళింది జీప్. కొంచెం సేపు ఆపి మల్లె పోనిచ్చాడు.  ఈ సారి ఆవాల చేలు,  పూలతోటలు వచ్చాయి.   కాస్సేపు జీపు మల్లె ఆగింది. రెజీనా ఫోటోలు తీసుకుంది.    టైం పన్నెండు అవుతోంది. రెండు గంటలకి ఇంటికి చేరగలమా? అంది రెజీనా.  అంత కన్నా త్వరగా చేరగలము ఎంతసేపట్లో చేరతామో గెస్ చేయి. ఏకవచనం లోకి వచ్చేసాడు.  రెజీనా థాంక్స్ జేమ్స్ అంది.   దట్ ఐస్ పెర్ఫెక్ట్ , జేమ్స్ అనిపిలిస్తే చాలు ఈజీగా ఉంటుంది."ఒకే జేమ్స్ ఈరోజు అన్నీ చాలా చూసాము,  అన్నీ  మనోల్లాసాని  కలిగించేవే నిన్న ఇవన్నీ ఏవయిపోయాయో? "  అంది  రెజీనా.

జీప్ ఆగింది  పెద్ద చెట్లు ఉన్నాయి అక్కడ . ఇక్కడ ఏమీ లేవుగా ఎందుకు ఇక్కడ ఆపారు అంది. పదండి  చూద్దురుగాని తినబోతూ రుచి అడగటం ఎందుకు.   అక్కడ  చూసిన దృశ్యం శరీరంలోకి విద్యుత్తరంగాలను పంపింది.   అన్నీ   మనోల్లాసాన్ని కలిగించేవే అన్నారు కదా మదనోత్సాహాన్ని కలిగించేది  చూబించాను.  ఇది కపుల్ కి బాగుంటుంది. అంది అది సరే ఇంకా ఎంతసేపులో బంగాళా  చేరతాము . చెప్పుకో  అన్నాడు జేమ్స్.  "ఉమ్ .. థర్టీ  మినిట్స్ "  నో  మనం వచ్చేసాం చీతా స్ఫోటికి డయాగ్నల్ గా ఉన్నాం.  ఇదే నా గెస్ట్ హౌస్ , నువ్వు  ఎప్పుడైనా రావచ్చు ,రావాలి  అని నా కోరిక ఆహ్వానం. 5 నిమిషాలలో జీప్ బంగాళా చేరింది.

మధ్యాహ్నం అంతా కలిసి లంచ్ చేశారు. అనసూయ అడవి పరిచయం అయ్యిందా అంది. అయ్యింది రోజు రోజుకీ కొత్తగా కనిపిస్తోంది.  జేమ్స్ బాగా తిప్పేడు అనుకుంటాను? అంది అనసూయ . జేమ్స్ గురించి ఏవో అనుకున్నాను కానీ మంచివాడే, అన్నీ చాలా సులభంగా  చూబించాడు,   త్వరగా తీసుకొచ్చాడు. అంది . " అంతే రా ఉదయం నుంచి రాత్రి దాకా రిస్క్ తీసుకున్నవాడికి కష్టబడినవాడికి లేని గుర్తింపు  ఆ రేంజర్ కొట్టేసాడు " అన్నాడు గిరి.          " ఎంతకైనా రేంజర్ కదా , అతని రేంజే వేరు " అన్నాడు సత్య.  "ఎహ్ , ఊరుకోండి  గోల గోల, అతను వేరు మీరు వేరు."  "అదే ఏరకంగా వేరు?" అన్నాడు సత్య. "అబ్బా మళ్ళీ ప్రత్యేకంగా చెప్పాలా మనమంతా ఒకఇంట్లో ఉండేవాళ్ళం , మనమంతా  ఒకటి." అంది రెజీనా " అబ్బా చక్కగా చెప్పేరు మేడమ్  ఈ మాట అనసూయ అంటే ఎంత బాగుండేదో ..." అని  సిగ్గుతో మురిసిపోతుండగా "  వేడి పులుసు గరిటె సత్య చేతిమీద పెట్టి ఈ లోకంలోకి తీసుకొచ్చింది అనసూయ.  అంత భోజనాలు ముగించిన తరువాత రెజీనా అంది " జగపతి గారు కూడా ఉంటె ఎంత బాగుండేదో, అవును జగపతిగారికి ఎంతమంది పిల్లలు " అంది రెజీనా. ఒక్కడే కొడుకు అంది అనసూయ.  నీకు అన్నదమ్ములు ఎంతమంది అంది  అనసూయ, ఉంటె బాగుండేది నేను ఒక్కత్తినే అంది రెజీనా .  నాగురించి పక్కనపెట్టు , నెమలికి పిల్లలులేరా ? చాలా ఆశక్తిగా  మళ్ళీ.  " అడగకపోయావా ఆమెనే ? " అంది అనసూయ. "ఎందుకులేరు ఒక్క కొడుకు ఉన్నాడు కొడైకెనాల్ లో సోలెయిల్  ఇంటర్నేషనల్ స్కూల్ లో టెన్త్ క్లాస్ చదువుతున్నాడు. " అన్నాడు సత్య  "అబ్బా నీకు చాలా తెలుసే "  అంది రెజినా. " మొత్తం బయోగ్రఫీ చెప్పేస్తాను " అన్నాడు సత్య గర్వంగా.  గిరి పెద్దగా నవ్వేడు , నెమలి బయోగ్రఫీ ఎవరికైనా తెలుస్తుంది , అని గట్టిగా అని  అను గురించి చెప్పగలవా? అని సత్య చెవిలో అన్నాడు.  సత్య బిక్కమొహం వేసాడు . "మేడమ్  అడిగితే నెమలి ఏదైనా  చెప్పేస్తుంది , కానీ ఆవిడ చేప్పేవేవీ నమ్మడానికి వీల్లేదు. అన్నాడు గిరి.  రెజీనా నవ్వుతుండగా , గిరి లేచాడు "నిజం మేడమ్ , అడక్కుండా ఎవడైనా వాడి గురించి చెప్తున్నదంటే అవి ఏడ్స్ , అస్సలు నమ్మక్కరలేదు , అడగ్గానే చెప్పేసేడు  అనుకోండి  అది నమ్మగూడదు ఎందుకంటే అవి నిజాలు కావు, నిజం ఎవ్వడూ చెప్పాడు మనం తెలుసుకోవాలి. "  హాహా హ్హహ్హ హ్హ. అని రజినీకాంత్ నవ్వు నవ్వి టేబుల్ దగ్గరనుంచి సినిమా పక్కీ లో నడుచుకుంటూ వెళ్ళిపోయాడు. సాయింకాలం నెమలి ఇంటికి వెళ్ళాలి కొంతసేపు పడుకుంటాను అని రెజీనా మేడ ఎక్కేసింది. 

మత్తుగా నిద్ర పట్టేసింది.  లేటుగా లేచింది . లేచేటప్పటికి , సూర్యుడు పడమటి  కనుమల్లోకి కుంగుతున్నాడు . సాయింకాలం పొద్దుకుంగుతుండగా చీరకట్టుకుని, తయారయ్యింది. పెద్ద కిటికీలోంచి ఆకాశం లో అరుదైన  అరోరా వర్ణం కనిపించింది.   మైమరిపించే నెమలి పించం రంగు చూసి ఒక్క ఫోటో తీసుకోవాలనిపించింది. బాల్కనీ లోకి వెళ్ళింది. రెండు ఫోటోస్ తీసుకున్నతరువాత కాలికి ఎదో తగలడం గమనించి , కిందకి చూసింది. ఒక పేపర్ బాల్. తీసి చూసింది. ఇది ఇక్కడి కెలా వచ్చింది అనుకుంటూ విప్పింది " ప్రాణాలమీద ఆశ ఉంటె వాటర్ఫాల్స్ వైపు వెళ్ళద్దు." అని రాసి ఉంది.  ఆకాశంలో అరోరా సుడులు మెల్లగా విడిపోయి మామూలు పాలిపోయిన ఆకాశం  కనిపించింది  .  ఆమె ముఖంలో సంతోషం వర్ణాలు అన్ని మాయమయ్యి  ముఖం ఖాళీ అయి  పోయింది. ఎదో ప్రమాదం  జరుగుతుంది అని కాదు. ఎవరో తనను ఫాలో అవుతున్నారు. ఎవరు ? ఎందుకు ?  పేపర్ బాల్ బేగ్లో వేసుకుని నెమలి ఇంటికి బయలుదేరింది.

నెమలి ఇంటికి వెళ్ళేటప్పుడు సత్య గిరి వస్తాను అన్నారు కానీ అక్కరలేదు అని నడుచుకుంటూ వెళ్ళింది రెజినా . వెళ్లేసరికి నెమలి సోఫాలో కూర్చొనివుంది. చేతులో పుస్తకం " ది మిస్టరీ ఇన్ ది ఫారెస్ట్"  బై  కెన్ షోర్. సమగ్గా సిట్యుయేషనల్ సాంగ్ లాగ ప్రస్తుత పరిస్థితికి అతికినట్టు ఉంది ఆ పుస్తకం టైటిల్.   రా రా వచ్చేవా , రావనుకున్నాను అంది నెమలి. సారీ , లేట్ అయ్యాను. అందరు వచ్చి వెళ్లిపోయారు అనుకుంటాను అంది రెజినా. " అదే మంచిది అయ్యింది , అది అడవి పండుగ నువ్వు చూడగలవు పొద్దున్న చూసినట్టు చూడగలవు. పార్టిసిపేట్ చేయలేవు, అలా తొందరగా వచ్చి ఉంటె ఈ పాటికి వెళ్ళిపోయి ఉండేదానివి. రెజీనా సోఫాలో నెమలిపక్కనే కూర్చుంది " సరే ఇప్పుడు కార్యక్రమం ఏంటి? అందరూ వచ్చి ఏంచేశారు? మళ్ళీ పొద్దున్న పాడినట్టు  పాట  పాడరా? పొద్దున్నపాట చాలాబాగుంది." అంది రెజినా.  "నీ పాటలపిచ్చి పాడు గాను, అంత  నచ్చిందా పాట?  ఈ సాయంకాలం విత్తనాలు , తాము దాచుకున్న అటవీ ఉత్పత్తులు ఒకరికొకరు బుట్టలో ఇచ్చుకుంటారు. అని తనకి వచ్చిన బుట్టలు చూబించింది." నెమలి. ఈ అడవి ఈ కల్చర్ ఇక్కడ జీవితం నాకు బాగా నచ్చింది. ఇక్కడే ఉండిపోవాలన్నంతగా నచ్చాయి , కానీ .. అని ఆగిపోయింది.   నెమలి పరిస్థితి అర్ధం చేసుకుంది , నువ్వు కొంచం రిలాక్స్ అవ్వాలి తర్వాతా అన్నీ మాటలు వాటంతట అవే వస్తాయి , పద నా బెడ్ రూమ్ లోకి వెళదాం అంది. " ఇద్దరు నెమలి బెడ్ రూమ్ లోకి వెళ్లి మంచం మీద కూర్చున్నారు.  మీ ఆయన లేరా?  అడవిలో ఉన్నాడు.  చీకటి అయిపొయింది కదా ఇంకా రాలేదా ??  ఆయన వెళ్ళింది ఇప్పుడే.     ఇంతలో ఎవరో తలుపు కొట్టారు , పట్టాభి వచ్చి ఉండాలి అంది రెజీనా . అతను అయితే తీసిఉన్న తలుపు కొట్టడు. నీకోసం వచ్చి ఉంటారు అంది నెమలి.

