Polglotism - New generation weapon

On 12th Dec 2024 I visited K Ridge International School to inagu arate the seminar on Polyglotism. It was a wonderful opportu nity for me to display my skills in six foreign languages and motivate the young students of  the school. 

Very few schools today can think about  introducing a foreign language. Thinking of such a seminar on polyglotism is very very rare as most schools are literally in backwoods and disposed to teach math and science although they are timed out. Software Boom is no more. Medicine has lost its charm as doctors are facing terrible problems due to competition.  

In these circumstances it is a wise option to choose foreign languages for a global career. 

The children from 5th standard to 8th standard were trained on the basics of foreign languages such as alphabet, numbers, greetings and  conversation for a shor time before the beginning of the seminar in breakfast time. They've learned quickly and performed well on the stage. German comedy, French comedy, and Japanese comedy have attracted the students as well as teachers.  

Bojour Bonjour comment ca va ? - The French song sung by a student has stolen the show. 

As a poet I have offered flowers of poesy to the chairman and the director of the school. 

The poem I have written and presented on the director Kotamaneni 

వాటముగా  విద్యల కోట నుగట్టి  

సాటిలేని విద్యను  ఆటపాటలన్   

బేటముగా నిచ్చి, వేసి బంగరు బాటలు

గోటేమాత్రమునెఱుగని కోటమనేనికి  

కోటప్ప దొర  కోటివరములు గుప్పున్

The poem I've written &presented on the Chairman Venkateswarulu  

అవాంఛిత మర్మంబుల తోడి తొడితొక్కిడిగా పడు 

తక్కిన మ్రుక్కడి జనులను వీడి  అంచిత ధర్మంబు 

యెఱిగి  గుణమును ద్విగుణము జేయు  విద్యను గరపగ

సందడి  దొండాది జేయక  కుంజరమై  వచ్చి బంజరువై

నిలిచి  అరువున సరువై కల్పతరువై వలసిన  విద్యల నెల్ల 

నిచ్చి  అల్లన  సాగుము  వెంకటేశు కృపన్ . 

తెలుగు వారి ఆధునికతకు అద్దం పట్టే కథలు

కాంటర్బరీ టేల్స్ జెఫ్రీ షాజర్ చేసిన కథల ప్రయోగం, 24 కథల సంకలనం. లండన్కు 90 మైళ్ళ దూరంలో ఉన్న సేంట్ థామస్ బెకెట్ (కాంటర్బరీ చర్చి)కు వెళ్లే 31 మంది తీర్ధ యాత్రికులు లండన్ లో టాబార్డ్ సత్రంలో బసచేస్తారు. కాలక్షేపం కోసం అందరూ కథలు చెప్పాలని జెఫ్రీ షాజర్ ఒక కథల పోటీ పెడతాడు. నెగ్గిన వారికి బహుమతిగా తిరుగు ప్రయాణంలో ఉచితభోజనం లభిస్తుంది. ముప్పది మంది తీర్ధయాత్రీకులు ఒక్కొక్కరు నాలుగు కథలు ( వెళ్ళు నప్పుడు రెండు, వచ్చునప్పుడు రెండు) చెపుతారని భావించి 120 కథలు సంకలనం చేయవచ్చని అనుకొంటాడు. కానీ 24 కథలో లభిస్తాయి. ఇది కాంటర్బరీ కథల వెనుక కథ .

                   

24 కాంటర్బరీ కథల వెనుక కథ తో పాటుగా 24 కథలు చెప్పిన పూలబాల. తిరుపతిలో విమానం గాల్లోకి లేచి విజయవాడలో దిగే సరికి అలాంటి 24 కథలు మన సంస్కృతి కి అద్దం పట్టే కథలు ముగించడం అద్భుతం. ఒక పూర్తి కథ మీకోసం.

- ఏక్ దిన్ కా హంగామా -

ఉగాది వెళ్లిన మరుసటి రోజు నేను హాల్ లో సోఫా లో కూచుని పేపర్ చదువుకుంటున్నాను. టింగ్. టింగ్ .. కాలింగ్ బెల్ మోగింది. పేపర్ పక్కన పడేసి తలుపు తీశాను. ఎవరో తల్లి కూతురు లా ఉన్నారు. తల్లి చీర కట్టుకుంది పిల్ల పంజాబీ డ్రెస్ వేసుకుంది " ఇకాడ , ఇలెఅయ్ మై నా వేకంట్ గా ఉన్నాయా ?" అర్ధం కాలేదు ఏం కావాలి? అన్నాను. అద్కాదండి. ఇకాడ ఐ మీన్ టూ లెట్ బొడ్ ఉంద్కడా? ఇల్లు ఏమైనా అదేకు దొర్కుతుందా? అర్ధమయ్యింది ఈ అమ్మాయి తెలుగుని ఖూని చేసేస్తున్నాది. లోపాలాకి రండి, "ఛి ఛి తన మాటలు నాకొచ్చేస్తున్నాయి ఏంటి?" అనుకున్నాను మనసులో . పక్క ఫ్లాట్ ఖాళి గా ఉంది మేము ఓనర్స్ కాదు. కానీ కీస్ మాదగ్గరే ఉన్నాయ్. కూచోండి. అన్నాను. ఇల్లు చూబించాను.

చాలా బాగుందమ్మా, ఇది మా అమ్మాయి అంజలి పూర్తి పేరు దుర్గాంజలి. అంది తల్లి. అమ్మా ఏంటమ్మా ఏడుపుమొహం పెట్టింది అంజలి. అర్ధం కానట్టు చూసాను. అంతేనమ్మ, దుర్గ అనే పేరు చెప్పడం ఇష్టం ఉండదు. అంజలి అని చెప్పాలి, అంది తల్లి మమ్మీ గట్టిగా అరిచింది ఆ అమ్మాయి. కాదు కాదు అమ్మాయి పేరు ఏంజెల్ . ఇంట్లో అలానే పిలుస్తాం. అని సర్దుతుంది తల్లి కూతురు శాంతించింది.

మరుసటి వారం ఏంజెల్ మా అపార్ట్ మెంట్ లోకి వచ్చేసింది. తండ్రి ఆర్ టీ సి లో కండక్టర్, పేరు మారుతి, ఏంజెల్ వాళ్ళ అమ్మగారి పేరు మాలతి. మారుతి, మాలతి ఎంతబాగా నప్పాయో అన్నాను. మరుసటి రోజు అంజలి వచ్చింది " రేపు నా బాత్ డే , ఈవినింగ్ పాటీ కి తప్పక రావాలి" అంది. తెలుగు మాట్లాడే పద్ధతి కొంచం ఇబ్బందిగా ఉన్నా సద్దుకు పోవాలి అనుకున్నాను."అలాగే" అన్నాను. మరుసటి రోజు సాయం కాలం ఏంజెల్ ఉంటున్న పక్క ఫ్లాట్ కి పార్టీ కి వెళ్ళాను. పార్టీ కి చాలా మంది అమ్మాయిలు వచ్చారు.

ఏంజెల్ జీన్స్ వేసుకుని టీ షర్టు వేసుకుంది. మా అపార్ట్ మెంట్ లో అమ్మాయిలంతా ఇంచు మించు అలానే వచ్చారు. వాళ్ళంతా డాన్స్, సాంగ్స్ బాగా హడావిడి చేసారు. ఫోటోలు తీసుకుని ఫేస్బుక్ లో అప్లోడ్ చేసారు. అంతా వెళ్లి పోయాక. కేక్ మీద పేరు లేదని కేండిల్స్ బాగోలోవని ఏంజెల్ తలిదండ్రు లపై యుద్ధం చేసింది అలా అంజలి ఇంట్లో క్షమించాలి ఏంజెల్ ఇంట్లో చాలా పార్టీలు ,గెట్ టుగెదర్ లు జరిగేయి. అదే ఇంగ్లిష్ప ద్ధతి. మాట, కట్టు, ఆట పాట. మా అపార్ట్మెంట్ అంతా ఇదే కల్చర్ అనే కంటే ఊరంతా ఇంచుమించుగా ఇదే కల్చర్. ఇలా చాలా కాలం గడిచింది. నాకు ఇదంతా అలవాటయిపోయింది.

ఆ రోజు ఒక అద్భుతం చూసాను. అపార్ట్మెంట్ ముందు రంగు రంగుల ముగ్గులు. ఆ ముగ్గులని పువ్వులతో అలంకరిస్తూ 16 అణాల తెలుగు అమ్మాయిలా ఏంజెల్. నమ్మలేకపోయాను. నిత్యం తలుపు లేసుకుని ఖైదీల్లా ఉండే మా అపార్ట్మెంట్ వాళ్ళు మామిడాకుల తోరణాలు కట్టి, మామిడి కాయలు, ఉగాది పచ్చడి గిన్నె, పళ్ళేలలో పెట్టి. తలుపులు బార్లా తెరిచి కొత్తసంవత్సరానికి స్వాగతం పలుకుతున్నారు. అంతా అయోమయంగా ఉంది నాకు. పక్కకి తలతిప్పి చూడగానే కరెంట్ షాక్ తగిలినట్టయ్యింది పక్కనే టీ వీ కెమెరాతో బృందం.