 ఇద్దరూ హాల్ లోకి వచ్చారు , గిరి సత్య తలుపు దగ్గర నిలబడి ఉన్నారు , " అంటే ఆలస్యమైపోతుందని అనసూయ అంటే  రెజీనాని తీసుకెళదామని వచ్చాం." ఇద్దరూ ఒకేసారి అన్నారు.  "ఎంత కరెక్ట్ గా గెస్ చేసింది! తెలివైనది అని  తెలుసు కానీ  ఇంత షార్పా! అని రెజీనా మనసులో అనుకుంటుండగానే డోర్ పక్కనే  గోడకి ఫిక్స్ చేసి ఉన్న టెలిఫోన్ తీసి " అనూ, రెజీనాని నేను తీసుకు వస్తాను, ఒక గంట పడుతుంది  యు డోంట్ వర్రీ  " అని పెట్టేసింది. మరో చేత్తో డోర్ వేసేసింది. మరుక్షణం బెడ్రూమ్లో ఉన్నారు ఇద్దరూ.  సడన్గా రెజినా దృష్టి ని కంప్యూటర్ పక్కన  ఉన్న చాక్ పీస్ సైజ్ లో ఉండే పుల్లముక్క ఆకర్షించింది. అది పుల్ల ముక్క కాదు పొద్దున్నే అదే వస్తువు ఎక్కడో చూసింది. అవును జేమ్స్ చేతిలో చూసింది. జీప్ నడుపుతూ జేమ్స్ సిగరెట్ కాల్చాడు. అది సూపర్ స్లిమ్ బ్రౌన్ సిగరెట్. మామూలు రెగ్యులర్ సిగరెట్ కాదు.  రెజీనా బుర్ర పాదరసంలా పని చేసింది . పట్టాభి సిగరెట్లు కాలుస్తారా అంది.

దానికి సమాధానంగా కంప్యూటర్ టేబుల్ మీదనున్న సిగరెట్ తీసి నోట్లో పెట్టుకుని దిండు కింద నుంచి లైటర్ తీసి అంటించింది. ఒక్క దమ్ము లాగి వదిలింది.  తన డౌట్ ని మోస్ట్ ప్రాక్టికల్ గా క్లియర్ చేసింది. అనుకుంది. నువ్వు సిగరెట్లు తాగుతావా ? రెండో ప్రశ్న వేసింది ? ఆస్ట్రేలియా లో ఉండేటప్పుడు జె పీ ఎస్ తాగేదాన్ని , తర్వాతా  మార్ల్బోరో కాల్చాను , ఇండియా వచ్చిన తర్వాత సిజర్స్, గోల్డ్ ఫ్లెక్ , క్లాసిక్ మైల్డ్ కాల్చాను ఇప్పుడు డన్ హిల్స్  కాలుస్తున్నాను  అంది నెమలి.  నిజంగా కాల్చకపోతే అన్ని బ్రాండ్స్ పేర్లు చెప్పలేరు , కాబట్టి తన మూడవ డౌట్ జేమ్స్ ఇక్కడికి , అంటే నెమలి బెడ్ రూమ్ లోకి వచ్చాడని సందేహించవలిసిన పని లేదు. ఇలా ఆలోచిస్తుండగానే నీకో విషయం తెలుసా ఇవి లేడీస్ సిగరెట్స్ అంది. ఫారిన్ కంట్రీస్ లో ఆడవాళ్లు సిగరెట్స్ తాగుతారు.  ఇండియా లో అమ్మాయిలు సిగరెట్స్ తాగుతారా ? అంది ఇంతకీ నీకీ విషయం తెలుసా ఇండియా లో మెట్రో సిటీస్ లో 80 పెర్సెంట్ ఆడవాళ్లు ముఖ్యంగా యంగ్ విమెన్ తాగుతారు , రెండవ తరగతి సిటీస్లో అయితే 60 పెర్సెంట్ తాగుతారు, స్మాల్ టౌన్స్ లో 30 పెర్సెంట్ దాకా ఉంటుంది.   అన్నట్టు  నువ్వు అమెరికా లో ఉన్నప్పుడు......?  అని ఆపేసింది నెమలి.
అలవాటులేదు అంది రెజీనా . అంటే అర్ధం అప్పుడప్పుడు తీసుకున్నానని , థాంక్స్ ఫర్ ఆనిస్టి. నిజం ఇండైరెక్ట్ గా నైనా  చెప్పేవు అంది అవును నీ అంత ధైర్యం నాకు లేదు అంది. అప్పటికే రెండు గ్లాసుల్లో వైన్ నింపి ఒకటి రెజీనా కి ఇచ్చి ఒకటి తాను తీసుకుంది నెమలి . మెల్లగా చీర్స్  చెప్పుకున్నారు.  వైన్  హెల్ప్స్ ఫ్రెండ్షిప్ , మన ఫ్రెండ్షిప్  పెరిగింది ఇది ధైర్యానికి సంమంధించిన విషయం కాదు , రిలేషన్  షిప్ కి సమ్మదించినది. పరిచయం లేనివారితో పర్సనల్ విషయాలు చెప్పలేము కదా , అంటే ఇది మొహమ్మాటానికి సమ్మందిచిన విషయం, పెళ్లి అయినా మొగుడితో కొంత కాలం మొహమాటం ఉంటుంది. ఆ తరువాత ... అని నెమలి అంటుండగా ,అయ్యో  ఆపు అంది రెజినా. తర్వాతా నెమలి రెజీనాని బంగాళాదగ్గర  వదిలింది.  ఒక జత నల్ల బూట్లు వారిని ఫాలో అవుతుండడం వారు గమనించలేదు. రెజినా తన కొచ్చిన లెటర్ ని నెమలికి చూపించింది " ఇడెవడో చిల్లర వెధవ చేసిన పని ,  జేమ్స్ తో ఫ్రెండ్షిప్ చేస్తే ఇలాటివి ఏవీ నిన్ను చేరలేవు. " గుడ్ నైట్ . నెమలి ఒక్కతే బంగాళా నుంచి వెనుదిరిగింది.

                                                     End of scene 14

  

Anveshana 2020 Scene 13

జీప్ బంగాళా లోకి ప్రవేశిస్తుండగా కూపర్ అరుపు వినిపించింది. జీప్ కాంతి లో  అనసూయ హాఫ్ వైట్ సారీ లో తళతళ మెరిసిపోతుంది  చేతిలో కూపర్ బెల్ట్ , చుట్టూ  గ్రామంనుంచి వచ్చిన కొంతమంది స్త్రీలు కూడా ఉన్నారు. ముగ్గురు జీప్ దిగి అనసూయ వైపు నడవసాగారు. దూరం నుంచి కనిపించే లేదు గానీ అనసూయ మొఖం  ఆందోళన వల్ల వాడిపోయినట్టు కనిపించింది , కళ్లకింది నల్ల వలయాలు  స్పష్టంగా కనిపించాయి. కూపర్  రెజీనా మీద , గిరి , సత్య మీద ప్రేమగా దుమికింది  తోక ఊపుతూ వారి కాళ్ళకి తన శరీరాన్ని రాపాడిస్తూ తిరుగుతోది. అనసూయ మౌనం గా ఉండిపోయింది , కానీ మిగితా స్త్రీలు అనసూయ ఎంత ఆందోళన చెందిందో  తెలియజేసి గిరిపై  ఆలస్యంగా వచ్చినందుకు , చెప్పనందుకు మండి పడ్డారు. సత్య మధ్యలోకి దూరి తిట్లు తిన్నాడు.  వెనక్కి తిరిగి మౌనంగా వెళ్లిపోతున్నా అనసూయని చేయ్యపట్టుకుని ఆపి ఓదార్చింది. దగ్గరకు తీసుకుని వర్షిస్తున్న కళ్ళని తుడిచింది.  ఇంతలో ఒక స్త్రీ ఈ రోజు ఏంజరి గిందో తెలిస్తే .. అంటూ ఎదో చెప్పబోయింది . అనసూయ ఆమెను అడ్డుకుని వారందరినీ పంపించేసింది.

 అందరూ బంగాళా లోకి  ప్రవేశించారు అనసూయ ప్రేమకి చలించిపోయింది రెజీనా. చిన్నప్పుడు తనతల్లి తనగురించి పడ్డ ఆవేదన గుర్తుకొచ్చింది. అందరూ సోఫాలో కూరుని ఉండగా చిటికలో కాఫి ఇచ్చింది. కాఫి తాగగానే , గీజర్ వేసి ఉంచాను  హాట్ వాటర్ రెడీ  అంది . స్నానాలు చేసి రాగానే అందరికీ భోజనాలు సిద్ధం. అందరూ భోజనం చేశారు. జగపతి లేరు కాబట్టి అందరూ డైనింగ్ టేబుల్ వద్ద తిన్నారు . అనసూయని అందరితో  తినమంటే గిరిమీద దండకం చదివింది. ముందు అతిధులు తినాలని తర్వాతే తానూ తింటానని చెప్పింది. రెజీనాని ఇలా ఇష్టమొచ్చినట్టు తిప్పితే కాలు విరగ్గొడతానని వార్ణింగ్ ఇచ్చింది. " ఏయ్ అను , నువ్వు చాలా బయపడ్డట్టున్నావ్ ,  ఈ సత్య ఉన్నంత వరకూ  మిమ్మల్ని ఎవ్వరూ ఎంచేయాలేరు."  అన్నాడు సత్య . " ఏంటి , వాళ్ళందరూ నిన్ను ఓదార్చడాన్నికి వచ్చారా!!!"  ఆశ్చర్యంగా అన్నాడు గిరి.   "అను ఆ స్త్రీలు ఎదో చెప్పడానికి ప్రయత్నించారు కానీ నువ్వు ఆపేసావు అదేంటో చెప్పు"  అంది రెజీనా. మొదట చెప్పలేదు కానీ తర్వాత మెల్లగా తానె చెప్పింది .ఇప్పుడొద్దు భోజనాలు అయ్యాక చెప్తాను అంది. అంతా భోజనాలు ముగించారు. 

ఇప్పుడు భోజనాలు అయిపోయాయిగా ఇప్పుడు చెప్పు అంది రెజీనా.  మద్యానం ఇక్కడ పంచాయతీ జరిగింది అంది అనసూయ మెల్లగా.  ఓహ్ పంచాయతీ జరిగిందా , ఆహ్  హ్హ హ్హ హ్హ హ్హ , దానికి నువ్వు ఇంత ఇదైపోతున్నావా . అన్నాడు సత్య.  " మన విలేజ్ లో గొడవలు పంచాయతీలు  మామూలే కదా  అయినా మన బంగళా మీదకి వచ్చారా  సారికి ఒక్క ఫోన్ కొట్టకపోయావా? అన్నాడు గిరి. పంచాయతీ  కి నేనే వెళ్లెను, సార్ కి కూడా ఫోన్ చేసాను. అంది అనసూయ  అప్పుడే  ఉహ్ , ఉహ్  దగ్గు వినిపించింది. తలతిప్పి చూసేసరికి ఫారెస్ట్ రేంజర్ జేమ్స్."అది మామూలు పంచాయతీ కాదు , శవపంచనామా పోలీస్ కూడా  వచ్చారు, the inquest Panchanama. It is to be done in accordance with Section 174 of the Cr. P.C., when any person dies under any suspicious circumstances. అన్నాడు జేమ్స్. అనుకోకుండా  ఇంగ్లీషులో వచ్చేసింది జేమ్స్  మాట . 

అంత ఇంగ్లిష్ లో చెప్తే మా సత్య కి అర్ధం కావద్దూ తెలుగులో చెప్పండి  జేమ్స్  గారు అసలు పంచనామా అంటే ఏంటి ? అన్నాడు గిరి. "నువ్వు టెన్త్ క్లాస్ నేను బి టెక్  డిస్టింక్షను, అది మర్చిపోకు." అన్నాడు సత్య. మీరు కూడా కూర్చోండి మీకు కూడా వడ్డిస్తాను , భోంచేయండి. నో నో ఐ మస్ట్ గో. ఒక గ్లాస్ మంచినీళ్లు చాలు అంటూ సోఫాలో కూర్చున్నాడు .  పంచనామ  అంటే  "ఐదుగురు వ్యక్తుల పరిశీలన రికార్డు" అని అర్ధం. పంచనామ అనేది ఒక డాక్యుమెంట్ . ఇది  ఐదుగురు వ్యక్తుల సమక్షంలో జరిగే కొన్ని విషయాలను రికార్డ్ చేసే పత్రం. ఐదుగురిని కొన్ని విషయాలు చూడటానికి మరియు వినడానికి నేరస్థలానికి తీసుకువెళతారు. ఒక నేరానికి ప్రత్యక్ష సాక్షులు లేనట్లయితే కేసు పూర్తిగా  సర్కమష్ఠ ల్  ఎవిడెన్స్పై  ఆధారపడిఉంటుంది .అన్నాడు జేమ్స్.  ఇంతకీ పంచనామా ఎందుకు జరిగింది ? అంది రెజీనా. ఈ రోజు పట్టపగలే పులి వచ్చింది.  గూడెం  నుంచి వచ్చే మిల్క్ మెయిడ్ ని  చంపేసింది.  గాలి మొదలయ్యింది  ఎక్కడో ఉరిమింది  , జేమ్స్ మొఖం వెలిగింది.  వర్షం వచ్చే లా ఉందే అంది అనసూయ. 

 సరే జాగ్రత్త చెపుదామని వచ్చాను. డీప్ ఫారెస్ట్ లోకి వెళ్లకండి, ఒకవేళ తప్పదు వెళ్ళాలి  అంటే నా హెల్ప్ తీసుకోండి.  జేమ్స్ బయలుదేరాడు. పులి ఎప్పుడు ఆడవాళ్లనే ఎందుకు చంపుతోంది? అన్నాడు సత్య . ఎందుకంటే పులి మగది  కాబట్టి అన్నాడు గిరి. జేమ్స్  తలుపు దగ్గరికి వెళ్ళాడు , గుమ్మం దాటబోతూ ఒక్కసారి వెనక్కి తిరిగాడు  లాగి చెంపమీద కొట్టినట్టు ఉంది మొఖం. గిరి నవ్వాడు. జేమ్స్ కూడా నవ్వాడు. "ఈ మద్యానం పులి ఎవరినో ఆడమనిషిని చంపేసింది అని అందరు అనుకుంటున్నారు. ముఖం గుర్తు పట్టలేని విధంగా ఉండడం తో మిల్క్ మెయిడ్ అనే విషయం చాలా సేపటిదాకా తెలియలేదు. నేను హడిలిపోయి జగపతిగారికి ఫోన్ చేసాను. కొద్దిసేపట్లో జేమ్స్ బంగళాకి వచ్చారు. నన్ను అక్కడికి తీసుకెళ్లారు.  పట్టాభి కూడా అక్కడికి వచ్చారు." "పట్టాభి ఎవరు?" అంది రెజీనా. నెమలి భర్త , విలేజ్ హెడ్.  "పంచనామా అయ్యేసరికి చాలా లెట్ అయ్యింది. జేమ్స్ కి పోలీసులతో పని ఉండటం తో పట్టాభి నన్ను  బంగళాలో దింపి వెళ్ళేరు." అంది అనసూయ. స్వరం లో ఆందోళన స్పష్టం గా వినిపిస్తోంది, ఎప్పుడూ నవ్వుతూ ఉండే అమ్మాయి మొఖం కళావిహీనం అయిపొయింది.  టైం 9 గంటలు అయ్యింది. అనసూయ నీ గోతులో ఉండే పక్షులు ఎక్కెడికి ఎగిరిపోయాయి అంది . అనసూయ కూ కూ అంది కోయల లా కూసింది. పాడుకోమన్నట్టుగా లాలి పాటలా ఉంది.  నువ్వేం దిగులు పడకు , రేపు జగపతిగారితో ఫోన్ లో మాట్లాడి , ఈ రీసెర్చ్ క్షేమంగా  జరిగేలా  మంచి మార్గం చూడమని అడుగుదాం, గుడ్ నైట్ అనసూయ.  అంది రెజినా. "అయ్యో .....వాన పడలేదు."  అని రాగం తీస్తూ గిరి సత్య రూమ్ లో దూరారు. రెజీనా మేడ ఎక్కి  రూమ్ లోకి వెళ్లి తలుపువేసుకుంది.  

బాగా రాత్రి అయ్యింది. కప్పుకున్న దుప్పటి తీసి చూసింది.  కిటికీలోంచి ఎవరో తనని గమనిస్తున్నారు అనిపించింది. నల్ల బట్టలు వేసుకుని మొఖానికి నల్ల రంగు పూసుకుని ఉన్న ఆకారం కదులుతున్నట్టనిపించింది. లేచి లైట్ వేసింది . అప్పుడు తెలిసింది. కేరన్త పోయిందని. కిటికీవద్దకి వెళ్ళింది ఆ ఆకారం కదలడం ఆపేసింది ఏమో ఏమీ కనిపించలేదు.  ఇంక వెనక్కి వచ్చేద్దామని అనుకుంటుండగా రెండు కళ్ళు చటుక్కున తెరుచుకున్నాయి. ఉలిక్కి పడింది. కరంట్  షాక్ కొట్టినట్టు కిటికీ నుంచి ఒక్కసారి బెడ్ మీదకి తూలిపడింది.  వెన్నులోంచి చలి. గట్టిగా అరవాలని ప్రయత్నించినా నోరు రాలేదు. కరెంట్ వచ్చింది. రూంలో లైట్ వెలిగింది. ధైర్యం వచ్చింది. రూమ్ తలుపు తీసింది.  ఆ ఆకారం పారిపోతోంది.  అప్పుడే గేటువద్దకు చేరుకుంది ఆ  ఆకారం.  చంద్రుడు మబ్బుల చాటున ఉండడంతో , వెలుతురూ చాలా తక్కువగా ఉంది. రెజీనా కూడా బంగళా గేటు వైపు పరిగెత్తింది. ఆ నల్లని ఆకారాన్ని పట్టుకోవాలని చెయ్యి జాచింది. అంతే  వెనకనుంచి ఎవరో క్లాత్ తో  నోరుమూసి , ఆ క్లాత్ ని  సాంతం అలా నోట్లోకి తోసేశారు. మరొకరు ఆమెకు ఒక బేగ్ తొడిగారు. బేగ్లో బందీ అయిన తనని ఇంకొకడు భుజం మీద వేసుకుని మోసుకుని పోతున్నాడు.  

 ఖచ్చితంగా అడవిలోకి తీసుకెళుతున్నారు. ఒక పది నిమిషాలు కదలకుండా పడి  ఉంది. ఒకడన్నాడు  "ఈరోజు రాత్రి మనకి విందు , రేపు పులికి విందు." అంతా నవ్వారు. ఇంకెంత దూరం మోస్తాం కింద పడేయరా  అన్నాడొకడు. పిట్టలకోసం వచ్చిన పిట్ట  రావే బైటకు అని సంచిని  కింద పడేసాడు. మబ్బులు పూర్తిగా తొలిగిపోయి వెన్నెల అడవంతా పరుచుకుంది. సంచిలోంచి బైటకురాగానే ఒంటిమీద బట్టలు లేవు. అయ్యో ! అరుద్దామంటే నోట్లో గుడ్డలు కుక్కి ఉన్నాయి. లేచి పరిగెడుతోంది. ఆ ముగ్గురు వెంబడిస్తున్నారు.  మూగ్గురు ధరించినివి ఒకే రకమైన నల్ల బూట్లు.  తాను నగ్నంగా పరిగెడుతోంది , నల్ల బూట్లు తరుముకొస్తున్నాయి.   తాను పరిగెడుతోంది నల్ల బూట్లు వెంబడిస్తున్నాయి. చేతులు కట్టేయలేదు కదా ..చూసుకోగానే  వెంటనే నోట్లో  గుడ్డలు లాగేసింది. పరిగెడుతూ చీటా వాటర్ స్పాట్ దగ్గరకి వచ్చింది. మొదటిరోజు జీప్ బంగళాకి వచ్చిన తోవ  ఇదే . అక్కడనుంచి ఒక మూలకి పరిగెత్తింది .అక్కడ ఉంది చెరువో  లేక సరస్సో చూసుకోలేదు అందులోకి ఒక్క గెంతు గెంతింది. అప్పుడు తెలిసింది అది కల అని. మంచం మీద నుంచి ఒక్క సారి కింద పడింది.  ఫ్రిజ్ లోంచి మంచినీళ్లు తీసుకుని తాగింది. గుండె వేగం హెచ్చింది , వొళ్ళంతా చెమట. నిజంగా పరిగెత్తినట్టే అనిపించింది. 

అమెరికా వెళ్లిన కొత్తలో కూడా ఇలాగే కలలు  వచ్చేవి , ఏరోప్లేన్ నుంచి పడిపోతున్నట్టు, న్యూయార్క్ సిటీలో బ్రాడ్వే టైమ్స్  స్క్వేర్ దగ్గర, కళ్ళు లేని వాళ్ళలాగా చేతులు ముందుకు చాచి తడుముతూ నడుతున్నట్టు పిచ్చి కలలు. ఇంక అడవిలో సరే సరి.అర్ధరాత్రి అయ్యింది.వాన మొదలయ్యింది.తనదగ్గర ఉన్నమోస్ట్ సెన్సిటివ్ మైక్రోఫోన్ తో సౌండ్స్ రికార్డు చేసింది,మళ్ళీ టెలీస్కో ప్ కిటికీ దగ్గర పెట్టి  నుంచి చూసింది. మళ్లి  ఏనుగుల గుంపు ఒకటి కదలడం చూసింది. ఒక క్షణం కనిపించి గుంపు మాయమయింది  ఇంతలోగేటు చప్పుడు అయ్యింది. రూమ్ లోంచి బైటకు రాడానికి భయం వేసిఒక కిటికీ లోంచి చూసింది. ముసలాయన వెళుతూ కనిపించాడు. ఓహో వాన పడితే ముసలోడు వస్తాడు, ఏనుగులు గుంపు కదులుతుంది. ఇంతలో ఆలాపనగా , వినిపించి వినిపించినట్టు మ్యూజికల్ ఇన్స్ట్రుమెంట్  సౌండ్.  యా ఈ మ్యూజిక్ కూడా.  ఈవానకి ఈ  సంఘటనలకు సమ్మంధం ఏంటి ? అని ఆలోచిస్తుండాగా  టింగ్ మని  మైండ్ లోకి మెసేజ్ వచ్చింది " ఈ సంఘటనలకీ నేను వచ్చిన పనికీ సమ్మందం ఏంటి? " అని. సర్లే నాకెందుకు.  నాకు సేఫ్టీ లేకపోతే  రేపు జగపతిగారితో మాట్లాడి వెళ్ళిపోడం  మంచిది. నాకెందుకు ఇవన్నీ అనుకుంది.  ఇప్పుడు చేసిన రికార్డింగ్స్ లాప్టాప్ లోకి ట్రాన్స్ఫర్ చేసింది . గత సారి వాన కురిసినప్పుడు రికార్డ్ చేసిన ఆడియో కూడా  లాప్టాప్ లో డేట్ టైం తో సహా ఉంది. రెండు ఆడియోలు  ఒక్క సారి ప్లే చేసి వింది. పక్షుల పాటలు రికార్డింగ్స్ అన్నీ వింది. భయ స్థానంలో ఆసక్తి వచ్చి చేరింది.  నోట్స్, మెలోడీ, ట్యూన్ , లెన్త్  బట్టి పక్షుల పాటలని వేరు వేరు ఫోల్డర్స్ లో పెట్టి పడుకుంది. 