మా అమ్మ వద్దన్నా లేచి ముగ్గులు వేస్తుంది రోజూ. అంది అంజలి తల్లి. అప్పుడు నాకు అంతకంటే తట్టుకోలేని దృశ్యం కనిపించింది. ఆ ఆస్కార్ నటన చూసి తట్టుకోలేకపోతున్నాను అప్పుడు నాకు 16 అణాల తెలుగు అమ్మయిల బృందం లంగా ఓణీలలొ కనిపించింది. వీ ళ్లెవరబ్బా ఎప్పుడూ చూడలేదే అనుకుంటున్నాను, " ఉగాది శుభాకాంక్షలు" అంటూ పంచె కట్టులో (నేనెప్పుడూ పంచె కట్టులో ఉంటాను) ఉన్న నన్ను అందరూ చుట్టుముట్టారు. వాళ్ళు అంతా మా అపార్ట్ మెంట్ అమ్మాయిలే. నిత్యం జీన్స్ వేసుకుని "ఎకాడ , ఏందుకు, వాల్లు, వీల్లు," అంటూ తిరిగే వాళ్ళే. అప్పుడు విడింది మబ్బు. ఈ రోజు టీ వీ ప్రోగ్రాం ఉంది. ఉగాది స్పెషల్. టీ వీ ప్రోగ్రాం కోసం ఈ హడావిడి. వీళ్ళ కల్చర్, వీళ్ళ సంప్రదాయాలు.. ఏక దిన్ క సుల్తాన్ కథ గుర్తొచ్చింది.

------------------------------------ ఫాల్స్ ప్రెస్టేజ్ - చిన్న కథ - పూలబాల

మన ఇంటి దగ్గరలోనే భాస్కర్ రావు గారి బడి ఉంది చిన్నబ్బాయిని అందులో వేయచ్చుకదమ్మ అంది తిరుపతమ్మ. వెళ్ళబోతూ. "ఎక్కడే ?"అంది పక్కింటి కామేశ్వరితో బాతాఖానీ లో కూర్చున్న కృష్ణవేణి . ఇక్కడేనమ్మ ఆంజనేయుడి గుడికాడ. ఈ సందులో బడెల్లి పోతే రెండు నిమిసాల్లో ఎల్లిపోవచ్చు. అంది తిరుపతమ్మ. కృష్ణవేణి కి అర్థమైంది. అది పేదవాళ్ల బడి. అవును ఇప్పుడు మేం పేదవాలమే కదా అనుకుంది మనసులో సమాధానం చెప్పేలోపలే అమ్మా అంట్లన్నీ కడిగేసి అక్కడే ఎట్టేసినాను. ఎల్లొత్తాను. అని వెళ్ళిపోతున్నాది "రేపొస్తావా !" అనడిగింది కృష్ణవేణి . "ఏటమ్మా రెండు రోజుల నుంచి ఇలా అడుగుతున్నారు?" వెనక్కి తిరిగి అడిగింది తిరుపతమ్మ "ఏం లేదు లేవే నువ్వెళ్లు" అంది కృష్ణవేణి. తిరుపతమ్మ వెళ్ళిపోయింది. అబ్బ తల బద్దలైపోతుంది అంది కామేశ్వరి కృష్ణవేణి వంటగదిలోకి వెళ్లి కామేశ్వరి కి టీ పెట్టి తీసుకొచ్చింది. కామేశ్వరి టీ తాగి మరో గంట కూర్చుని అసుకు కొట్టి గోపాల కృష్ణ వచ్చేక లేచింది. చూడు ఆ పనిదాని మాట విని చిన్నవాడిని ఆ చెట్టు కింద బడిలో వేస్తే పరువు పోతుంది. కృష్ణవేణి ఏమీ మాట్లాడలేక మౌనంగా ఉండిపోయింది దాని కొడుకు కూడా అక్కడే చదువుతున్నాడు. తెలుసా ? నేను చెప్పాల్సింది చెప్పేను. అని వెళ్ళిపోయింది కామేశ్వరి.

కృష్ణవేణి పడక గదిలో ఉన్న భర్త దగ్గరికి వచ్చి ఏవండీ హైదరాబాద్లో ఏదైనా ఉద్యోగం దొరికిందా ? లేదు కృష్ణా నా రాత బాగోలేదు. మూడు నెలలుగా తిరుగుతున్నా సరైన ఉద్యోగం దొరకట్లేదు. ఉద్యోగం దొరక్కపోయినా అప్పైనా దొరికిందా ? పిల్లవాడిని బడిలో వేయకుండా ఎంతకాలం వాయిదా వేస్తారు? మెల్లగా అంది కృష్ణవేణి. మీ రాత కాదండీ బాగోనిది నారాత. ఇంటి అద్దె కోసంనిన్న ఇంటాయన వచ్చారు . మీరు హైదరాబాదు వెళ్లారని చెప్పాను. ఇంటి అద్దె అయినా కట్టాలిగా అంది. కృష్ణవేణి తన్నుకొస్తున్న దుఃఖాన్ని ఆపుకుంటూ. అబ్బబ్బా ఇంటి రాగానే డబ్బు డాబు అని నా ప్రాణం తీయకు. దాచుకున్న డబ్బంతా ఇంటి ఖర్చులకి ఇన్స్టాల్మెంట్స్ కే చాలడం లేదు ఇంకా ఆ ఇంటద్దె ఎక్కడి నుండి తెచ్చేది ? ఆ ఫ్రిడ్జ్ లేదా టీ వీ ఎదో ఒకటి అమ్మేద్దాం. ఫ్రిడ్జ్ లేదా టీ వీ వాషింగ్ మెషీన్ అన్నే ఇంస్టాల్ మెంట్స్ లో నే ఉన్నాయి. అయినా వాటిని అమ్మితే మన పరువు పోదూ ! అంది .

అబ్బా బ్బా ఇక్క నిమిషం నీ కాకి గోల ఆపి నాకు కాఫీ ఇస్తావా ? కాఫీ పొడి అయిపోయిందండీ. బేలగా అంది కృష్ణవేణి . కామేశ్వరి తాగేసిందా ? నా ప్రాణానికి అదొకత్తె దాపురించింది. కన్నీళ్లా ఫై మంచి నీళ్ళైనా తెగలెయ్యి అన్నాడు గోపాలకృష్ణ. వాటర్ ఫిల్టర్ పనిచేయట్లేదు మామూలు నీళ్ల్లు ఇవ్వనా అడిగింది కృష్ణవేణి. ఛీ ఈ ఇంటికి శని దాపురించింది అన్నాడు గోపాల కృష్ణ. ఏవండీ ఇంటాయన ఆంజనేయులు వచ్చారు ముందరి గదిలో ఉన్నారు. అంది కృష్ణవేణి మంచినీళ్లు అందిస్తూ. గోపాల కృష్ణ గడగడా మంచినీళ్లు తాగేసి గ్లాసు భార్య చేతికిస్తూ వీడు నాచేత ఎలా మంచినీళ్లు తాగించేస్తున్నాడో చూడవే ! అని ఖాళీ గ్లాసు భార్య చేతికిచ్చి ముందరిగది లోకి వెళ్ళాడు.