ఆ తర్వాత కూడా మత్తుగా నిద్ర పట్టలేదు , ఏవేవో కలలు. తలుపు దగ్గర బర్డ్ కాల్స్ వినిపిస్తున్నాయి. అనసూయ వచ్చేసింది అనుకుంటూ తలుపు తీసింది. కాఫి తాగేసి తయారయ్యి వస్తే  అని ఆగిపోయింది అనసూయ . ఆ వస్తే ..?. అంది రెజీనా . కిచ కిచ కిచ కిచ అని వెళ్ళిపోయింది. ఏదో సంథింగ్ స్పెషల్ ఉందన్నమాట అనుకుంది. కొంచం హేపీ గా అనిపించింది.  కాఫీ తాగుతుంటే  రాత్రి వొచ్చిన కల గుర్తొచ్చి వణికింది రెజినా . తరువాత వచ్చిన కలలు గుర్తు తెచ్చుకుందామన్నా గుర్తురాలేదు.  వేడి నీళ్లతో తలస్నానం చేసింది డ్రెస్ చేసుకుని మేడ దిగి సోఫాలో కూర్చుంది.  రాత్రికురిసిన వానకి బంగాళా లో చెట్లు అన్నీ తడిసి ముద్దయ్యాయి. ఆకుల నుంచి ఇంకా నీటిబొట్లు కారుతున్నాయి. అప్పుడే  సూర్యోదయం అవుతోంది. నీటిబిందువులు మంచిముత్యాల్లా మెరుస్తున్నాయి.   ఇదేంటి అనసూయ ఇంకా రాలేదు అనుకుంటుండగా బంగాళా గేటులోంచి ఒక స్త్రీ ఆ కారం , ఓహ్ నెమలి  చేతులో వెదురు బుట్టతో వస్తోంది . వెనకాలే మరో స్త్రీ ఆమె చేత్తో కూడా వెదురుబుట్ట , ఆ వెనక మరో స్త్రీ  అలా ఒక పది మంది దాకా లోపాలకి వచ్చారు కానీ ఇంట్లోకి రాలేదు ఈ లోపు ఇంట్లోంచి అనసూయ వచ్చి ఈ రోజు బ్రేక్ఫాస్ట్ ఉండదు. అంది. ఇదా ఈ రోజు స్పెషల్ ? అనుకుంది అర్ధం చేసుకుని నవ్వింది అనసూయ. ఈ రోజు అడవి పండగ  , పూజ అయినా తరువాత నైవేద్యం  పెట్టి ప్రసాదం ఇస్తారులే. అంది అనసూయ.  రెజీనా నవ్వింది. అందరూ బంగళాలో బిల్వ వృక్షం దగ్గరికి వెళ్లారు. అక్కడ వెదురు బుట్టలు పెట్టి అందులోంచి  అందులోంచి  ఆకులతో చేసిన బుట్టలు , పసుపు, కుంకుమ, పూలు  పూజ సామాగ్రీ తీశారు.  బిల్వ వృక్షం శివుడికి ప్రీతి అంటూ తన నాలుగు ఆకు బుట్టలు చెట్టుముందుంచింది ఒకామె . ఆవిడ అలివేణి , గ్రామ శివాలయం పూజారి భార్య .రెజీనా చెవులో చెప్పింది అనసూయ.  ఒక బుట్టలో విత్తనాలు , ఇంకో బుట్టలో ప్రసాదం , మరో బుట్టలో పూలు , మరో బుట్టలో కర్పూరం , నూనె సీసా , వత్తి  ప్రమిద లాంటివి ఉన్నాయి. అలాగే ఇంకోకామె కూడా నాలుగు ఆకు బుట్టలు ఉంచింది. ఆమె చండి  కంసాలి భార్య మెల్లగా అంది.  తర్వాతా మరొకామె నాలుగు బుట్టలు చెట్టుకింద ఉంచింది. ఆమె గౌరి  స్టేషన్ మాస్టార్ గారి భార్య. 
ఆ తర్వాత ఒక ఆమె తన  నాలుగు బుట్టలు తీసి పెట్టింది.  " నా పేరు నాగమణి " కిరాణా కొట్టు రాంబాబు గారి భార్యని " అంది రెజీనా వైపు చూస్తూ. మొహమంతా నవ్వే ఆమెకి. పక్షులకోసం వచ్చింది నువ్వేనా అమ్మా అంది ఆమె. రెజీనా ఆశ్చర్యం ఆనడం కలిగాయి.  అయ్యింది . నేను కొండలరావు పెళ్ళాన్ని నాపేరు శివంగి. మా యజమానిది పోడు వ్యవసాయమండీ ,   నేను అడ్డాకుల విస్తరలు బుట్టలు సేస్తాను అంది. ఇంకొకమ్మాయి పెళ్లి అయ్యిందో లేదో తెలియదు ఒక 24  ఏళ్ళు ఉండొచ్చు  తనని పరిచయం చేసుకోకుండా " అమెరికానుంచొచ్చిన అమ్మాయిగారు మీరేనా అంది "  " అవును అంది రెజీనా , మీ పేరు ఏంటి అంది రస్సా , అంది ఆ అమ్మాయి.  నెమలి తనబుట్టలు పెట్టేసి , అను నువ్వు కూడా కానీయ్ అంది , అనసూయ కూడా తనబుట్టలు చెట్టుకింద పెట్టింది. అందరూ పసుపు కుంకుమలతో బిల్వ వృక్షాన్ని పూజించి అడవి పాట  పాడారు. రేజీనా వారితో శృతి కలపలేకపోయింది కానీ  మైమరచి వింటోంది. వినడమే కాకుండా వీడియో తీసుకుంటోంది. "భూమిని పూజించే పాటలు విన్నాను , అడవిని  పూజించే పాటలు లేవు. అడవి అందాన్ని వర్ణించే కవితలు ఉన్నాయి, అడవిమీద విప్లవ గీతాలు ఉన్నాయి గానీ అడవిని పూజించే పాటలా ?! " అనుకుంది రెజీనా 

సివంగి,నాగమణి, రస్సా లీడ్ సింగెర్స్ కాగా అలివేణి, గౌరీ, నెమలి కోరస్ అయ్యారు. రెజీనా కేవలం స్పెక్టేటర్ అయ్యింది. అప్పుడే నిద్రలేచి టిఫిన్ కి వేళ దాటిపోతోంది అని గిరి,సత్య మొహం చిరాగ్గాపెట్టి చూస్తుండగా అడవి పాట  ఇలా మొదలైంది 

పచ్చ పచ్చని అడవి పచ్చాని అడవి,  చెట్టు చేమలు నీ పట్టు చేలాలు ,
పచ్చ పచ్చని అడవి పచ్చాని అడవి,  పచ్చని చేలన్నీ కంఠ హారాలు. 
కొండకోనలు నీకు దృఢమైన భుజములు,  ఆహార ధాన్యాలు అందించు భూములు  
తోరంపుటేరులు ముత్యాల హారాలు,   మెరిసేటి చెరువులు ముక్కుపుడకలు నీకు 
 జలజలా పారేటి జలపాతాలు, జలపాతాలు నీ జడపాయాలు.
  
పచ్చ పచ్చని అడవి పచ్చాని అడవి,  చెట్టు చేమలు నీ పట్టు చేలాలు ,
పచ్చ పచ్చని అడవి పచ్చాని అడవి,  పచ్చని చేలన్నీ కంఠ హారాలు. 
చిఱుతపులి పెద్దపులి జింక సింగాలు నీ  వొడిలో ఆడుకొను పసికూనలు 
నత్తగుల్ల  పాకేటి పాపలు వడ్రంగి పిట్టలు కరిచేటి పాపలు
బుల్లి పిట్టలు నీ కనురెప్పలు  పాడేటి పక్షులు  నీ తీయని స్వరాలూ 

మార్గశిర మాసము నీశిరసుకు,  తెచ్చేను మంచుతెర మేలిముసుగు
డొంకదారులు నీ  అరచేతి రేఖలు నీ అరచేతి రేఖలే మాకదృష్ట రేకలు
శ్రీ లక్ష్మి భూలక్షి  అడవిమాతల్లి  గజరాజు వంటి మందగమనము తోటి 
శ్రీ లక్ష్మి భూలక్షి  అడవిమాతల్లి కన్నతల్లి లాంటి వెన్న మనసుతోటి
చిరునవ్వులొలికించు శ్రీ మహాలక్ష్మి. వానలు కురిపించు వనమహాలక్ష్మి. 

అందరు ప్రసాదాలు తిన్నారు. నెమలిని రెజీనా తన రూంకి తీసుకెళ్లింది. కాస్సేపు కిటికిలోంచి అడవిని చూస్తూ మాట్లాడుకున్నారు. "వర్క్ అయ్యిన తర్వాత  వంటరిగా ఈ రూంలో బోర్ కొడితే మా ఇంటికి వచ్చేయ్." అంది నెమలి.  "ఫోన్ ఉంటె మాట్లాడుకునేవాళ్లమి , ఇక్కడ ఫోన్ సిగ్నల్స్ లేవుగా." అంది రెజీనా. " గ్రామంలో సిగ్నల్స్ ఉంటాయి. అయినా సిగ్నల్స్ లేకపోడమే మంచిది. పర్సనల్ గా కలుసుకోవచ్చు." అంది నెమలి.  సాయింకాలం 6 గంటలకి మాఇంట్లో ఫంక్షన్ ఉంది రమ్మని పిలిచి వెళ్ళిపోయింది నెమలి. 

నెమలిని డోర్ దాకా పంపి వెనక్కి తిరిగి చూసే టప్పటికి , గిరి సత్య బ్రేక్ఫాస్ట్ టేబుల్ దగ్గర కూర్చుని ఉన్నారు . మీరు ఇంతవరకు ఇక్కడలేరుకదా , ఇప్పటికిప్పుడు ఎలా వచ్చేరు ? అంది రెజినా . మాకు అదృశ్య విద్య ఉంది. కావలిస్తే ఇప్పటికిప్పుడు మాయం అయిపోతాం . అన్నారు ఇద్దరూ. ఏడిసారు   ఇంత దాకా వంటగది లో దూరి నువ్వు నెమలి తో మాట్లాడుతుంటే  వెనకనుంచి ఆకలేస్తున్నదని సైగలు చేస్తున్నారు. అంది అనసూయ. రెజీనా  అనసూయ ఇద్దరు నవ్వుకున్నారు. నవ్వులతో , పాటలతో కడుపు నింపేస్తావా ? ఈ రోజుకి బ్రేక్ఫాస్ట్ లేదా ? అన్నాడు గిరి ఫ్రస్ట్రేషన్ మొఖంలో చూబిస్తూ. అను అందరికి వడ్డించింది. బ్రేక్ఫాస్ట్ అవ్వగానే టెలిఫోన్ మోగింది అనుకున్నట్టుగానే జగపతి నుంచి కాల్ . " రెజినా యువర్ సెఫ్టీ ఈజ్ టాప్ ప్రియారిటీ, టైగర్ ఇన్సిడెంట్ గురించి విన్నాను , ఫారెస్ట్ కన్సర్వేటర్ తో మాట్లాడాను పెరిఫెరీ లోకి టైగర్స్ రావు అంటున్నారు  నీకొచ్చిన భయం ఏమిలేదు జేమ్స్ ఎట్టి పరిస్థితులలో నీతో ఉంటాడు " నేను ధైర్యంగానే ఉన్నాను. జేమ్స్ సహాయంగా ఉంటున్నారు. మీ శ్రీమతికి ఎలా ఉంది ? మీరు ఎప్పుడు వస్తున్నారు. రెండు రోజుల్లో ఆపరేషన్ ఉంది . మా అబ్బాయి ఆస్టేలియా నుంచి వచ్చాడు. నేను వచ్చ్చే వారం బంగళాకి వస్తాను. ఇంకొక ముఖ్యమైన విషయం కార్తిక్ అని సి బీ సీఈ ఐ డి  ఇన్స్పెక్టర్ రేపు  బయలుదేరుతున్నాడు. ఎల్లుండి  నీదగ్గర ఉంటాడు. అతను మన బంగళాలో ఉండదు.  విలేజ్ లో ఉంటాడు. కానీ అతను ఇన్స్పెక్టర్ అనే విషయం ఎవరికీ చెప్పవద్దు. టైగర్ విషయం ఏంటో అతను  చూసుకుంటాడు. నువ్వు నిశ్చింతగా ఉండు  " జగపతి ఫోన్ కట్ చేసాడు.  రెజీనా ఫోన్ పెట్టేసి వెనక్కి తిరగగానే  నవ్వుతూ  జేమ్స్ కనిపించాడు. 