నమస్కారం అద్దె రెండురోజుల్లో ఇచ్చేస్తానండీ అంటూ ముందరి గదిలోకి వచ్చిన గోపాల కృష్ణతో ఆంజనేయులు "అందుకోసం రాలేదయ్యా. నువ్వు ఉద్యోగం కోసం ప్రయత్నిస్తున్నావు అని తెలిసింది మాబావ మరిది కంపెనీలో మన ఇంటి దగ్గరలోనే ఒక ఉద్యోగం ఉంది. కాకపొతే సాఫ్ట్ వేర్ జాబ్ కాదు, చేస్తావా? "అన్నాడు. ఒక్క సారి గోపాల కృష్ణ ముఖం వెలిగింది. ఏపని అన్నాడు ? గోపాలకృష్ణ . "చేసేది గుమస్తా ఉద్యోగమే కానీ పోస్ట్ పేరు ఆఫీస్ మేనేజర్." అన్నాడు ఆంజనేయులు. "చెప్పుకోడానికి బాగుంది." అనుకుని "జీతం ఎంతిస్తారు?" అన్నాడు. "అట్టే ఎక్కువ ఇచ్చుకోలేడు ప్రస్తుతానికి పది వేలిస్తాడు." అన్నాడు ఇంటి యజమాని. అప్పుడే మంచినీళ్ల గ్లాసుతో వచ్చిన కృష్ణవేణి వైపు చూసాడు ఒప్పుకోమని సైగ చేసింది. సరే అన్నాడు గోపాల కృష్ణ. ఆంజనేయులు మంచి నీళ్లు తాగి బైటకెళ్ళాడు. పైన ఎదురు చూస్తున్న బావ మరిది బండి స్టార్ట్ చేసాడు. "బావా మూడు నెలల నుంచి ఇంటి అద్దె కట్టనివాడికి ఉజ్జోగం ఇప్పిస్తున్నావంటే ఎంత గొప్పవాడివి బావా !" అన్నాడు. "బండి పోనీయ్ అసలు విషయం చెప్తాను అన్నాడు ఆంజనేయులు. బండి కొంచెం దూరం పోయిన తరువాత " తన్నినా వీడి దగ్గర పైసారాలదు. వీడికి ఉజ్జోగం ఇప్పించింది నా అద్దె కోసం. నా అద్దె విరుపుకోగా మిగితా జీతమే వీడికి తెలిసిందా " అన్నాడు. "అంటే ఇక పై నీకు నెలనెలా నేనే అద్దె కట్టాలన్నమాట. గోపాలకృష్ణ ని చూస్తే జాలేస్తున్నది." అన్నాడు బావమరిది. "నేను ఈపని చేయకపోతే నన్ను చూసి జాలిపడి ఉండేవాడివి. ఇంత ఫాల్స్ ప్రెస్టీజ్ ఉంటే జీవితాలు ఇలాగే ఉంటాయి. స్థోమత లేకున్నా అప్పులు చేసి ఖరీదైన వస్తువులతో షో చేయాలనుకునే వాళ్లకి ఇప్పటికైనాబుద్ధి రావాలి. "అన్నాడు ఆంజనేయులు. "వస్తుందంటావా ?" అన్నాడు బావమరిది.

***

తలుపు చప్పుడైతే తీసి చూసింది కృష్ణవేణి. ఎదురుగా కామేశ్వరి. రారా కూర్చో అంది కృష్ణవేణి. ఇద్దరూ ముందరి గదిలో కూర్చున్నారు. ఏంటి శుభవార్త ఏమైనా ఉందా ముఖం వెలిగిపోతోంది అంది కామేశ్వరి. "తిరుపతమ్మా రెండు కాఫీలు తే" అరిచింది కృష్ణవేణి. దాంతో సగం అర్ధమైపోయింది కామేశ్వరి కి. "పిల్లాడిని ఎక్కడ వేశావు?" అంది ఇంకెక్కడ వేస్తాను.. ఆ కార్పోరేట్ స్కూల్ లోనే. నిన్నే జాయిన్ చేసేసాను." "భాస్కర్ రావు గారి బడిలో వేయలేకపోయారా? పిల్లల్ని ఆయన చాలా ప్రేమగా చూసుకుంటారు." అంది తిరుపతమ్మ కాఫీ ఇస్తూ. మేనేజర్ గారి అబ్బాయిని అంత చిన్నబడిలో ఎలా చేరుస్తామే. పోయి పని చూసుకో. " అంది కృష్ణవేణి. తిరుపతమ్మ వెళ్ళిపోయింది.

నీ మొగుడు ఉజ్జోగంలో జేరి మూడురోజులే కదా అయ్యింది మరి.. ? అంది కామేశ్వరి. ఓ ! అదా బజాజ్ ఫైనాన్స్ నుంచి అప్పు తీసుకున్నాము." అంది కృష్ణవేణి నవ్వుతూ అంతేలే మేమూ అంతే ఇల్లు తాకట్టు పెట్టి పిల్లలని అమెరికా పంపిస్తున్నాము. మా హోదాకు తగ్గట్టుగా మేమూ ఉండాలి కదా. అంది కామేశ్వరి.

--------------------------------------------------"ఫోటో"  చిన్న కథ - పూలబాల

తెలుగు వారి ఆధునికత - సంప్రదాయాలు 

.

విమానంలో చెప్పిన 24 కథలలో  2 వ కథ 

. 

ఇంటివద్దే అలంకరించిన పెద్ద గదిలో   సశేష్ తన 15 వ పుట్టిన రోజు జరుపుకుంటు న్నాడు. సాయం కాలం 6 గంటలు అయ్యింది.  స్నేహితులు ఒకరొకరుగా వస్తున్నారు.   స్టీరియోలో ఇంగ్లీష్ సంగీతం అందరినీ అలరిస్తోంది. కొద్దిమంది దగ్గర బంధువులు స్నేహితులు వచ్చారు.  " అన్నయ్యకు డబ్బులిచ్చేశారు  స్నేహితులతో జాలీగా  ఎంజాయ్ చేసాడు నాకు మాత్రం ఇలా చిన్న పిల్లల్లా  ఇంటిదగ్గర.." అని గొడవ చేస్తున్న చిన్న కొడుకు  తో  "నువ్వు చిన్న పిల్లాడివే కదరా"  అంది సంధ్య  ఆ మాట సశేష్ కి నచ్చలేదు. ముఖం ఇట్టే  పెట్టేడు సశేష్.     వాడికి వీసా వచ్చి వాడు విదేశాలు వెళ్లిపోతున్నాడు ... అన్నాడు సంతోష్.  నాన్న అమ్మ  "నేను కూడా విదేశాలు వెళ్లిపోతాను."

 అలాగే  వచ్చే సంవత్సరం నువ్వు కూడా అలాగే  అన్నయ్య లాగే జరుపుకుందువు గాని. ఇప్పుడు చూడు తాతయ్య , అమ్మమ్మ , మావయ్య అందరూ వచ్చారు కదా వాళ్ళతో జరుపుకో. చూడు అందరూ వచ్చేసారు అంది  సంధ్య.  సశేష్ లేచి టేబుల్ దగ్గరికి వెళ్ళాడు. 

  

అలంకరించిన పెద్ద గదిలో కొవ్వత్తులు ఆర్పి కేక్  కోసి అందరికీ పంచాడు  సశేష్.  హేపీ బర్తడే  టు యూ  అని అనేక గొంతులు  పాడాయి. ఒక్కొక్కరూ సశేష్ కి బహుమతులు అందించి వెళ్లి పోయారు స్నేహితులంతా వెళ్లిపోయాక కుటుంబసభ్యులు మాత్రమే మిగిలారు. సశేష్  తల్లి సంధ్య   తాతగారు  నీకు ఎం గిఫ్ట్ తెచ్చారో  చూడు అంది  సశేష్ తో.  ఫోటో యేగా తరవాత చూస్తానులే అమ్మమ్మా అన్నాడు  సశేష్.  చూడరా తాతగారు ముందే  చూడాలి  సశేష్  తండ్రి  సంతోష్.  

నీకు గత ఏడాదిలాటి పంచెకట్టు ఫోటో కాదు. పరుపుకింద పెట్టాల్సిన అవసరం రాదు అంది అమ్మమ్మ . సశేష్ ఫోటో పై చుట్టిన కాగితాన్ని విప్పి సూట్ తో ఉన్న తన ఫోటో చూసి మురిసి పోతూంటే  అమ్మమ్మ పరుపు కింద  మనవడు పెట్టేసిన ఫోటో తీసి చూసి మురిసిపోతోంది.  పంచ కట్టులో ఎంత బాగున్నాడో అంది అమ్మమ్మ. సశేష్ పరుగు పరుగున ముందరి గదిలోకి  వెళ్లి సూట్ తో ఉన్న తన ఫోటోని గోడకున్న మేకుకి తగిలించాడు. 

వస్త్రధారణ మన సంస్కృతి లో చాలా ముఖ్య భాగం కానీ మన వాళ్ళు సూట్లు వేసుకున్న ఫోటోలు మాత్రం అందరికీ చూపుతున్నారు. పంచె కట్టుకున్న ఫోటో లు మాత్రం పరుపులకింద మంచాల కింద దాచుకుంటున్నారు. అంది అమ్మమ్మ. అయ్యో పిచ్చి అమ్మ వీడే కాదు ఈ రోజుల్లో అందరూ అంతే.  వీడు ఇంకా నయం ఆ ఫోటోని పరుపుకింద పెట్టేడు. పెద్దాడైతే చెత్తకుప్పలో పడేసాడు.  అని నవ్వుతుంటే అమ్మమ్మ పేలవంగా నవ్వుతోంది.  తాతగారి కళ్లనుంచి కన్నీటి చుక్కలు రాలి పడుతున్నాయి. మన సంప్రదాయాలు ఎప్పుడో  అటకెక్కేశాయి  అత్తయ్య అయినా భాషే పోయాక వస్త్రధారణ ఒక లెక్కా అన్నాడు సంతోష్.

తిరుపతి లడ్డు చిన్న కథ పూలబాల

ఆహా ఇదీ నేటి భక్తి - ఆధునిక భక్తి

.