                                                     End of the scene 13

     

Anveshana 2020 - The Forest

డీప్ ఫారెస్ట్ ఎలా ఉంటుందో చూడాలని ఉంది అంది రెజీనా. "లంచ్ కి ఇంటికి వెళ్లాలనిలేదా డీప్ ఫారెస్ట్ అంటున్నారు" అన్నాడు సత్య. నా బేగ్ లో మన ముగ్గురికి తినడానికి పళ్ళు ఉన్నాయి అంది రెజినా. సత్య తిండి కి ఆగలేడు మేడమ్ నాకు పర్వాలేదు.  తెచ్చినపళ్లన్నీ నీకే నైవేద్యం పెడతాది మేడమ్ అప్పుడు ఫర్వాలేదా అన్నాడు గిరి.  ఓ పూటకి సద్దుకుంటాను , గొణిగాడు సత్య.  "ఇది వీడు సద్దుకోడం !  సరే నేను జీప్ తెస్తాను" అని వెనక్కి వెళ్లి జీప్ తీసుకొచ్చాడు.  మొట్టమొదటి పోస్ట్ నేల లో దింపి స్టీరింగ్ ముందు కూర్చుని  ఎక్కండి అన్నాడు  గిరి. "గత రాత్రి కురిసిన వానలో నాని  నవ నవ లాడుతోంది  అడవి.  నవవధువు నవ్వుతున్నట్టుంది." అంది రెజీనా

 "ఇక్కడే  మీరు ఇంత సరదా  పడితే డీప్ ఫారెస్ట్ లోకి డీప్ ఫ్రీజర్ లో పెట్టినట్టు ఫ్రీజ్ అయిపోతారు."  " మరి జీప్ కుదరదు అన్నావు ? అంది రెజీనా.  "అంటే ఒకే రోజు అలిసిపోయేలా తిప్పేయకుండా ,  మీరు నిదానంగా  అడవి చూడాలి అని సార్ ఉద్దేశం " అని గిరి ముగించాడు. " లోపలకి జీప్ లో వెళ్లినా  అక్కడ దిగి నిదానంగా నడుద్దాం " అంది రెజినా.  " నడుద్దాం కాదు మేడం నడవాలి , నడవడమే కాదు అప్పుడప్పుడూ గుట్టలు కూడా ఎక్కాలి"  అన్నాడు గిరి .  జీపు ఉంటుండగా నడవడమెందుకు  మళ్ళీ . అన్నాడు సత్య . మనఇక్కడికొచ్చింది అడవి లో జీప్ ట్రిప్ కి కాదు. పక్షుల వెంట పడడానికి  అని గిరి అంటుండగా "పులి మన వెంట పడకుండా ఉంటె చాలు"  అన్నాడు సత్య. పులి ఊసెత్త గానే గిరి మండి  పడ్డాడు " సార్ ఏం  చెప్పేరు, మేడమ్ ని  అలిసిపోయేలా తిప్పకూడదు  , పులివూసెత్త కూడదు, గుర్తుందా, ఇంకొకసారి పులిఊసెత్తితే జీపులోంచి తోసేస్తాను " అన్నాడు గిరి.  " మరి నువ్వు కూడా పులి అని అంటుండేవాడివి కదా గిరి ? అంది రెజీనా. " ఇంటి దగ్గర వేరు మేడం ,  లక్ష మాటలు అంటాం , అడవిలో పరాచికాలాడకూడదుకదా ? అన్నాడు గిరి. "ఎటువంటి పరిస్థితుల్లోను ఆడకూడదు కానీ  నాకు పులి భయం లేదు నువ్వు రిలాక్స్ అవ్వు ఆ స్టీరింగ్ ఇలా ఇయ్యి అని గిరిని వెనక సీట్లోకి  పంపి ఆమె స్టీరింగ్ తీసుకుంది  "  గిరి వెనక సీట్లో కూర్చున్నాడు  సత్యపక్కన . జీప్ ని నిలకడగా పొనిస్తున్నది రెజీనా.   సడన్గా " ఆహ్  హ్హ  హ్హ హ్హ  హా  అని పెద్దగా నవ్వేడు సత్య . మేడం గిరి కి చెమటలు పట్టేసాయి పులి ఊసెత్తగానే వొణుకుతున్నాడు చూడండి. అన్నాడు. వాళ్ళ మాటలు ఏం పట్టించుకోకుండా  ఒక అరగంట అడవి ని ఊపిరి తీసుకోవడం మర్చిపోయి  స్టాండ్ కి బిగించిన కెమెరా లా చూస్తూ మైమరచిపోయి నడపసాగింది.  

 చాలా మౌనం తర్వాత , "అడవుల మధ్య అందాల పోటీ పెడితే ఈ అడవే  గెలుస్తుంది. వాట్ ఎన్ అస్టోన్డింగ్ బ్యూటీ." అంది.  "ఆ చెట్లు వంక ఆలా  చూడండి ,ఒక్కసారి దిగి నడుస్తున్నట్టు ఊహిచుకోండి మేడమ్"  అన్నాడు గిరి.  జీప్ ఆపింది రెజినా దిగండి నడుద్దాం అంది రెజీనా " నిజంగానే నడుద్దాం , ఊహించుకోడం ఎందుకు.  థ్రిల్ అనేది అనుభవించాలి ఊహించుకోకూడదు" అంది. ముగ్గురు దిగారు.    ఇంతలో పికిలి పిట్ట కూత  వినిపిపించింది. రోడ్డు దిగి చెట్లలోకి నడుస్తున్నారు.  "మేడం గుర్తు పెట్టుకోండి ఈ ఫారెస్ట్ లో తార్  రోడ్డు , మట్టి రోడ్డు , కాలి  బాటలు మూడు ఉంటాయి . కాలి  బాటలుపట్టుకుని చెట్లమధ్యకి వెళుతున్నప్పుడు డైరెక్షన్ మరిచిపోతే మళ్లి రోడ్డు మీదకు రాడం చాలా కష్టం అంటూ  గిరి ఒక పోస్ట్ పాతాడు.    ఆ పోస్ట్ మీద ఆరంజ్ అండ్ గ్రీన్ ఏరోస్ మాత్రం ఉన్నాయి. ఆరెంజ్ ఏరో బంగాళా వైపు,  గ్రీన్ ఏరో  డీప్ ఫారెస్ట్ వైపు. దిగి ముగ్గురు నడుస్తున్నారు.  ముందు రెజినా నడుస్తున్నది.  గిరి సత్య ఆగిపోయారు . ఆ సంగతి చూసుకోకుండా రెజినా చాలాదూరం వెళ్ళిపోయింది.

ఏయ్ గిరి మేడమ్ జడుసుకుంటుందేమో, మనకోసం వెతుక్కుంటుందేమో అన్నాడు సత్య.  అదే చూద్దాం  మనకోసం ఎలా వెతుక్కుంటుందో చూద్దాం అన్నాడు  గిరి.  "వెతుక్కోలేకపోతే"  అన్నాడు అన్నాడు సత్య  సీరియస్గా మొఖం  పెట్టి . ఒరేయ్ పిచ్చోడా నేను వెర్రోడినికానురా ఇదిగో అంటూ జుబులోంచి విజిల్ తీసి చూబించాడు గిరి. "మరేం విజిల్ వెయ్యి" అని సత్య తొందర చేసాడు. రెండు నిమిషాలు ఆగరా మేడమ్ తెలివితేటలు బయటకొస్తాయి అన్నాడు గిరి. అవున్రా ఈవిడ ఎంత తెలివైనదో చూద్దాం అని హుషారుగా అన్నాడు సత్య కూడా. ఇంతలో వెనక నుంచి ఒక చెయ్యి వచ్చి బుజం మీద తట్టింది. " చూసింది చాలా ఇంకా చూస్తారా ?" పక్కనే రెజీనా. సత్య , గిరి గతుక్కుమన్నారు. మేడం ఎలా వచ్చారు అన్నారు ఇద్దరూ గుటకలు మింగుతూ. చేతిలో కాంపస్ చూబించింది. అయినా వెనుకా ముందు  చూసుకోవాలి కదా , ఒక వేళా కాంపస్ పోతే ఎలా వచ్చేవారు ? అన్నాడు గిరి . నేనెలా వచ్చేదాన్నో తరువాత చెప్తాను గానీ , నేను రాలేకపోతే నువ్వెంచేసేవాడివో అది చెప్పారా అంది రెజినా. గిరి విజిల్ నోట్లో పెట్టుకుని ఊదాడు , పలకలేదు , మళ్ళీ  ప్రయత్నించాడు  విజిల్ మూగగా ఉండిపోయింది. రెజినా అరచేతిలో ఒక చిన్న బాల్ చూబించింది. అది విజిల్ లో ఉండే బాల్. అది చూడగానే గిరి ఏడుపు మొఖం తో " ఇది చాలా మోసం !" అయినా మీచేతిలోకి ఎలా వచ్చింది అన్నాడు ఇందాక నేను డ్రైవింగ్ సీట్ లోకి వచ్చేటప్పుడు నీ విజిల్ కిందపడితే తీసి ఇచ్చాను కదా అప్పుడే ఈ బాల్ లాగేసాను ఇలా అని ఆ ప్లాస్టిక్ విజిల్ చెంపలు రెండు వేరుచేసి అందులో బాల్ పెట్టి విజిల్ వేసి చూబించింది.  గిరి ఇంకా ఏడుపు మొహం తోనే ఉన్నాడు  సత్య మాత్రం డాన్స్ చేస్తున్నాడు. వారు దట్టమైన చెట్లమధ్యలో ఉన్నారు. ఒక్కసారి గిరి రెజీనా మీదకి ఉరికాడు. రెజినాకి దగ్గరలో ఉన్న చెట్టు మీద ఒక ఆకుపచ్చ కొండ చిలువ. కింద పడ్డ ఆమెనే చూస్తోంది. 

ఇద్దరూ వెంటనే లేచి దూరంగా జరిగారు.  అలా ముగ్గురు నడుచుకుంటూ ముందుకు సాగారు. ఇక్కడ కి కొంచం ముందుకి వెళితే ఒక చెరువు వస్తుంది అది మన మొదటి బర్డ్స్ స్పాట్. చాలా పక్షులు వస్తాయి అక్కడికి అన్నాడు గిరి. అటువైపు నడవ సాగారు.  అటువెళుతుంటే  నేల అంతా  బురదగా ఉంది. బూట్లు దిగబడిపోవటం అప్పుడప్పుడు  జారిపోవడం వల్ల ఇబ్బందిగా నడుస్తున్నారు. రెజీనా చిన్నగా అరిచింది " ఈ , పగ్ పగ్ ,  పగ్మార్క్,  వెయిట్ , వెయిట్ " అంది. పగ్  పగ్మార్క్ అంటే ? అన్నాడు గిరి.   చూపుటి  వేలితో నేలకేసి చూబించింది  " సత్య, గిరి ఆశ్చర్యంగా చూసారు.

గిరి రెజినా మెల్లగా ముందుకి నడుస్తున్నారు.   సత్య వెనకే ఉండి  పోయాడు. గిరి సత్య దగ్గరికి వెనక్కి వెళ్ళాడు  సత్యకి కాళ్ళు వణుకుతున్నాయి మేడమ్.  ఏరా సత్తిగా ఇందాక నాకు కాళ్ళు వణుకుతున్నాయి అని అన్నావు. పులి ఎప్పుడో వెళ్లిపోయి ఉంటుంది పదరా.  అన్నాడు గిరి . ముగ్గురు మూడు దిక్కులు చూస్తూ ముందుకు నడుస్తున్నారు. మేడం పులి వెళ్ళిపోయి ఉందంటారా ? వణుకుతూ అడిగాడు.  గిరి పులి లేదు గిలి లేదు అన్నోడిని పాతేయాలి. మనం ఉన్నది నల్లమల అడవిలో . ప్రస్తుతం నల్లమల 68 పులులు ఉన్నాయి . అంత ఖచ్చితంగా మీకెలా తెలుసు అన్నాడు సత్య .  నేషనల్ టైగర్ కన్జర్వేషన్ అథారిటీ వాళ్ళు లెక్క కట్టి ఇంటర్నెట్ లో పెట్టారు .  మన దేశంలో అంతరించిపోతున్న పులి జాతులను కాపాడటానికి 1973 లో టైగర్ రెసెర్వ్స్ ప్రారంభించారు . 9 రిజర్వ్ ల నుండి మొదలుకొని ఈ సంఖ్య  ప్రస్తుతం 50 కి చేరింది. నాగార్జున్‌సాగర్-శ్రీశైలం టైగర్ రిజర్వ్ భారతదేశంలో అతిపెద్ద టైగర్ రిజర్వ్. ఈ రిజర్వ్ ఐదు జిల్లాలు, కర్నూలు, ప్రకాశం , గుంటూరు , నల్గొండ , మహబూబ్‌నగర్ జిల్లాల్లో విస్తరించి ఉంది.  ఈ  టైగర్ రిజర్వ్ వైశాల్యం మొత్తం ( బఫర్ జోన్ 700 కిలోమీటర్లు  కోర్  జోన్  2595 కిలోమీటర్లు కలిపి ) 3296  కిలోమీటర్లు.

ఈ అడవి పెరిఫెరల్ జోన్ 552 కిలోమీటర్లు. మన బంగాళా, విలేజ్ పెరిఫెరల్ జోన్ చివరలో బఅఫర్ జోన్ దగ్గర్లో ఉన్నాయి. టైగర్స్ కోర్ జోన్ లోనే ఉంటాయి. బఫర్ జోన్ లోకి అప్పుడప్పుడూ వస్తుంటాయి. అంది.  అయితే అన్నే తెలుసు కునే వచ్చారా మేడమ్.  అన్నాడు సత్య. ఆ పులి వాళ్ళను చూడలేదు . దూరంగా ఏదో జంతువుని చూస్తూ  ఒక్కసారిగా అటు లంఘించింది.

  ఆ చెరువు మధ్య ఒక చెట్టు ఉంది , కొమ్మలు బాగా విస్తరించి ఉన్నాయి. ఆ కొమ్మలనిండా అనేక పక్షులు కూర్చొని ఉన్నాయి. ఇదే మన బర్డ్ స్పాట్ 1 అంది అక్కడ ఒక పోస్ట్ పాతేడు . గిరి రికార్డింగ్ స్టార్ట్ చేద్దాం. అంది  రెజీనా. అంటే పక్షులు చెరువులో చెట్టుమీద ఉన్నాయి కదా రికార్డింగ్ ఎలా  చేస్తాము? అన్నాడు గిరి . డిస్టెన్స్ రికార్డింగ్ ఎక్విప్మెంట్ ఉంది మన దగ్గర. ఆ బేగ్ ఇలా ఇయ్యి  అంది . గిరి బేగ్ ఇచ్చాడు. సత్య ఒక చెట్టుకింద కూచుని తినడం స్టార్ట్ చేసాడు. రెజినా బేగ్ లోంచి రిమోట్ మైక్రోఫోన్ తీసింది మనం ఇది వాడాలి అంది. ఇవన్నీ ఏంటి బేగ్ లో చాలా ఉన్నాయి అడిగాడు గిరి.  ఇది రీఛార్జబుల్  8 జి బి  డిజిటల్ రికార్డర్, ఇది మినీ పెండెంట్ రికార్డర్ అని చూబించింది.  ఇన్నెందుకు అన్నాడు గిరి  అవసరాన్ని బట్టి అంది రెజినా . ఈ చిన్న రిమోట్ మైక్రోఫోన్ ని ఆ చెట్టుమీద పెడితే ఆ సౌండ్ ఇక్కడ రికార్డుల అవుతుంది అంది.   కానీ ఆ చెట్టు చాలా దూరం లో ఉందే అన్నాడు. చాలా దూరం కాదు 300 మీటర్స్ దూరంలో ఉండచ్చు. ఈ మైక్రోఫోన్ 1000 మీటర్లు దూరం సిగ్నల్స్ పంపగలదు. ఆహా ఏమి టెక్నాలజీ ,  ఇప్పుడు నేను చెరువులో ఈదుకుంటూ వెళ్లి ఆ చెట్టెక్కి  ఈ మైక్రోఫోన్ అక్కడ పెట్టి వస్తాను. అన్నాడు చెట్టు వంక చూస్తూ , వెనక్కి తిరిగి చూసేసరికి చేతులో క్రాస్ బో తో రెజినా టెలి లెన్స్ నుంచి చూస్తూ ఒక్క బాణం వదిలింది .

ఆ బాణం నేరుగా పోయి పక్షులు కూర్చున్న కొమ్మ లోకి నాటుకుంది. ఒక్క సారిగా అనేక  పక్షులు ఎగిరి పోయాయి, కాస్సేపటిలో మళ్లీ అదే కొమ్మమీద వాలాయి.  ఆమె బాణం ఎందుకు వేసిందో అర్ధం కాలేదు. అదే అడిగాడు గిరి . బేగ్ లోంచి ఒక బినాయకులర్స్ తీసి ఇచ్చింది చూడమని. గిరి కి ఆ కొమ్మకి గుచ్చుకున్న శరానికి  ఒక మైక్రోఫోన్ కనిపించింది. అదే సమయంలో చేతులో ఉన్న రిమోట్ నొక్కగానే మైక్రోఫోన్ కి ఉన్న లైట్ వెలిగింది . హేండ్ సెట్ గిరి చెవి దగ్గర పెట్టింది. పక్షుల అరుపులు వినిపిస్తున్నాయి. రికార్డింగ్ అవుతున్నది అని సైగ చేసింది. ఈ లోపున సత్య తినడం ముగించి వచ్చి , చేతిలో బాణాలేమిటి ? ఇక్కడ జంతువులని వేటాడడం నేరం.  అని అరవసాగాడు. రికార్డింగ్ అవుతున్నది అంది గిరి సత్య నోరు ముయ్యబోయాడు. గిరి ఎం పర్వాలేదు. అక్కడి నుంచి వచ్చిన ఎలెక్ట్రిక్ సిగ్నల్స్ నే తీసుకుంటుంది. మాట్లాడినా మీ పర్వాలేదు. " సరే మేడం , మరి ఆ బాణం ఎప్పుడు తేవాలి , రికార్డింగ్ అయినా తర్వాత తేవాలా ?  అక్కరలేదు , దానికి 16 గంటలు బేటరీ బేకప్ ఉంది. మనం వెళ్లే టప్పుడు , ఏరో కూడా తేవక్కరలేదు. రిమోట్ తో మైక్రోఫోన్ స్విచ్ ఆఫ్ చేసేయచ్చు ఇంకో స్పాట్ కి వెళదామా. అంది " టైం ఒంటిగంట కావస్తోంది , నేను ఫుడ్ తెస్తాను తినేసి వెళదాము" అన్నాడు గిరి. ఈ అడవిలో హోటల్స్ ఉంటాయా ? అంది . గిరి పడి పడి నవ్వాడు.   హోటల్స్ ఇక్కడెందుకుంటాయి మేడమ్ , ఇక్క డ నేరేడు, రేగు, సపోటా  చెట్లు ఉన్నాయి , ఇంకా ఇక్కడ లేత వెదురు ఆకులు చాలా బాగుంటాయి. నేనెళ్ళి పటు కొస్తాను  అని గిరి అంటుండగా " ఇక్కడ అరటి తోటలు లేవా ? మంచి అరటి పళ్ళు ఉంటె తేరా అన్నాడు." అన్నాడు సత్య . "చక్కర కేళీ లు తెమ్మంటావా , మామూలువి సరిపోతాయా ? అని సత్యతో అని రేగినావైపు తిరిగి " ఆ చెట్టుకి వేసిన బాణం మరొక్కటి ఉంటె ఇవ్వండి మేడం  వాడికి వేసేస్తాను. " అని  దరిద్రుడా !! అని తిట్టుకుంటూ బయలుదేరాడు. గిరి తెచ్చిన పళ్ళు చెట్టునీడలో  కూర్చుని మెల్లగా తిన్నారు. లంచ్ ఇంత బాగుంటుంది అని అనుకోలేదు  అంది రెజీనా . మీరు  ఈ చెట్టు నీడలో రిలాక్స్ అవ్వండి అని ఆమెతో చెప్పి వెనక్కి పరిగెత్తుకువెళ్లి జీప్ తీసుకు వచ్చాడు.

జీప్ బయలుదేరింది ఒక అరగంట ప్రయాణం తరువాత ఒక చిన్న రోడ్డులోకి తిరిగింది . అక్కడ జీప్ తిప్పి ఒక పోస్ట్ పాతరా సత్తి  అన్నాడు . సత్య దిగి ఒక పోస్ట్ పాతాడు. జీప్ ముందుకు పోతుంటే ఇక్కడేముంది అంది  , అంటుండగానే జీప్ ఆగింది . దిగండి మేడమ్జీ అంటూ గిరి జీప్ లోంచి దిగిపోయాడు. సత్య కూడా దిగి గిరి వెంట నడవసాగాడు . మెల్లగా తన బేగ్ తీసుకుని దిగిన రెజీనా తన కళ్ళని తానే నమ్మ లేక పోయింది. ఎదురుగా ఆకాశగంగ లా అద్భుతమైన జలపాతం. మనుచరిత్ర లో అల్లసాని పెద్దన గారి పద్యం "అటజని కాంచె భూమిసురు డంబర చుంబి శిరస్సరజ్ఝరీ పటల ముహుర్ముహుర్ లుఠ దభంగ తరంగ ".. అంటే ఇదేనేమో  అనుకుంది. చుటూ ఆకాశాన్ని తాకే పెద్ద చెట్లు , పెద్ద చెట్ల మీద చిన్న పిట్టలు. ఆకాశం అంత ఎత్తులో , కంటికి కనిపించని చిన్న పిట్టలు , వినిపించి వినిపించని కూతలు , గుండె తలుపులను తట్టాయి. ఆనందంతో , ఉద్విగ్నంగా గుండెలు ఎగిసి పడుతుండగా .   థాంక్ యు గిరి అండ్ సత్య . మన రావలిసింది చోటుకే వచ్చాము.