ఉదయం 10. గంటలు అవుతోంది. అపార్టుమెంట్లో మగవాళ్లందరూ అందరూ ఆఫీసులకి పిల్లలు బళ్ళకి వెళ్ళిపోయాక కుసుమ గారు ప్రసాదం అంటూ లోపలి వచ్చింది కళ. కళగారా ఏంటి సంగతి " తిరుపతి ప్రసాదం" అంది కళ్ళు చక్రాల్లా తిప్పుకుంటూ కళ. తిరుపతి వెళ్ళారా ? ఎప్పుడెళ్లారు అంది కుసుమ. మొన్న , మూడురోజులు అక్కడే ఉన్నాము కాణిపాకం వేదాద్రి అన్నీ చూసుకుని వచ్చాము అని లడ్డు పొట్లం చేతిలో పెట్టింది. అబ్బో మూడు రోజులే! దర్శనం బాగా జరిగిందా? అంది కుసుమ "బాగా రద్దీ గా ఉంది. చాలా పెద్ద క్యూ ఉంది." అని కళ. చెపుతుండగానే "సర్వ దర్శనమా? ఐతే పది గంటలు పడుతుంది. అందుకే మావారు ఎప్పుడూ స్పెషల్ దర్శనం తీసుకుంటారు. 3 గంటల్లో అయిపోతుంది." అంది పక్కింటి పార్వతి. లడ్డు ఇచ్చింది కళ "మూడు గంటలే! మేము వెళ్తే 3 నిమిషాల్లో అయిపోతుంది . మావారు వి ఐ పీ పాస్ తెస్తారు. మాకు రెడ్కార్పెట్ వెల్కమ్. అంది కిందింటి కామాక్షి లోపలకి వస్తూ.

కళ ఆమెకూ ప్రసాదం ఇచ్చింది. ప్రసాదం తీసుకున్న కామాక్షి "నన్ను అడగకపోయావా వి.ఐ.పి పాస్ ఇప్పించేదాన్ని. కాటేజీలో హాయిగా ఉండేదానివి." అంది. ఆ మరే అంది కళ మరుక్షణం పక్కకువంగి పార్వతి చెవిలో " దీనికి పలుకుబడి ఎంతుందో తెలీదు కానీ వెధవ బడాయి చాలా ఉంది." అంది "అవునవును" అంది పార్వతి కళ్ళతోనే. "కామాక్షి ది చీరల వ్యాపారం తనకి సర్కిల్ ఎక్కువ అందరికీ అలా ఉండొద్దూ!" అని కామాక్షిని మెప్పుచేసింది కుసుమ. "దాని(కామాక్షి) దగ్గర చీరలు తీసుకుని 6 నెలలైనా డబ్బులివ్వలేదు. మరి తందానా తానా అనక తప్పదు కదా!" అనుకుంది కళ మనసులో. పైకి మాత్రం "దేవుడి దగ్గరకి వెళ్లేటప్పుడు అందరూ ఒకటే. సామాన్య దర్శనం వల్లే పుణ్యం వస్తుంది తెలుసా? "అంది.

"పుణ్యం కాదు ఆయాసం వస్తుంది." అంది కామాక్షి. అందరూ నవ్వారు. కళకి కాలింది. కామాక్షి చేతిలో సంచి నుంచి చీరలు తీసింది. "అదేంటి చీరలు పట్టుకొచ్చేసావు? ఆశ్చర్యం నటిస్తూ అంది కళ. "మరేంచేయను కొత్తచీరలొచ్చాయి చూడడానికి రమ్మంటే ఎవ్వరూ రాకపోతిరి." అంది కామాక్షి. "ఇదెప్పటినుంచి అంది కళ. "ఏంటి? " అంది కామాక్షి "చీరలు ఇలా ఇళ్లకు తేవడం" వివరించింది పార్వతి. అందరూ నవ్వేరు. లక్ష రూపాయల చీటీ లో చేరలేదని అక్కసు దీని మొహం మండా అని మనసులో తిట్టుకుంది కళ. పార్వతిది చీటీల వ్యాపారం. అప్పుడే పనిమనిషి కోటమ్మ వచ్చింది. ఎవే ఈ రోజు ఆలస్యంగా వచ్చావు , ఇంకా నేనే తోవేసుకుందామని అనుకుంటున్నాను. అంది కుసుమ.

రెండో ఫ్లోర్ లో ఆయమ్మికాడ ఆలీసమైపోనాది అంది కోటమ్మ "సరే సరే నిన్న ఇల్లు తడిగుడ్డ పెట్టలేదు ఈ రోజు పెట్టాలి ముందు అంట్లు తోమేసేయ్ అంది కుసుమ. వంటగదిలోకి వెళ్లేముందు కోటమ్మ కళ చేతిలో లడ్డులు చూసి "ఎమ్మా తిరుపతి పెసాదం ఒట్టుకొచ్చావా అంది . కోటమ్మ అలా అనగానే "ఇదిగోనే!" అని ఒక లడ్డు ముక్క చిదిపి కోటమ్మకిచ్చి " కళ్ళ కద్దుకుని నోట్లో వేసుకో !" అంది. కోటమ్మ కళ్ళకి ఆదుకోలేదు సరికదా ఉదాసీనంగా తీసుకుని వంటగదిలోకి వెళ్ళిపోయింది. కోటమ్మ అంట్లు తోముతున్నంతసేపూ పార్వతి, కుసుమ, కళ లొడ లొడా మాట్లాడుకున్నారు. కానీ కోటమ్మ తడిగుడ్డ పెట్టేటప్పటికీ కళ పార్వతి వెళ్లిపోయారు. కుసుమ ఒక్కతే ఉంది. ఏంటే మతం మారేవా లడ్డు కళ్ళకి అడ్డుకోకుండా మరీ అంత అయిష్టంగా నోట్లోవేసుకున్నావు. అంది కోటమ్మతో "నానేటి మతం మారనేదమ్మ " అంది కోటమ్మ

మరి తిరుపతి లడ్డు ... అని కుసుమ అంటుండగా "ఊరుకో యమ్మా అదేం తిరుపతి లడ్డు! ఈవిడేం(కళ ) మనిషి! ఎక్కడ కొంటాదో తెలీదు కానీ ఇవి తిరుపతి లడ్లు కావమ్మా. ఒక వేళ అది సరైన లడ్డూ అయినా ఈవిడ సరైన మనిషి కాదు. ఈవిడ తిరుపతి లడ్డులనిపంచే వంకతో ఈ పేటలో ఇంటింటికీ తిరుగుతాది అదంతా ఒక వ్యాపారం సులువు అమ్మా !" అంది కోటమ్మ . "అందేంటే కళ గారిని అలా అంటావు. కామాక్షి పార్వతి అలాచేస్తారు. ఎందుకంటే పార్వతి ది చీటిల వ్యాపారం కామాక్షిది చీరలవ్యాపారం. వాళ్ళు చేస్తారాపని. తిరుపతి లడ్డుని ఆడ్డుపెట్టుకుని మాటలు కలుపుతారు. కళగారికి ఎం అవసరం ? ఆవిడకి ఎంవ్యాపారంలేదే." అంది కుసుమ "ఆవిడది రియల్ ఎస్టేట్ వ్యాపారమమ్మా నీకు తెలీదా?"అంది కోటమ్మ "మరి నాకెప్పుడూ చెప్పలేదు"అంది కుసుమ ఆశ్చర్యంగా .

నిన్ను ఒగ్గేసింది. నన్ను ఎందుకొదిలేసింది నామీద అంత ప్రేమ ఏంటో?" కోటమ్మ నేరుగా సమాధానం చెప్పలేక "ఏటో మాయాదారిగోల లడ్డుమీద యాపారాలేటో అంది కోటమ్మ వగస్తూ. లడ్డుమీద రాజకీయాలే నడుస్తున్నాయి వ్యాపారాలు నడవ్వా. అవునే యమ్మ ఆదీనిజమే అనిపెద్దగా నవ్వేసింది కోటమ్మ అమ్మ అంతా యాపారామె నమ్మా అందరికీ ఇంటికాడ కూడా యాపారాలే. ఈ ఆడవాళ్లు రకరకాల యాపారాలు చేసి అందరి నెత్తిమీద చెయ్యి ఏసేస్తున్నారు. అంది కుసుమా. నిజవమ్మా నువ్వు సెప్పింది నిజం నువ్వొక్కత్తివే ఏ యాపారం చేయడంలేదు. మంచి పని చేస్తన్నావమ్మా సక్కగా సీరలు తీసుకుంటావు (డబ్బులు కట్టవు ) చీటీలు పాడుకుంటావు ( డబ్బులు కట్టవు ) సక్కగా వాడుకుంటావమ్మా. అందుకే నీ కాడెవ్వరూ ఏటి కొనమని అడగరు నోరెత్తరు." కోటమ్మ చెప్పుకుంటూ పోతోంది. కుసుమకి వత్తి కాలిపోయింది.

ముంగిట్లో ప్రపంచం - పూలబాల పుస్తకం నుంచి

ఆయ్య బాబోయ్ ఇది ఆడది కాదురోయ్   ఫోటో చూస్తేనే విషయం అర్థం అయిపోతుంది

మొగుణ్ణి ఒక్క తొక్కు తొక్కిందని. చదివితే గుండెలు దడ దడ లాడతాయ్

.

సెక్రటరీ గా చేరి మిస్ట్రెస్ గా మారి భర్త ఉండగానే వేరొకరితో పిల్లలని కని అతనితోనే సెటిల్ అయిపోయి అక్రమ సంపాదనతో, అడ్డగోలు చదువుతో, పీ. హెచ్. డీ కొట్టేసి, వేరొక స్త్రీ తల పగల గొట్టి కోర్టు కేసు ని మాఫీ చేయించుకున్న గ్రేస్. గ్రేస్ కథ చదివితే గుండెలు దడ దడ లాడతాయ్.

గ్రేస్ న్టోంబిజోడ్వా దక్షిణాఫ్రికాలోని బెనోనిలో వలస వచ్చిన తల్లిదండ్రులకు కుటుంబంలోని ఐదుగురు పిల్లలలో నాల్గవ వ్యక్తిగా జన్మించారు. ఆమె వైమానిక దళ పైలట్ స్టాన్లీ గోరెరాజాను వివాహం చేసుకుంది మరియు వారికి 1984లో జన్మించిన రస్సెల్ గోరెరాజా అనే కుమారుడు జన్మించాడు.

.

ప్రెసిడెంట్, రాబర్ట్ ముగాబేకి సెక్రటరీగా పని చేస్తున్నప్పుడు, స్టాన్లీ గోరెరాజాను వివాహం చేసుకున్నప్పుడు ఆమె అతని భార్యగా మారింది - మరియు ఇద్దరు పిల్లలు, బోనా, ముగాబే తల్లి పేరు, మరియు రాబర్ట్ పీటర్, జూనియర్.

.

ముగాబే మొదటి భార్య, సాలీ హేఫ్రాన్ మరణం తర్వాత, జింబాబ్వే ప్రెస్ ద్వారా "వెడ్డింగ్ ఆఫ్ ది సెంచరీ" పేరుతో విపరీతమైన క్యాథలిక్ మాస్‌లో ఈ జంట వివాహం చేసుకున్నారు. వారి వివాహ సమయానికి గ్రేస్ ముగాబే వయస్సు 31 మరియు రాబర్ట్ ముగాబే వయస్సు 72 సంవత్సరాలు. 1997లో, ఆమె దంపతుల మూడవ బిడ్డ చతుంగ బెర్లామైన్ ముగాబేకు జన్మనిచ్చింది.

.

గ్రేస్ ముగాబే ఆమె విలాసవంతమైన జీవనశైలికి ప్రసిద్ధి చెందింది మరియు పాశ్చాత్య మీడియా ఆమెకు "గూచీ గ్రేస్" అని మారుపేరు పెట్టింది. 2003లో పారిస్‌కు వెళ్లిన సందర్భంగా డైలీ టెలిగ్రాఫ్ ఆమెను "ఇంట్లో అపఖ్యాతి పాలైంది" అని పేర్కొంది, ఈ సమయంలో ఆమె ఒక షాపింగ్ కి వెళ్లారంటే వార్తలలోకి వెళ్ళారన్నమాటే ఒకసారి ఒక షాపింగ్ లో 120,000 డాలర్లు ఖర్చు చేసి వార్తలలోకెక్కారు.

.

తూర్పు జింబాబ్వేలోని చియాడ్జ్వా గని నుండి చేతితో వజ్రాలను తీయడానికి త్రవ్వకాల బృందాలను నియమించడం ద్వారా గ్రేస్ హాంకాంగ్‌లో డైమండ్ కటింగ్ వ్యాపారం ప్రవేశించింది ఆమె లెక్కలేనంత ఆస్తితో సహా ప్రాపర్టీ హోల్డింగ్‌లను సంపాదించింది. ఆమె పేరు జింబాబ్వేలోని ఉన్నత స్థాయి ప్రభుత్వ అధికారులు, మిలియన్ల డాలర్లను ఆర్జించేవారిలో బాగా కనెక్ట్ అయిన ప్రముఖులతో పాటు వినిపించింది.

.

పి హెచ్ డీ ప్రోగ్రామ్‌లోకి ప్రవేశించిన రెండు నెలల తర్వాత జింబాబ్వే విశ్వవిద్యాలయం నుండి సెప్టెంబర్ 2014లో గ్రేస్ ముగాబే సోషియాలజీలో డాక్టరల్ డిగ్రీని పొందింది. ఆమె భర్త మరియు యూనివర్సిటీ ఛాన్సలర్ రాబర్ట్ ముగాబే ఆమెకు డిగ్రీని ప్రదానం చేసినప్పుడు అది పెను వివాదానికి దారితీసింది. ఎందుకంటే ఆమె డాక్టరల్ థీసిస్ యూనివర్సిటీ ఆర్కైవ్‌లో లేదు పైగా రెండు నెలలలో ఎవరికీ ఇవ్వరు ఆమె తన PhDని తిరిగి ఇచ్చేయాలని వత్తిడి ఎదుర్కొంది.

.

ఐనా దున్న పోతు మీద వాన కురిసినట్టు ఆమె ఏమీ చలించలేదు. అంతేకాక అడ్డుఆపూ లేక సిగ్గు లజ్జా వదిలేసి యథేచ్ఛగా చెలరేగిపోయింది. జోహన్నెస్‌బర్గ్‌లోని ఓ హోటల్‌లో గ్రేస్ 20 ఏళ్ల మోడల్‌పై దాడి చేసినట్లు ఆమె కుమారులను పొడిగింపు రాడ్‌తో కొట్టింది, దీని వలన నుదిటిపై ఒకదానితో సహా అనేక గాయాలు ఉన్నాయి. "తీవ్రమైన శారీరక హాని కలిగించే ఉద్దేశ్యంతో దాడి" చేసినందుకు ఎంగెల్స్ అభియోగాలు మోపిన తర్వాత, గ్రేస్ 15 ఆగస్టు 2017న జోహన్నెస్‌బర్గ్ కోర్టుకు హాజరు కావాల్సి ఉంది, కానీ హాజరు కాలేదు. ఆమె దౌత్యపరమైన మినహాయింపు పొందింది. విదేశాల్లో ఐతే ఇలాటి వాళ్ళని వేళ్ళ మీద లెక్కించవచ్చు మనదేశం లో పదికి తొమ్మిదిమంది ఇలానే ఉంటారు

ప్రజల వింత సైకాలజీ - PRIME 9 లో పూలబాల

ప్రజల వింత సైకాలజీ తెలిసిస్తే ఆశ్చర్యపోతారు.

.పది వేల మంది జనాభాలో అడిగినా ఒక్కరూ తోడు రారు

రోడ్డులో గుంతలు పూడిస్తే ఎక్కువమంది అసలు పట్టించుకోరు రోడ్డులో గుంతలు పూడిస్తే ఎందుకు ముఖం తిప్పేస్తారో తెలుసా ? దేవుడు భజన , అన్నదానం వీటికి మోజెక్కువ .రాత్రి 12 దాకా మైకు పెట్టి భజన చేసి ఊరంతటినీ పీడిస్తూ అది పుణ్య అనుకుంటారు. రోడ్ల పై గోతులు తీసి షామియానా లు కట్టి అన్నదానం చేస్తే అది కూడా పుణ్యమే.

ఇది నిజమా అనుకోవచ్చు కానీ నిజమే. ప్రజా సేవ చేస్తే మొదట అనుమానిస్తారు. వీడు ఎందుకు ఈ పని చేస్తున్నాడు. అనుకుంటారు ఇది నిజం. నేను రోడ్లు బాగుచేస్తున్నప్పుడు ఈ పని ఎందుకు చేస్తున్నారు ? మీకేం సంబంధం అని అడిగినవాళ్లే ఎక్కువ. కొంత మంది " ఆ గుంతలు అలాగే వదిలేయండి ప్రజలకి బుద్ది రావాలి ఎవరికి ఓట్లేస్తే రోడ్లు బాగు పడతాయో ప్రజలకి తెలిసి రావాలి. మీ కెందుకీ బాధ." అన్నారు . నేను స్వచ్చంద సేవ చేస్తున్నాను రాజకీయాలతో ముడి పెట్టకండి అంటే వినరే. రోడ్లకి సేవచేసినా తెలుగుకి సేవచేసినా తక్కువ గా చూస్తారు. మాతృబాష దినోతవాసం జరుపుదామని ఊరి పెద్దలని అడిగితె నవ్వి ఊరు కున్నారు. పది వేల మంది జనాభాలో అడిగినా ఒక్కరూ చిన్న సాయం కూడా చేయరు . మంచి పని చేస్తే మానసికంగా కృంగదీసేవారే ఎక్కువ ఎవరేమను కున్నా పట్టించుకోకూడద నుకున్నా తరువాతే ఈ పని మొదలెట్టాను. మనజీవితమంతా సేవలో లేకున్నా మనజీవితంలో ఒక్కరోజైనా సేవ ఉండాలి. అన్నారు పూలబాల

కథల ద్వారా ఇంగ్లిష్ కానీ ఫ్రెంచ్ కానీ బలే నేర్చుకోవచ్చు

 ఏనిమల్స్ అండ్ బర్డ్స్ ఫ్రెంచ్ ఇంగ్లీష్ కథల పుస్తకం .