అంటూ ఈ బర్డ్ సాంగ్స్ రికార్డ్ చెయ్యాలి అని బేగ్ లోంచి పెరబోలిక్ మైక్రోఫోన్ తీసుకుని వాటర్ ఫాల్ వైపు పరిగెత్తింది. మేడం బర్డ్ సాంగ్స్ అంటున్నారు అస్సలు ఒక్క పిట్టా  కనిపించడం లేదు. అని గిరి అనగానే పరిగెడుతున్న ఆమె వెనక్కి చూడకుండా తన వద్ద ఉన్న బినాక్లాస్  గిరికి అందేలా విసిరేసింది.  గిరి బినాక్లాస్ తో చెట్టు మీదకి చూసాడు. ఆకాశాన్ని ముద్దాడుతున్నట్లు  ఉన్న వృక్ష శిఖరాల లో కూచుని ఉన్న అందాల రంగు రంగుల  పక్షులు ఏ బ్యూటీ పార్లర్ అవసరం లేని బ్యూటీస్ , ఏ సంగీతం కోర్సు అవసరంలేని గాయకులూ , గాయకురాళ్లు లా కనిపించాయి.

ఒక రాయి మీద నిలబడి చేతిలో పేరాబోలిక్ మైక్ ని కుడిచేత్తో చెట్ల  శిఖరాలవైపు చూపుతూ ఎత్తి పట్టుకుని రికార్డింగ్ ప్రారంభించింది. పరిగెత్తులు వెళ్లి గిరి కూడా  ఆమెపక్కనే నిలబడి ఆసక్తిగా తిలకించ సాగాడు. " మేడమ్ , ఇదేంటి కొత్తరకం మైకా ? అన్నాడు. అవును దీన్ని పేరాబోలిక్ మైక్రోఫోన్ అంటారు. అని హెడ్ఫోన్స్ గిరి చెవులకి అమర్చింది. " అద్భుతం , ఎక్కడో ఆకాశంలో చిటారుకొమ్మన కూస్తున్న పిట్ట నా  బుజం మీద కూర్చుని కూస్తున్నట్టుంది " అన్నాడు గిరి .  మరదే, పేరాబోలిక్ మైక్రోఫోన్ అంటే  వందల మీటర్ల దూరంలో ఉన్న చిన్న సౌండ్ ని కూడా రికార్డ్ చేయగలగడమే దీని గొప్పతనం. అంది రెజీనా .

" ఎందుకురా అంత ఎక్సయిట్ అవుతావు , ఇవన్నీ  ఎప్పుడో కాచి వడబోసేసాను , అన్నాడు సత్య. రెజీనా ఆశ్చర్యంగా అవునా అన్నట్టు చూస్తోంది.  అప్పుడు గిరి అన్నాడు " అవును మేడమ్ సత్య గురించి సమంగా చెప్పలేదుకదా వీడు మామూలోడు కాదు ,  బి టెక్ ఎలక్ట్రానిక్స్ .. (కాస్సేపాగి)  .....అని చెప్పుకుంటుంటాడు, పెద్ద ....అని కాస్సేపాగి  బోకు అన్నాడు . వాళ్లిద్దరూ  ఒకరినొకరు గుర్రుగా చూసుకుంటుంటే రెజీనా కి నవ్వాగలేదు. "నేను పూర్తిగా రిలాక్స్ అయ్యాను వియ్ నీడ్ యు సత్య అంది రెజీనా" థాంక్స్ మేడమ్ సార్ కూడా ఇలాగే అంటూ ఉంటారు అన్నాడు సత్య . రెజీనా మళ్ళీ  నవ్వింది.

కొద్దీ సేపు రికార్డింగ్ చేసి టైం చూసుకుంది రెజినా.  గిరి టైం 3 గంటలు అయ్యింది ఇంకా ఎన్ని ప్లేసెస్ ఉన్నాయి అంది రెజీనా. మొత్తం ఒక పది అనుకున్నాము. ఈ రోజుకి ఇంకొకటో రెండో చూడొచ్చు,  కోర్ ఫారెస్ట్ మినహాయించి బఫర్ ఫారెస్ట్ లో మనం ఇంకొంచెం లోపలి వెళదాము అన్నాడు  గిరి .  ఇంకా.... లోపలికా  డేష్ లు  ఉంటె ? అన్నాడు భయంగా మొహం పెట్టి సత్య. డేష్ లు అంటే అంది రెజీనా.  చెప్తే గిరి గాడు నన్ను జీపులోంచి తోసేస్తాడు. పర్వాలేదురా ఇప్పుడు జీపులో లేం కదా  అన్నాడు . అదే పులి ఉంటె , అన్ని పులులు ఇందాక కనిపించిన పులిలాగ వెళ్ళిపోతాయని గేరంటీ ఏమిటి ? అది మంచిది కాబట్టి వెళ్లి పోయింది . అన్నాడు సత్య . నన్ను నమ్మండి మేడం , సార్ కి పర్సనల్ అసిస్టెంట్ గా నన్ను పెట్టుకున్నది నేను అవుట్ స్టాండింగ్ ఇంజనీరింగ్ గ్రాడ్యుయేట్ అని, ఆడు ఉత్త డ్రైవర్ . అన్నాడు సత్య  " అనసూయకి చెప్పే మాటలు మాకు చెప్పకురా , మేం నమ్మం " అన్నాడు గిరి . " అది మాత్రం నమ్మిందేటి?" గొణుక్కున్నాడు సత్య. అందరూ జీప్ ఎక్కేసారు. జీప్ బయలుదేరింది.  రెజీనా అంది " గిరి, మిగితా ఎనిమిది స్పాట్స్ జీప్ లోంచే చూబించేయి. అలా కుదురు తుందా? టైం సరిపోతుందా ? "  4 గంటలకి తిరుగు ప్రయాణం మొదలు పెట్టాలని అనుకున్నాను. కాకపోతే , మిగితా స్పాట్స్ అన్నీ చూడాలంటె 5 గంటలకి బయలుదేరాలి , 5 గంటలకి బయలుదేరిన 7 గంటలకి ఇంట్లో ఉంటాము. జీప్ వేగం పుంజుకొంది . పది నిమిషాలు తర్వాత జీప్ ఆగింది . గిరి దిగి ఒక పోస్ట్ పాతేడు. పర్వాలేదు మేడమ్ దిగి చూడొచ్చు. రెజీనా దిగి సెల్ ఫోన్ తో ఫోటో తీసుకుని , ఫోటో మీద నెంబర్ 3 అని ఎడిటింగ్ టూల్ తో రాసుకుంది . ఆరు స్పాట్స్ ఇలాగే  జరిగింది . మొత్తం ఎనిమిది స్పాట్స్ అయ్యాయి ఇంకా రెండు స్పాట్స్ చూస్తే వెనక్కి వెళ్లి పోవచ్చు అన్నాడు సత్య . టైం నాలుగున్నర అయ్యింది , ఇంకా ఇరవయి కిలో మీటలు వెళ్ళాలి లాస్ట్ స్పాట్ , అదేం అంత కష్టం కాదు అన్నాడు.  గిరి

అనుకున్న పని పూర్తి అయితే  చాలా హేపీగా ఉంటుంది. అంది రెజినా.  మీరు కావలిస్తే కాస్సేపు రికార్డింగ్ కూడా చేసుకోవచ్చు అన్నాడు గిరి. లేటైతే అనసూయ భాద పడుతుంది  ఫోన్ చేసి  చెపుదామంటే ఈ అడవిలో సిగ్నల్స్ ఉండవు . అని సత్య అంటుండగా  గిరి అడిగాడు " మరి ఎందుకురా సెల్ ఫోన్ జేబులో పెట్టుకుని తిరడగడం ? భలేవాడివే స్మార్ట్ ఫోన్ తో ఎన్నో పనులుంటాయి. అన్నాడు సత్య. ఏవుంటాయిరా , వీడియోలు చూడడమేగా ఇలా సాగుతోంది సంభాషణ.  పదే పదే అనసూయాగురించి మాట్లాడడం, ఆమె బాధ పడుతుంది అని అనడం వల్ల సంభాషణ భారం గా అయిపోతోందని  టాపిక్ డైవర్ట్ చేయడానికి  కావాలనే గిరి గొడవ పెట్టుకున్నాడు.

గొడవ ముగిసింది , జీపాగింది. మేడమ్ దిగండి  ఇది స్పాట్ నెంబర్ 10 వెళ్లే టప్పుడు స్పాట్ నంబర్  9 చూబిస్తాను. అన్నాడు  సూర్యుడి తీక్షణత తగ్గింది . కానీ చాలా వెలుతురూ ఉంది. " చాలా బాగా టైం మెంటైన్ చేస్తున్నావు.  అని మెచ్చుకొంది రెజీనా , అవును మేడమ్ మంచి స్పీడ్ నడుపుతాడు, ఇదివరకు ట్రావెల్స్ బస్సులు నడిపేవాడు. వోల్వో బస్సులు నడిపేవాడు. " నేను బస్సు డ్రైవెర్న్య్ అని చెప్పడం అంత అవసరమా ? గొడవకు దిగాడు గిరి. ఇవేం పట్టించుకోకుండా  రెజీనా కెమెరా తో కదిలిపోయింది , ఆమెని కదిలించే దృశ్యాల్ని బంధించడానికి . అప్పుడే చింకారా ( పెద్ద కొమ్ముల లేడి ) దుముకుతోంది. రెజినా కెమెరా క్లిక్ మంది.

మేడం ఇక్కడెవ్వరూ ఇలా తిరగరు ఇలాటి చోట మీరు ఫ్రీగా ఫోటోగ్రఫి మొదలెట్టారు. ఇక్కడ ఎలుగు బంట్లు ఉంటాయి తెలుసా  అన్నాడు సత్య. ఎలుగు బంట్లు వస్తే ఏంచేయాలో కూడా తెలుసు అరిచింది రెజీనా. ఇంకా లాభం లేదని ఇద్దరూ రెజీనా వెనక పరిగెత్తడం ప్రారంభించారు.  ఇంతలో మొరొక లేడి , కనిపించింది. నాలుగు కొమ్ముల లేడి.  బలేగుంది అన్నాడు సత్య . దీన్ని చాసింగా (chousingha)అంటారు అంది రెజీనా. ఆలా కనిపిస్తున్న జంతువులని ఫోటోలు తీకుంటూ ముందుకు సాగుతుండగా...చెట్ల వెనక ఏదో అలికిడి అయ్యింది . ఒక జత నల్ల బూట్లు చెట్టు చాటున కనిపించాయి . దగ్గరికి వెళ్ళబోయింది. మేడం ఆ చెట్లలోకి వెళ్ళకండి అని గిరి అరిచాడు . వెనక్కి తిరిచూసి మళ్ళీ చెట్టుచాటున చూసేసరికి ఎవరో పారిపోతూ కనిపించారు. గిరి దగ్గరకి వచ్చాడు " మేడం ఏవయ్యింది ?" అన్నాడు . " నన్ను ఎవరో గమనిస్తున్నారు  , ఇదిగో నేను చూడగానే పారిపోయాడు అంది. అంతా  మీ బ్రమ  అలా చూడండి , అక్కడ ఉన్నది ఇద్దరు పిల్లలు . ఈ పక్కనే చెంచుల గూడెం. వాళ్ళు చెంచుల పిల్లలు  ఇక్కడ  చెంచు  కుటుంబాలు ఒక పది ఉన్నాయి.  రేజీనా కెమెరా తో  పిల్లల ఫోటోలు తీసుకుంది.