పూర్తి బొమ్మలతో చిన్న పిల్లలని పెద్దలని అలరించే పుస్తకం

కథల ద్వారా భాషలోకి ప్రయాణం - పూలబాల ప్రయోగం

వందల గంటలు శ్రమించి రాసిన పుస్తకం - అందరికీ ఉచితం టెక్స్ట్ పుస్తకాలు మొక్కుబడిగా చదువుతాం. అదే కథల పుస్తకాలైతే ఆసక్తి గా చదువుతాం. పూలబాల గారి పుస్తకం లో అన్నీ ఆశ్చర్యాలే మనకు పిల్లి కుక్కల గురించి కూడా ఏమీ తెలీదు అనిపిస్తుంది. చదువుతున్నంతసేపూ ఆశ్చర్యం

.

నా పేరు ఖుషి గుజ్రాల్. మాది విజయవాడ. నేను ఇప్పుడు కెనడాలో నివసిస్తున్నాను. పూలబాల గారివద్ద గత నాలుగు నెలలుగా ఫ్రెంచ్ నేర్చుకుంటున్నాను. విద్యార్థులకి బాష నేర్పడానికి గ్రామర్, పాఠాలే కాక అనేక ఆడియోలు వీడియోలు పంపిస్తుంటారు. టెక్స్ట్ పుస్తకంలో ఉన్న ప్రతి పాఠానికీ రెండు ఆడియోలు ఇచ్చారు. ఎన్ని వందల సార్లు బోధపరిచినా, మాట్లాడించినా వీడియోలు ఇచ్చినా ఫ్రెంచ్ నేర్చుకోడం అంత సులభం కాదు. ఇది నా అనుభవం తో చెపుతున్నాను. నాలుగు నెలలు నేర్చుకున్న తరువాత ఫ్రెంచ్ లో ఒక్క వాక్యం చెపితే తిరిగి చెప్పడం కూడా చాలా కష్టం.

.

విద్యార్థులని ఆసక్తి పరిచే కథల పుస్తకాల ద్వారా భాషలోకి ప్రయాణం సులభం అవుతుందని జంతువు లు పక్షులు అనే పుస్తకం వ్రాసారు పూల బాల. జంతు పక్షి ప్రపంచంలో అన్నే వింతలే. ఈ పుస్తక రచయిత పూల బాల వెంకట్ నేర్చుకునే వారికి సులభంగా అత్యంత ఆకర్షణీయంగా మలిచారు.

.

పూలబాల అందరికీ సుపరిచితమైన పేరు. ఆయన నా ఫ్రెంచ్ టీచర్ నేను ఆయన నుండి ఫ్రెంచ్ నేర్చుకుంటున్నాను. నేను కెనడాలో నివసిస్తున్నాను. ఆయన జంతువులు మరియు పక్షులు అనే ఫ్రెంచ్ పుస్తకాన్ని నాకు పంపారు . ఇది ఫ్రెంచ్ మరియు ఆంగ్లంలో వ్రాయబడిన ద్విభాషా పుస్తకం. తన పుస్తకంపై సమీక్ష ఇవ్వమని అడిగారు.

.

నేను పుస్తకాన్ని చదివాను, ఈ పుస్తకం ఫ్రెంచ్ అభ్యాసకులకు చాలా ఆసక్తికరంగా మరియు ఉపయోగ కరంగా ఉంది. అయితే రచయిత పూలబాల గురించి కొన్ని మాటలు చెప్పాలి. ఆయన ప్రతి విద్యార్థి కోసం ఒక పుస్తకాన్ని వ్రాయగల సామర్థ్యం ఉన్న రచయిత. సామర్థ్యం ఉండడమే కాదు వ్రాసి ఇచ్చారు కూడా.

.

విద్యార్థులకు ఫ్రెంచ్ స్పానిష్, జర్మన్ వంటి కోర్సు పుస్తకాలతో పాటు బొమ్మలతో వొకాబులరీ ఇడియమ్స్ ప్రొవెర్బ్స్ వంటి పుస్తకాలు వ్రాసారు విద్యార్థుల కోసం వివిధ విదేశీ భాషలలో పుస్తకాలు .రాస్తుంటారు. స్పానిష్ విద్యార్థులకి స్పానిష్ కల్చర్ హిస్టరీ గురించి కూడా పుస్తకాలు వ్రాసి పంపుతారు. విద్యార్థులకే కాదు ఎవరికైనా తెలియని వ్యక్తులకు కూడా ఉచితంగా పుస్తకాలు పంపుతారు .

.

అడ్వాన్స్డ్ విసువల్ వొకాబులరీ అనే పుస్తకాన్ని అడిగిన 1000 మందికి పంపారు . ఈ పుస్తకంలో కార్టూన్ చిత్రాలతో కూడిన కఠినమైన ఆంగ్ల పదాలు మరియు ఆ పదాలతో చిత్రం చుట్టూ అల్లిన కథలు ఉన్నాయి. ఇది అతని ఒక సంవత్సరం పరిశ్రమ. ఇవ్వడం తెలిసిన మనీషి పూలబాల.

భారతవర్ష - వార్ అండ్ పీస్ -వేయిపడగలు లా

దూరదర్శన్ H. O. P. అరుణకుమారి గారు భారతవర్ష చదివి వార్ అండ్ పీస్ -వేయిపడగలు లా ఉందని చెప్పారు.  అలా   ఎందుకనిపించిందంటే

లియో టాల్ స్టాయ్ వార అండ్ పీస్, విశ్వనాథ సత్యనారాయణ గారి లాగానే పూలబాల కూడా సమాజాన్ని ప్రజల జీవితాలను సునిశితంగా పరిశీలించి ఎన్నో సూక్ష్మమైన సమస్యలను తన మానస పుత్రిక భారతవర్ష గ్రంధం లొ వర్ణించారు. నేటి సామాజిక పరిస్థితులను, చారిత్రిక , సాహిత్య అంశాలను చాలా విపులంగా విశ్లేషణాత్మకంగా వ్రాసారు. ఆసక్తి కరమైన కథ అనేక పాత్రలు సృష్టించి ప్రతి పాత్రకు సముచితమైన స్థానాన్ని అర్థాన్ని కలిపించారు. అష్టాదశ వర్ణనలు వర్ణనలు అతికినట్టు కాక సహజంగా ఉన్నాయి. అనే క సంస్కృత తెలుగు పద్యాలు సందర్భోచితం గా హృద్యంగా చదువరులను ఆకట్టుకునే విధంగా ఉన్నాయి. భారతవర్ష ఏ గ్రంధానికి తీసిపోని విధంగా సమున్నతంగా నిలిచింది అనడం అతిశయోక్తి కాదు. అన్నారు అరుణ కుమారిగారు.

మెక్సికో ఇండిపెండెన్స్ డే తిరుపతిలో

ఎందుకు జరుపుకున్నారు?

మెక్సికో జాతీయగీతం ఎలా ఉంటుందో తెలుసా?

.

మెక్సికన్ స్వాతంత్ర్య దినోత్సవం ఎప్పుడు? మెక్సికన్ స్వాతంత్ర్య దినోత్సవం ప్రతి సంవత్సరం సెప్టెంబర్ 16 న జరుపుకుంటారు మరియు హిస్పానిక్ హెరిటేజ్ నెల ప్రారంభంలో వస్తుంది, ఇది సెప్టెంబర్ 15 నుండి అక్టోబర్ 15 వరకు నడుస్తుంది. ఈ నెల మొత్తం, అనేక లాటిన్ అమెరికన్ దేశాలు తమ తమ స్వాతంత్ర్య దినాలను జరుపుకుంటాయి.

.

మెక్సికన్ స్వాతంత్ర్య యుద్ధం 16 సెప్టెంబర్ 1810 అనేది సాయుధ పోరాటం మరియు రాజకీయ ప్రక్రియ ఫలితంగా స్పానిష్ సామ్రాజ్యం నుండి మెక్సికో స్వాతంత్ర్యం పొందింది. ఇది ఒకే, పొందికైన సంఘటన కాదు, అదే కాలంలో స్థానిక మరియు ప్రాంతీయ పోరాటాలు జరిగాయి, దీనిని విప్లవాత్మక అంతర్యుద్ధంగా పరిగణించవచ్చు.

.

11 సంవత్సరాల ( 16 సెప్టెంబర్ 18110 నుంచి 27 సెప్టెంబర్ 1821 వరకు) సుదీర్ఘ పోరాటం తర్వాత మెక్సికో స్పెయిన్ నుంచి స్వాతంత్రాన్ని పొందింది కానీ ఇక్కడ ఆశ్చర్యకరమైన రెండు విషయాలు ఏంటంటే.

.

16 సెప్టెంబర్ అనేది వారికి స్వాతంత్రం వచ్చిన రోజు కాదు వారి యుద్ధం ప్రారంభమైన రోజు .

.

రెండు ఆశ్చర్యకరమైన విషయం ఏంటంటే ఎంతో ప్రయాసపడి రక్త తరపునతో సంపాదించుకున్న స్వాతంత్రానంతరము మెక్సికో లో ఇంకా ఆ స్పానిష్ భాష మాట్లాడతారు.

.

పరాయి పాలకులు వెళ్లిపోతారు కానీ వారి ద్వారా పుట్టిన భాష మాత్రం ఆ నేలపై సజీవంగా కలకాలం ఉంటుంది ఇందుకు మంచి ఉదాహరణ భారతదేశం కూడా.

.

ఐఏఎస్ ( రిటైర్డ్) విజయ్ కుమార్ గారి సారథ్యంలో నడపబడుతున్న ఆంధ్రప్రదేశ్ ప్రకృతి వ్యవసాయ సంస్థ బంజర భూముల్లో కూడా బంగారం పండించే పరిశోధనాత్మక వ్యవసాయ పద్ధతులను అభ్యసించ డానికి వివిధ దేశాల నుంచి వ్యవసాయ పరిశోధనలో నిమగ్నమైన శాస్త్రవేత్తలు ఈ విప్లవాత్మక వ్యవసాయ పద్ధతులను తెలుసుకోవడానికి ఆంధ్రప్రదేశ్లో అడుగు పెట్టారు విజయవాడకు చెందిన పూలబాల వారికి అనువాదకుడిగా వ్యవహరిస్తున్నారు.

పుట్టింది ఫ్రాన్స్ లో పెరిగింది కెనడాలో కానీ

పుట్టింది ఫ్రాన్స్ లో పెరిగింది కెనడాలో మాట్లాడేది ఆంగ్లం లేని పూర్తి తెలుగు.

ఆశ్చర్యపోవడమే కాదు అవాక్కవుతారు కూడా!

.

రీసెర్చ్ చేస్తున్న రీసెర్చ్ అనే మాట వాడడు పరిశోధన అంటాడు. సెల్ఫోన్ వాడుతున్న సెల్ఫోన్ అనడు చర్వాణి అంటాడు నెంబర్ ఎంత అని అడిగడు. సంఖ్య ఎంత అని అడుగుతాడు. స్పానిష్ బృందంతో పాటు తిరుపతి విచ్చేసిన ఈయన వ్యవసాయ పరిశోధన చేస్తున్న ఒక విద్యార్థి. ఈయన పేరు జూలియన్. ఈయన తెలుగు ప్రేమ చూస్తే ఆశ్చర్య పోవాల్సిందే అవాక్కవ్వాల్సిందే. ఈయన ఆంగ్ల మిళితము కాని స్వచ్ఛమైన తెలుగులో మాట్లాడడమే కాకుండా తెలుగు లిపి కూడా నేర్చుకుని ఏది చెప్పినా సరే తెలుగులోనే రాస్తాడు. తెలుగు మాట్లాడడంలో ఈయన ముందు తెలుగు వారు కూడా దిగదుడుపే ఈయనతో తెలుగు మాట్లాడుతున్న తెలుగువారు ఓడిపోతారు ఓడిపోతారు కాదు ఓడిపోయారు.

తెలుగు మాట్లాడుతున్నప్పుడు రూమ్ , సెల్ఫోన్ నెంబర్, కాన్ఫరెన్స్ లాంటి అనేక మాటలు వాడొద్దని వాటికి పర్యాయపదాలు ఉన్నాయని తెలుగు వారికి గుర్తు చేసిన స్వచ్ఛమైన తెలుగు భాషా ప్రేమికుడు. రూమ్ కి బదులుగా గది, కీ - కి బదులుగా తాళం , కాన్ఫరెన్స్ అనే మాటకు బదులుగా సమావేశం అనే మాటలను సూచించినప్పుడు ఆయనతో మాట్లాడుతున్న ఇద్దరు తెలుగు వారుతికమక పడ్డప్పటికీ తక్కిన వారు పకపక నవ్వుతూఅలా మాట్లాడితే అది తెలుగని పించుకోదు అని చెప్పారు.

తెలుగువారికి ఆంగ్లేయుడి లేఖ

 సూటిగా అమాయకంగా ప్రశ్నలు...

.

తెలుగు లో చిన్న చిన్న సులభమైన పదాలను కూడా వాడలేక పోతున్నారు? ఎదురు చూడడం అనరు వెయిట్ అంటారు ఎందుకు? సమయం అనరు టైం అంటారు ? ఎందుకు అని పూలబాలని ప్రశ్నించారు కెనడావాసి జులియన్. ఎదో అలా అలవాటైపోయింది అని పూలబాల సర్ది చెప్పబోతే "ఒక్క వాక్య కూడా తెలుగులో మాట్లాడలేక తికమక పడుతున్నారు. తెలుగు భాషను కూడా ఇబ్బందికి గురిచేస్తున్నారు. ఇంకా చెప్పాలంటే తెలుగు ని తక్కువచేసి చూపిస్తున్నారు. నేను మీదేశం వచ్చినప్పుడు మీ భాషే మాట్లాడు తున్నాను. తెలుగువారితో తెలుగే మాట్లాడుతున్నాను. మీరు మాదేశం వచ్చినప్పుడు లేదా మావారితో మాట్లాడు తున్నప్పుడు ఆంగ్లం మాటాడవచ్చు. కానీ తెలుగు వారితో ఆంగ్లంలో ఎందుకు మాటాడడం ? తెలుగు బాష గౌరవించబడాలి కదా ? వద్దా ?

.

తెలుగువారికి తెలుగు మాట్లాడడంలో ఆనందం లేదా?

.

మీ బాష ఎంత అందంగా ఉందో కదా నాకు నేర్పించండి అన్నారు జూలియన్.

.

బానిస భావం విడనాడి ఏ జాతి బ్రతుకునో అది జాతి అని పూలబాల డీప్ గా ఎమోషనల్ అయ్యి తన థాట్ ని ఎక్స్ప్రెస్ చేశారు . మీరు కూడా రీడ్ చేసిన తరువాత మీకు ఏమైనా ఫీలింగ్స్ కలిగితే ఇంగ్లిష్ లోనే రెస్పాండ్ అవ్వండి.

స్పానిష్ పాటతో గురువుకి సన్మానం

గురు శిష్య బంధాల గురించి స్పానిష్ గీతం వింటే మీకే తెలుస్తుంది

https://www.facebook.com/share/v/uHKmttsQH9Vchy6x/

గురు శిష్య బంధాలు ఒకప్పుడుఉన్నతంగా ఉండేవి

కానీ నేడుఅవి పలచబడిపోతున్నాయి మనందరికీ తెలుసు

.

యథారాజ తథా ప్రజా అన్నట్లు, యథా గురు తథా శిష్య!

ఉన్నతమైన గురువులు ఉన్నతమైన శిష్యులనే తయారుచేస్తారు

కొంత మంది గురువులు శిష్యులకు ప్రేమతో బోధిస్తారు

అందుకు ఉదాహరణగా ఇలాటి శిష్యులు కనిపిస్తారు.

అలాటి గురువుల్లో పూలబాల ముందు వరసలో కనిపిస్తారు.

.

స్పానిష్ బాగానేర్పి తన జీవితంలోకి మార్పు తీసుకు

వచ్చి తన జీవితంలో భాగం అయ్యాడని పూలబాలని

తన పాటతో అలంకరించిన గొప్పశిష్యుడు

మీలో గొప్ప భావనలను రేకెత్తిస్తుంది.

స్పానిష్ అనువాదకుడిగా పూలబాల

మెక్సికో నుండి వచ్చిన  వ్యవసాయరంగ  శాస్త్రవేత్తల కు  రాష్ట్ర ప్రభుత్వ సంస్థ RYSS తరుపున  స్పానిష్ అనువాదకుడిగా పని చేశారు విజయవాడకు చెందిన బహుభాషా కోవిదుడు పూలబాల.  తిరుపతిలో జరిగిన అంతర్జాతీయ సమావేశంలో పాల్గొనడమే కాక వ్యవసాయ క్షేత్రాలలో వారితో తిరుగుతూ తెలుగు రైతులు అవలంబిస్తున్న సహజ వ్యవసాయ పద్దతులను వారి కష్టనష్టాలను స్పానిష్ భాషలో వారికి వివరించారు.  