" ఇక్కడ చెంచులు  ఫారెట్ డిపార్ట్మెంట్ మనుషులు . వేకువజామునే బయలుదేరి పులి  అవశేషాలు , అంటే తిని వదిలేసినవి అలాగే విసర్జకాలు ఏరుతారు. " అందు వల్ల వాళ్ళకేంటి లాభం? అంది రెజీనా . మేడమ్ వాళ్ళది జాబ్ . అన్నాడు సత్య . ఇలాంటి జాబ్స్ కూడా ఉంటాయా ? అంది రెజీనా ఆశ్చర్యంగా . " మేడమ్ ఉదయాన్నే వస్తే ఇక్కడ పక్షులు కనిపిస్తాయి. ఇక్కడికి ఒక్కోసారి ఫోటో జర్నలిస్టులు కూడా వస్తుంటారు  అన్నాడు గిరి ఎత్తైన కొమ్మలమీద ఉన్న  కొన్ని పక్షుల ఫొటోస్ తీసుకుంటోంది రెజీనా. " అడవిలో తిరిగే హాబీలు  ఉన్నాయంటే నమ్ముతారు జాబ్స్ ఉన్నాయంటే నమ్మరా ?  మీకు ఉన్నహాబీ ఎంత భయంకరమైనదో తెలుసా? దీనివల్ల మీకు లాభం ఏంటి అని ఎవరైనా అడిగితే మీరు ఎం సమాధానం చెప్తారు ? అన్నాడు సత్య. "హాబీలే ఉండాలి జాబ్స్  ఉండకూడదని నేను అనలేదు సత్య , కానీ నా హాబీ వల్ల  నీకు వచ్చిన నష్టం ఏంటి? "అంది .  నష్టమా , ప్రమాదం , సింహం వస్తే  నా  ప్రాణానికే ప్రమాదం. అన్నాడు సత్య  ఈ అడవిలో సింహాలు లేవు.  అంది రెజీనా. మేడం పులి కంటే సింహం బలమైనది  కదా  అన్నాడు గిరి.  "కాదు , సింహం ఎన్నిసార్లు పోరాడిన పులిని గెలవలేదు , పైగా సింహం పులి అంత ధైర్యశాలి కాదు. వంటరిగా వేటకు పోదు గుంపులు గుంపులుగా పోతుంది."  అంది రెజీనా . అప్పుడు సత్య అన్నాడు " మరి సినిమాలో, సింహం ఎప్పుడు సింగల్ గా వస్తుంది అని ఎందుకు చెప్పాడు " అన్నాడు సత్య.     గిరి గుర్రుగా చూసాడు  "ఒరేయ్ నువ్వు అవుట్ స్టాండింగ్ స్టూడెంట్ వి కాదు రా , ఔట్ సైడ్ స్టాండింగ్ స్టూడెంట్ విరా." అన్నాడు . అందరూ జీప్ వైపు వెళ్ళసాగారు. జీప్ కదులుతుంటే ఒక పెద్ద కొమ్ముల లేడి కనిపించింది . దీన్ని సాంబార్ ( Sambar) అంటారు మేడం . ఫోటో తీసుకుంటారా ? అని జీప్ ఆపేడు. కిటికీలోంచి ఒక ఫోటో తీసుకుని , గిరి దీన్ని సాంబార్ అనరు, సాంభర్ అంటారు. అంది

ఈ స్పాట్ గుర్తు ఉంచుకోండి మేడమ్. అవును ఉదయాన్నే ఇక్కడుండాలి అంతే  కదా. అది కాదండి  ఈ చెంచులు తో జాగ్రత్తగా ఉండాలి. " అంటే ? " అంటే  ఎదో చేస్తారని కాదు  వీళ్ళకి  బాణామతి చిల్లంగి లాంటి విద్యలు .. సరే గిరి   ఎన్నిటి కానీ భయపడతాం అంది  రెజీనా నవ్వుతు.  "ఉదయానే రావాలంటే కష్టమేమో ?" అన్నాడు సత్య . " ఎవరికీ నీకా?" అన్నాడు గిరి ." మీ ఇద్దరూ  రావక్కరలేదు నేను వంటరిగా వెళ్ళగలను. ఉదయమే కాదు రాత్రి కూడా పని ఉంటుంది . "  రాత్రా అడవిలోనా ? అన్నారు ఇద్దరూ . అవును కొన్ని పక్షులు రాత్రే పా డతాయి.  నార్తెన్ మాకింగ్ బర్డ్ , హెర్మిట్ త్రష్ ,  ఈస్ట్రన్ విప్ పూర్ విల్ , నైట్ హెరాన్ , కామన్ నైటింగేల్  లాంటి అనేక పక్షులు  నైట్ సింగింగ్ బర్డ్స్ గా ప్రసిద్ధి. అంది  " ప్రసిద్దా ? నేను అసలు వీటి పేర్లే వినలేదు ?" అన్నాడు. సత్య . "మీరు చెపుతుంటే పక్షులగురించి చాలా తెలుసుకుంటున్నానండి"  అన్నాడు గిరి.   నార్తెన్ మాకింగ్ అనేక స్వరాలూ , అనేక నోట్స్ పాడటమే కాక తరుచు కొత్త ట్యూన్ కి మారిపోతూ తన పాడేశక్తిని చూపుతుంది. అనే అనేక భాషలు మాట్లాడే వారిని పోలిగ్లోట్ అంటారు.   అందుకే నార్తెన్ మాకింగ్ బర్డ్ని  మైమస్ పోలిగ్లోట్టస్  అంటారు.  అద్దర్రాత్రి పాడటం ఏంటి చిరాగ్గా ? ఎవడు వింటాడు ? దేవుడు ఇలాటి వేస్ట్ పనులు ఎందుకు చేస్తాడండీ ? అన్నాడు సత్య  హెర్మిట్ త్రష్ కేవలం వేకువజామునే పాడుతుంది. పక్షులు కోర్టుషిప్ రిట్యువల్స్, వాటి టైం  ఎంతపద్ధతిగా పాటిస్తాయో తెలుసా. ఋతువులని , సమయాన్ని పాటిస్తూ ఎంతో క్రమ శిక్షణగా మెలుగుతాయి   మనకి అవి కావాలి అనుకుంటే క్రమశిక్షణ పాటించాలి. ఫింగర్ లేక్స్ నడిబొడ్డున ఉన్న   ఆర్నిథాలజీ లేబ్ నుండి సౌండ్ రికార్డింగ్ నేర్చుకున్నాను. కొన్ని వర్క్‌షాప్లకి వెళ్లి  ఈ విషయాలు నేర్చుకోగలిగాను.   కార్నెల్ ల్యాబ్ ని ఉందిలే . అది ఒక  ఆర్నిథాలజీ కాలేజీకి సంబంధించింది.  వర్క్ షాప్ సూర్యోదయానికి ముందే   ప్రారంభం అవుతుంది. అని చెప్పుకొస్తోంది రెజీనా  " అంత  ఉదయాన్నే అంటే కష్టమే!  ఏం పెడతాడు తినడానికి ? ఆడు పెడతాడా మనం పట్టుకెళ్లి పోడమేనా ?" అన్నాడు సత్య. వర్క్ షాప్ అంటే క్లాస్ లో కాదు.  ప్రతి రోజు మైదానంలో ప్రారంభమవుతుంది, డాన్ కోరస్  ఉదయాన్నే పక్షుల అరుపులు వినడం  పక్షుల పాటలను   రికార్డ్   చెయ్యడం నేర్చుకున్నాను . జీప్ దూసుకు పోతోంది.

 ఇంతలో చనిపోయిన  పిల్ల ఏనుగు కనిపించింది. రోడ్డు పక్కాగా ఒక చెరువు వద్ద పడి ఉంది. అయ్యో ! ఎలా చచ్చి పోయింది  చిన్న పిల్ల . అంది రెజీనా . జీప్ ఆపు అంది . జీప్ స్లో చేసాడు ,  లాభం లేదు మేడం చచ్చిపోయి రెండురోజులు అయ్యి ఉండొచ్చు , నీటిలో అమోనియా కలిపేస్తారు , రంగు వాసనా కూడా ఉండదు , అవి తాగి ఈ అమాయక జీవులు చనిపోతాయి . ఆ దంతాలు కోసం , ఈ పని చేస్తారు.  కొంచెం సేపు అంతా మౌనం . కొంత సేపు తర్వాత గిరి అన్నాడు.  స్పాట్ నంబర్ 9 వచ్చేస్తోంది . కొంచం ముందుకి వెళ్లి  ఇక్కడ లెఫ్ట్ కి తిరుగుతున్నాము. అని జీప్ ఆపి సత్తి , అని పిలిచాడు గిరి. ఇంకేంచెప్పకు ఇప్పుడు నాకు పూర్తిగా డిసిప్లిన్ వచ్చేసింది. అని జీప్ దిగి ఒక పోస్ట్ పాతాడు.   జీప్ పక్కకి తిరిగింది . అదంతా ఎర్రమట్టి రోడ్డు. ఇక్కడ  ఒక్కసారి నడవాలనుంది . ఎందుకు మేడమ్ నడవటం జీప్ వెళుతుంది.   షిన్రిన్  యోకు అనే మాట విన్నావా గిరి . జాపనీస్ భాషలో షిన్రిన్ అంటే అడవి , యోకు అంటే స్నానం , అంటే ఫారెస్ట్ బాత్ అన్నమాట. ఇప్పుడు టైం 5. 30 ఐయ్యింది.  5. 40 కి జీప్ బయలుదేరితే 6. 40 కి బంగాళా కి చేరిపోతాము. అన్నాడు గిరి.  మీరు కూడా రండి అంది రెజీనా. ముగ్గురూ దిగి నడుస్తున్నారు.

"ఇక్కడేదో పాడుబడిన గుడిలా ఉందే, అడవుల్లో దేవాలయాలు ఉండటం చాలా ఆశ్చర్యంగా ఉంది." గుడి  పూరాతనమైనదే కానీ పాడుబడిపోలేదు.  ఈగుడిని వేరేచోటకి మార్చేశారు. ఇంతకీ ఇక్కడికి పక్షులు వస్తాయా? ఇక్కడకి బాగా వలస పక్షులు వస్తాయంటారు. ముగ్గురు నడుస్తూ జీప్ వద్దకు వచ్చేసారు.  అడవుల్లో దేవాలయాలు ఉండటం చాలా ఆశ్చర్యంగా ఉంది. మళ్ళీ అంది.  "అడవుల్లో కాదు టైగర్ రిజర్వ్ లలో కూడా దేవాలయాలున్నాయి." అన్నాడు సత్య  వన్యప్రాణుల  మానవ సంచారం  తగ్గించే ప్రయత్నంలో ఈ మధ్యనే బండిపూర్ టైగర్ రిజర్వ్ లోపల ఉన్న కొన్ని దేవాలయాలను అటవీ అంచుకు అటవీ శాఖ మార్చేసింది. అనే వార్త లు వచ్చాయి.   అదే విధంగా ఇక్కడి శివాలయాన్ని కూడా మార్చేశారు.  ఆ మార్చే సింది ఎక్కడికో కాదు మన  విల్లెజ్ లోకే. అంతా జీప్ ఎక్కారు జీప్ కదిలింది . డైరెక్ట్ గా బంగాళాకే అన్నాడు సత్య. ఒక నలభై నిమిషాల పాటు  అంతా మౌనం. వెలుతురు  తగ్గిపోతున్నాడని గిరి హెడ్లైట్స్ ఆన్ చేసాడు. ఒక ముప్పై మంది ఒక లారీలో నుంచుని ఉన్నారు , లారీ రోడ్డు దాటుతున్నది. వీళ్ళందరూ వుడ్ కటింగ్ బ్యాచ్ , రెడ్ సేండర్స్  స్ముగ్గ్లింగ్ ముఠా, లేకపోతే ఇప్పుడు వేళ్ళకి అడవిలోకి ఏంపని ? అన్నాడు . నీది పోలీస్ బ్రెయిన్ గిరి అంది రెజీనా.  కాస్సేపట్లో బంగాళా వచ్చేసింది.