పనంతా ఏ సీ రూముల్లో అనుకుంటే పొరపాటే 90 శాతం పని మండే ఎండలో పొలాల్లో ఉంటుంది.

ఒక చేతిలో మైకు మరో చేతిలో మంచినీరు .. మండే సూరీడు కింద మరో మండే సూరీడు లా ఎడతెగని పని ఉదయం 9. 00 నుంచి రాత్రి 9. 00 దాకా పని ఉంటుందని హోటల్ కి చేరేసరికి రాత్రి 10. 00 అయ్యేదని చెప్పారు.  ఒకప్పుడు ఫ్రెంచ్ అనువాదకుడిగా ఫ్రెంచ్ సమావేశాల్లో పాల్గొని సేవలందించిన పూలబాల నేడు స్పానిష్ శాస్త్రవేత్తలు వచ్చినప్పుడు కూడా అవేసేవలు అందించారు. పనంతా శీతల సమావేశ మందిరాల్లోనే కాదు సూరీడు కింద కూడా ఉంటుంది.  పొల్లాల్లో అనేక తెలుగు రైతులు మహిళలు అధికారులు చెప్పిన విషయాలను స్పానిష్ అతిదులకి వారి భాషలో చెప్పడం గొప్ప అనుభూతి ని కలిగించిందని అన్నారు పూలబాల.

అంతవారు రావడం అదృష్టం కాదా !

నేను వారి అభిమానిని అని చెప్పుకోడమే కాక పూలబాల ఆమె పై ఆశువుగా అద్భుతమైన కవిత కూడా చెప్పారు (చివరిలో కవిత ఉంది. ) భారతవర్ష గ్రంథ ఆవిష్కరణ లక్ష్మీ పార్వతి గారి చేతుల మీదుగా కలలో కూడా ఊహించనిది.

కేవలం తెలుగు మీద ప్రేమతో తప్ప వచ్చారు కానీ వేరే రకంగా అయితే నాలాంటి వాళ్ళకి ఆమె గేటు వద్దకు కూడా పోలేని పరిస్థితి. భారతవర్ష ఆవిష్కరణ సభకు ఆవిడ వస్తారు అని ఎదురుచూసే వేళలో నా మనసులో ఒక నిస్పృహ అంతవారు నేను అల్పుడి ని నా చిన్న సభకు వస్తారా అనుకుంటుండగా రైయ్ మంటూ దూసుకొచ్చింది ఒక కారు. అందులోంచి మహాలక్ష్మిలా దిగారు తెలుగు అకాడెమీ చైర్పర్సన్ లక్ష్మీ పార్వతి గారు.

.

లక్ష్మీ పార్వతి ఈ పేరువింటే ఒక సాహితీ వేత్త నాకు గుర్తొస్తారు. ఆవిడ ఐతిహాసిక రచన శ్రమణకం మనందరికీ గుర్తుంది ఉంటుంది. కానీ దానిని నేను ఆంగ్లంలోకి అనువదిం చానని నేను చెప్పేదాకా ఆమెకు కూడా తెలియదు. ఒక రకంగా చెప్పాలంటే నేను వారి అభిమానిని అన్నారు పూలబాల. అలా అనడమే కాకుండా ఎందరిమీదో ఆశువుగా కవితలుచెప్పే పూలబాల లక్ష్మీ పార్వతిగారిపై కవితకూడా చెప్పారు

.

శ్రీకృష్ణుడంటి పతికి ఉత్కృష్టమైన సతి

జిలుగు చీరలు కట్టని తెలుగు బిడ్డ

నిను చూసి మురిసేను తెలుగు గడ్డ అంటూ

సాగే కవిత లో ఆమె నిరాడంబరతను సాహితీ

ప్రతిభను కొనియాడారు.

.

నేను ఆరు విదేశీ భాషలలో రాస్తున్నందుకు నన్ను అభినందించారు. అని సంతోషంగా గతాన్ని గుర్తు చేసుకుని మురిసిపోయారు బహుభాషాకోవిదుడు పూలబాల.

బంగారం లాంటి స్వరమే కాదు - మనసు కూడా.

అయినా నాకు మిగిలింది కన్నీరే - రచయిత పూలబాల

భారతవర్ష కు మొదటి గాయనీ మణి లక్ష్మి శ్రీవల్లి. పరిచయం అవసరం లేని ఆంధ్రుల అభిమానాన్ని ఆంధ్రుల అభిమాన గాయకుడు శ్రీ బాలసుబ్రమణ్యం గారి ఆశీస్సులను పొందిన లక్ష్మి శ్రీవల్లి గారిని ఒక్క సారిగా కలవలేకపోయినా అంచలంచలుగా తెలుసుకుని వారి తల్లి తండ్రుల దయతో చివరకు భీమవరం లో వారి ఇంట్లో కలవగలిగాను.

.

భారతవర్ష పాటలు కీర్తనలు పాడించడానికి నెలల అన్వేషణ వెదుకుతూ వెళ్లిన నాకు పాటకు , 50 వేలు లక్ష అడిగేవాళ్ళే దొరికేరు. పాటకి 25 వేలు ఇద్దామని తయారయ్యాను. ఒకావిడ చక్కగా పాడేరు. నేను మా తోడి కోడలు కలిసి పాడతాము. ఇద్దరికీ చెరో పాతిక వేలు ఇవ్వాలి అన్నారు. కొంత మందికి స్వరం బాగుందనే మాటే గానీ పాడే పద్దతి బాగాలేదు. నేను కట్టిన బాణీలు సహజంగా రాస్తున్నప్పడు పుట్టినవి. నేను పాట బాణీతో సహా రాస్తాను. ఎవరైనా అంటే అనుకుంటాను. పాడే వాళ్లు బాణీ కట్టించమని అడిగారు.

.

దాంతో సంగీత గురువుల చుటూ పరిగెత్తాను. వారు బేక్ గ్రౌండ్ మ్యూజిక్ కూడా ఉండాలన్నారు. స్థూడియోల చుట్టూ పరిగెత్తాను. నా సాహిత్యానికి ఆరెండూ జతపరచిన తరువాత వింటే ... దారుణంగా ఉన్నాయి. నేను రాసిన గీతాలలా లేవు. వాళ్ళిచ్చిన శాంపిల్స్ ఇంకా నాదగ్గర ఉన్నాయి. వింటే బాధే కలిగేది. బాగా పాడే వాళ్ళుంటే బాగుండునని అనేక మందిని కలుస్తూ అనేక ఊర్లు తిరుగుతూ ఉండగా విజయవాడకు చెందిన బుచ్చయ్యాచారి అపాయింట్ మెంట్ దొరికింది.

.

నాగీతాలు బాగున్నాయని మెచ్చుకోడమే కాకుండా నాబాణీలు విన సొంపుగా ఉన్నాయని చెప్పారు. అప్పటికి మూడు నెలలు గడిచిపోయాయి. బాణీలు ఒకే అయితే పాడేవాళ్లు దొరకద్దూ. అన్వేషణ కొనసాగిస్తుండగా ఎట్టకేలకు లక్ష్మి శ్రీవల్లి గారి నాన్న గారి ఫోన్ నెంబర్ దొరికింది. ఆయన భారతవర్ష గురించి విని తెలుగు భాషా సంస్కృతుల గురించి శాస్తీయ సాహిత్యం గురించి నే పడే శ్రమను గుర్తించి వాళ్ళ అమ్మాయికి భారతవర్ష పాటలు పాడమని అనుమతిచ్చేరు.

భీమవరంలో వారి ఇంటికి అనుకున్నరోజున వెళ్లి పాటలు చూబించి. నేననుకున్న బాణీల లో పాడి విని పించాను. ఆ బాణీకి దగ్గర రాగం ఎంచుకుని చిన్న చిన్న మార్పులు చేసి పాడి వినిపించించారు శ్రీ వల్లి గారు. కొద్దీ రోజుల తరువాత భీమవరం విష్ణు రేడియోస్టేషన్ రికార్డింగ్ స్టూడియో లో రికార్డింగ్ చేసాము. రికార్డింగ్ జరుగుతున్నప్పుడు వాళ్ళమ్మగారు కూడా ఉన్నారు. ఆ పాటలు వింటుంటే మనసు గాల్లో తేలిపోయింది. పాటల కోసం స్వరాన్వేషణ ముగిసింది. స్వరరాణి దొరికింది. రికార్డింగ్ ముగిసిన తర్వాత శ్రీ వల్లి గారికి కృతఙ్ఞతలు చెప్పి చేతులో ఒక చెక్కు పెట్టాను. ఇంత వరకూ ఆమె ఆ చెక్కు మార్చుకోలేదు.

.

అంత ప్రతిభ ఉండి కూడా, ఇంత చేసి కూడా నాకు తన ఓదార్యం తో కన్నీరే మిగిల్చింది - ఆ కన్నీటికి మరో పేరు ఆనంద భాష్పాలు.

రచయిత పూలబాల